Shopping for ein liten gut utan vit for pengar...... Her har han spara og spara til han skulle på haustferie, og så har han ikkje råd til å bruke ei einaste krone. "Mamma, æ har løst på en sånn dæran. Æ har ønska mæ det længe!" Eg svara jo sjølvsagt at det var hans pengar og at det berre var å kjøpe det om han hadde så lyst på det. "Æ bruka ikkje mine pænga nu, mamma. Du må betal den. Avtale??" Uansett kva han skulle ha, så poengterte han at det ikkje var hans eige pengar som blei brukt. Sleipingen...... Hehehe. Han er no eindel eigedelar rikare og har minst like mykje pengar som då han forlot heimen sin. Lur, med andre ord:=)
Blant anna har han kjøpt seg ny lærball. Ikkje veit eg kva han skal med den. Heime i garasjen er det eit utall lærballar og det held ikkje med berre eitt ballnett. Likevel blir han ikkje lei av ballar. Er han på tur, kjøper han seg ball. Slik er det berre. "Du skjønna jo det mamma...... Æ e jo ikkje interresert i bila. Ball e så mykje kulare." Så det var berre å ta nyballen med seg og ta turen til fotballbana her borti strøket. Ein kan i alle høve ikkje påstå at eg ikkje strekk meg bra langt for dette bornet. I ausande regn, sprang eg der med han og dribla og sentra på den runde lærkula. Så var det heim til kinasjakk og vanleg sjakk.
Det er mykje ein kan sakne når ein flyttar til ein ny stad. Spesielt mange av venene ein har. Skal eg nemne èin ting som ikkje blir sakna, ja, då må det vere regnet. Det slår i bakken og det skal visst berre bli verre. I morgon skal det visst bli riktig så ille. Litt kjipt når ein ikkje har noko ønske om å sitje inne den tida ein er her. No har ikkje eg vore mykje inne, men det spørs om ikkje morgondagen blir slik. Jaja....... Det er godt vi er vanntett.
I dag har eg vore i lag med ei venninne i fleire timar. Det var sååå koseleg å sjå ho att. Når ein ikkje er så ofte heime, møtes ein jo då så altfor sjeldan. Det er slik det blir kvar gong. Ein rekk ikkje over alt ein ønsker på så få dagar. Det er så mange eg har lyst å møte, men ein må berre prioritere. Familien kjem sjølvsagt først. No er det berre morgondagen att. Torsdag set eg meg på flyet og reiser heim att. Då blir det nok ei stund til neste gong.
Eg gløymte visst å nemne at vi var på dans i går kveld. Ikkje det at eg følte meg så veldig heime, men triveleg var det dog. Det var masse folk (rundt 50 stk) i samfunnssalen, men dei aller fleste (99%) var pensjonistar. Ikkje misforstå meg.... Det var koseleg, men det var ikkje heilt 100 % på min stasjon. Vi var ikkje så lenge av di eg hadde med Steffen, men han rakk no å få seg nokre rundar på dansegolvet (både med mora og mormora). Det artigaste var vel reinlender. Det blei mykje snurring på han.......
Ellers så var det ein heil del som kjente att meg og kom for å helse på. Kvar gong dei sprurte om eg kjente dei att, turte eg ikkje svare anna enn "Ehh, joda, eg ser godt kven du er". Heldigvis var det ingen som testa akkurat det på ordentleg. Eg veit ikkje kva eg villa gjort om dei hadde spurt meg om å seie namna deira. Det ville vore litt flaut med tanke på at eg berre kjente att halvparten av dei. Ein kan klare seg lenge om ein berre gjer eit smil eller to og viser interesse.
Nok om dansen.......
Brunsneglen er her i år også. Det er visst ikkje håp om noko anna. No når det er regnvèr, er det som om han der artigkaren der opp ropar dei fram. Det er ikkje akkurat så skøy å gå langs mørke fortau og ikkje vite om du plutseleg skvisar enkelte av desse herlegdomane som åler seg bortover, slimete og ekkel.
For kvar som blir drepen, blir det produsert 500 nye. Herleg!!!! Så IKKJE trø på dei.
Det seies at det er minka pittelitt på dei, men ingen her vil vedkjenna seg at dei har lagt merke til akkurat det. Så sjefen sjølv "from above" må nok berre innfinna seg med at han må lage litt betre vèr den neste tida..... Så kanskje dei held seg til litt meir jordrike stader enn fortaua. (Ikkje at det angår meg....Eg er her jo berre til torsdag. Men som det solidariske mennesket eg er.........). Kofferten min skal ikkje trillast ut i bilen. Den skal berast!! Ferdig med det:=)
I morgon er det onsdag. Onsdagar er alltid bra, så det lover godt. No er det augeblikk midnatt og eg skal sørge for å få nok timar på auga mine. OG der blei eg litt avspora........ Dei fiskar etter kongekrabbe på tv og når dei skal ha krabbane opp, så viser det seg at dei har fiska ein bil. Jeeeeezes.........Det er ein anna båt som har "kødda seg" med dei. Juhuuu, artig!
Tilbake til midnatt og søvn. Beauty comes first. Hahahahaha....... Så eg sluttar av no. Ha ei fantastisk fin natt (søvnmessig:=) Hehehehe).
Hasta luego!
I wanna hold you......
Ingen kommentarer:
Legg inn en kommentar