Beathe`s blogg

Morgongretne gubbar!! Hahaha......... Jepp, dei fins dei også! That´s real life. :=)
I går nemnte eg at det var synd i dei mannfolka som har sure, gretne kjerringer om morgonen. Ergo la eg sjølvsagt opp til at følgande kommentar måtte kome : Ka med mårragretne mainnfolk??
Den kom i føremiddag og ergo må den sjølvsagt kommenterast her!

JA, det fins morgongretne mannfolk. Ingen tvil om det. Det fins maaaaange humørsjuke menn i dette lange landet vi bur i. Like mange som det er menn som ikkje er det.
Så då kan eg jo seie stakkars dei kvinnfolka som har morgongretne gubbar!! Hahaha.........Med mindre dei finn det litt sjarmerande, det med at gubbane er litt gretne.
Det er kanskje berre å avvepne dei med eit lite smil?? Eller...?
Kva mann er det som kan sjå inn i eit smil og fortsatt vere sur? Dådyrauge kan gje kva som helst mannfolk sårleg samvit.

Eg veit ikkje kva som er verst. Å ha ei morgongretten kjerring eller ein morgongretten gubbe. Og gud betre meg om dei er morgongretne begge to! Hahahaha........ Då kunne det vore gøy å vere floge på veggen der.

Det verste er at mange er ilag år etter år og klarer likevel å krangle på morgonkvisten. Ganske teit, sånn eigentleg, med tanke på at dei etterkvart bør kjenne kvarandre såpass godt at ein veit kva som tirrar den andre og ikkje.
Om ein veit at ein har ei morgongretten kjerring......ja, då bør ein vel gå stille i dørane til ho har fått tid på seg til å "finne seg sjølv" og det same gjeld sjølvsagt andre vegen også.
Ein mannsalder ilag, men å lære kvarandre å kjenne?? DET er vanskeleg det!!!???!

Er gubben morgongretten, er det berre å stryke han på "rette staden" og så er alt gløymt. Er derimot kjerringa morgongretten og gubben stryker ho på "rette staden", ja då kan han forvente ein eksplosjon av dei store!
To kjønn av same art, men dog så ulike likevel! Hahahaha........... :=)

(U)frivillig sex hjemme. Flest blir voldtatt hjemme, når blir sex overgrep? Som regel er det overfallsvaldtekter på open gate det snakkes om når vi snakkar om valdtekter. Kanskje ikkje så rart, i og med at det er nett det som kjem fram i media og difor er det som blir diskutert mest.
Likevel er det flest valdtekter som skjer i heimen. Valdtekter som bir utført av ein du kjenner.

Det er denne samanhengen det vanskelege spørsmålet dukkar opp. Kva tid går det over frå å vere lovleg sex til å vere ulovleg overgrep?  Eit spørsmål som kanskje ikkje er så lett å svare på.
Enkelte saker er sjølvsagt heile klåre, men det fins nok også saker som er litt i grenselandet. Kor går eigentleg denne grensa?

Om ein skal ha sex ilag, bør det vere entusiastisk samtykke. Begge vegar. Så den diskutable gråsona dukkar nok allereie opp der om det ikkje er tilfelle.
Kanskje ikkje ein valdtekt, men eine parten kan nok oppfatte det som ei krenking av seg sjølv som person.
For å skildre litt tydlegare kva eg meiner, kan eg seie som så at dersom du maser deg til eit samtykke, tja.......då er det vel strengt tatt ikkje eit samtykke?!
Er personen i tillegg full, så full at det er vanskeleg å sette grenser......Ja, då grenser det vel til å bli overgrep. Samtykker er der kanskje, men dog ikkje heilt entusiastisk.

Sex bør vere noko fint som to menneske deler med kvarandre. Då bør det ikkje vere av plikt. Entusiasme trenger ikkje å vere uttalte ord. Veldig ofte talar kroppsspråket for deg.
Stoppar entusiasmen hos partnaren, ja då er det kanskje på tide å stoppe sjølv også.

Hovudessensen ligg nok i spørsmålet "Nok motstand?" Kva tid kan ein snakke om at det er nok motstand til at partnaren skal skjønne at nok er nok?
Skal ein måtte gjere fysisk motstand for at partnaren skal skjønne at "han"må stoppe?
Eventuelt kor mykje og kor lenge........

Svaret på desse spørsmåla seier vel seg sjølv?! Dei er enkle å svare på, eller burde i alle høve vere det.
Svaret bør sjølvsagt vere at uansett motstand, kva tid som helst..............
Det er faktisk slik at ingen har rett på eit anna menneske sin kropp. Det er ein menneskerett å bestemme over eigen kropp! Lik det eller ikkje.

Så ut frå dette burde det vel la seg gjere å tolke kva tid det er overgrep og ikkje. Likevel vil det nok vere fleire som vil protestrere høglytt på dette.
Det er mange menn som maser seg til sex. Etter litt "press" gjer kjerringa etter og har sex. "Frivillig". Mange menn vil ikkje sjå på det som overgrep, men ein kan spørre seg sjølv om det er bra å gjere slikt.
Viss kjerringa i utgongspunktet ikkje vil ha sex, er det vel ikkje heilt bra om ein maser og maser for å få viljen sin. Overgrip eller ikkje........... Pliktsex trur eg det er masse av.

Det er ikkje mykje tid att av denne kvelden så eg skal slutte av for denne gong.
Ha ein fortsatt fin kveld!

Hasta mañana!

IWALY!!