Jaja...

"Mens norske menn må jobbe knallhardt for at sexlivet skal fungere, tar kvinnene for lite ansvar." Sitat slutt....Dagens papirutgåve av Vg. Saka dekker faktisk mesteparten av førstesida. Så kvinnfolk, her har vi ein jobb å gjere!! Hmm....... Kva betyr eigentleg det at mannen må jobbe knallhardt?? Jakte, ta initiativ og prestere? Knallhardt arbeid det!!! Ikkje rart dei er sliten etter ei heftig stund i sengehalmen. Då skjønner eg kva dei meiner med hardt arbeid. Nope.....  Kanskje dei må jobbe hardt slik at dei får masse pengar dei kan bruke til å "sjarmere" kvinnene med. Ja, det må det vere!?

Det er grueleg synd i menna. Dei har lyst på meir sex, men kvinnfolk har helseproblem, er sliten, skuldar på borna, hovudverk osv....bla, bla, bla (den gamle leksa).
42,6% av dei som blei spurt, svara ikkje på undersøkinga. Det tolkar dei til føremon for mennas argument. Det kan jo vere at dei ikkje vil svare av di dei er misnøgde med sexlivet? Seriøse professorar som tolkar dette?? Neppe......  Det står ingenting om dei forholda der det faktisk er menna som ikkje vil. Dei forholda fins vel også?

Det antydes at enkelte av haldningane heng att frå gamalt av. Før i tida var det uhørt at kvinna tok initiativ (stakkars kvinner!). I tillegg er det nok slik at menn vil ha meir sex enn kvinner. Høyrt slikt tull!!??! Det må då vitterleg vere individuelt.......

"Sexlivet stopper opp etter en fødsel." Er det tilfelle?? No henger ikkje eg med....... Ja, dei fleste er vel utan sex i ca seks uker, men det er tilrådd at det skal vere slik. Det er logiske årsaker til det.

Etter å ha lest heile artikkelen, står eg att med at å arbeide hardt betyr følgjande: Mannen må heile tida sørge for at seksualakta blir ei vakker oppleving for kvinna, slik at det freistar til gjentaking.

Jaja, om det som står i avisa stemmer, trur eg at eg må lære meg sjølv betre å kjenne. Eg trudde eg gjorde det, men om det berre er eg som er unntak frå det som står der, så er det jo meg det må vere feil med. Eg har tydlegvis ikkje lært at ein kan skulde på helsa, hovudet, born........eller "whatever". Kva gjer ein med det?
Kanskje menn bør lære seg triksa til lett å kome i buksa på kjerringa. La vere å spørre henne. Det er berre å setje seg ned ved sida av ho, ta føtene hennar i fanget og stryk på dei. Så er det berre å nærme seg litt etter lit. Då er ho solgt før ho sjølv er klar over at ho har gått i fella. Det er jo ikkje akkurat slik at det berre er å slå på ein brytar for å få lyst heller. Av/på-knapp fins ikkje på eit menneske. Då må mannen gje kjerringa lyst. Ikkje berre spørre "Skal vi pule?" Jaja.......

Det er visst ei trend for dei over 30 år. Så dåke som er under 30 år enno, stå på no medan dåke har sjansen. Statistikken seier at det går nedover med dåke etterpå. Hahaha...... Sååååå teit.
Eg skjønner at det er eit problem mange slit med, og det er ikkje noko å le av. Likevel, noko må ha skjedd "på vegen" for at eit par utviklar se i den retninga. Eg kjøper ikkje det argumentet som nesten seier rett ut at det er kvinna si skuld. Det er ho som ikkje vil. Vel.......Kvifor vil ho ikkje?? Begge har vel eit ansvar der.
Om sex er limet i eit forhold, som artikkelen seier, ja, då må ein kanskje leggje ned litt meir innsats på fleire andre områder for å hindre at så skjer. Det fins sikkert fleire nøkler. Eg nektar å tru at lysta berre forsvinn heilt av seg sjølv. Det er jo ein naturleg ting i livet.
Om årsaka er at mannen sovnar rett etterpå av di han er sliten, eller at ho ikkje vil av di ho er sliten, ja, då bør dei vel sjå på sjansen til å arbeide litt mindre. Ein må ta vare på kvarandre på mange andre måtar også. Det kan vere å lage eit godt måltid til den andre om ein har vore ute på reis. Det er alltid koseleg å kome heim til det. Ein kan vise at ein bryr seg gjennom språket. Er ein "frekk" i kjeften heile tida mot kjerringa, avlar det ikkje akkurat så mykje lyst at det gjer noko. Mannen må ta på kjerringa innimellom (på ein god måte), fortelje ho at han er glad i ho (ikkje berre etter nokre øl) og rett og slett behandle ho med respekt. Då trur eg mykje er gjort. Ber ho om fotmassasje.....Ja, gje ho det for svarten:=) 
Dette gjeld sjølvsagt begge vegar. Kvinnfolket må jo også gjere dei same tinga. Det er klart.

Eg trur ikkje dei kjerringene som seier nei, har mista lysta. Langt ifrå. Eg trur berre dei ikkje har lyst på sex med sin eigen mann. På trass av at kjærleiken kanskje er tilstades, trur eg mykje ligg der. Det er ein grunn til at mykje skjer på hoteller rundt om landet når det arrangeres kurs. Mange får merksemd hos det motsatte kjønn, ei merksemd dei har sakna å få heime. Eg kan sjå for meg at det kan slå ut i feile handlingar. Men dette er berre tankar eg gjer meg om temaet. Eg er ikkje i nokre av desse kategoriane sjølv, så eg veit vel ingenting, sånn sett. Hovudverk får andre ta seg av.
Kvinnfolk generelt kan sikkert ta meir initiativ, men det er for lett å snevre det inn til det. Det er ikkje vanskeleg å vere god med kvarandre.
Kanskje burde fleire forhold vore avvikla? Om ein ikkje har "connection" med kvarandre, er det jo ikkje så supert å bu saman heller. (Akkurat det er vel lettare sagt enn gjort - eg veit det, men det er berre tanker).

Vg kunne godt ha funne noko anna til å slå stooort opp på forsida. Tre av fire ekspertar som er brukt i artikkelen er kvinner. Har dei same problemet, dei også? (Sidan dei eigentleg er ganske samstemt)....
Nei, sex er godt, så det er berre å stå på. Så får vi håpe det kjem ei ny trend snart då:=) Kanskje Vg klarer å omvende enkelte kvinner etter å ha tatt det opp som tema i avisa? Kven veit? Eg leser den og gjer meg opp mi meining, men mitt eiga liv blir nok ikkje påvirka av den. Eg gjer som eg sjølv vil, og det kan ingen gjere noko med. Sånn er den saka:=)

Velkommen heim, Beathe...... Første mediadag slo verkeleg til. Gjett om eg har sakna dei dårlege hovudstadsavisene våre...... Nope!!

(PS.......Serier som "Skal vi danse" gjer at kjendisforhold ryker. Det viser tydeleg at intimitet skaper litt av kvart. Eindel av dansane er ganske intime og all den nærleiken til kvarandre skaper nok ein viss porsjon graskap hos enkelte.)

Hasta luego:=)

I wanna be close to you.....