Beathe`s blogg

Til no har dette vore ein innhaldsrik dag, noko som har sørga for at denne jomfrua ikkje har så mykje av dagens energi att. Kanskje eg burde vurdere ein time på sofaen. Det er jo ikkje sikkert at det berre er oppskrytt (at det er så deileg........).
Det er vel kanskje ille når ein sit og fører ein samtale og midt i eine setningen berre sovnar! Hyggeleg selskap, liksom.

Det har vore "Tinestafett" og fotballkampar i dag. Stafetten var forbeholdt dei søte små, men fotball inkluderte alle aldrar.
For ei middelaldrande jomfru var det ikkje lite slitsamt. Eg reknar med stilen var upåklageleg. Eg netta i det minste! Ikkje dårleg, berre det.
Gøy, men slitsamt! (Og sikkert mange betre halvdelar som sit heime med utslitte "kailla" i dag. Innsatsen til dei fleste var upåklageleg.
Ein vellykka dag som ei stakka lita stund såg ut til å ikkje ende bra, vèrmessig. Heldigvis letna det opp og temperaturen steig eit lite hakk.

Når energien først skulle brukast opp, var det berre å guffe på. Så då har eg likesågodt konfrontert enkelte som eg har vore litt "irritert" på i over ei uke. Det gjekk jo over all forventning, så det må ein visst gjere oftare! (Eller........får vel heller satse på at det ikkje blir nødvendig.)
Enkelte treng å høyre litt av kvart innimellom og enkelte gonger kan det faktisk føles bra av å få sagt det.

Har du gått i oljefella? Jepp, det kan eg garantere at eg har gjort, og det utan å vite kva fellene er.
Så lenge det er feller å gå i, kan eg vel rekne med at eg trør i enkelte av dei.
Så spørs det....... Kva feller kan ein gjere med olje?

For det første går det stort sett i olivenolje og rapsolje. At det fins andre typar, er vel ikkje akkurat ukjent, men eg ser berre ikkje heilt vitsen med og sette meg inn i kva den og den olja passar til.
Hahaha.......... Det beste er at no når eg opnar saka,så står det følgjande: Du trenger bare to oljer. Slik bruker du dem riktig.

Steiking, grilling, salater, kakebakst, dressing.......you name it. Er det rart ein kan bli forvirra?
Det er då det er herleg at ein kjem langt med to oljer (og berre to!)
Det er dog ikkje sikkert at eg har dei rette to, men eg reknar med at eg straks finn ut av det.

Rapsolja tronar på toppen. Så jomfru Knutsen kan klappe seg sjølv på skuldra der. :=)
Olivenolja er mest helsebringande.
Sjå der, ja!! Eg overgår meg sjølv. Eine olja mi tronar på toppen og den andre fremjar god helse. Så fantastisk!! Hahaha........ Korleis går det an at denne knetta har klart det? Olje er olje, liksom. Eller......... Jaja, når tilfeldigheitene rår, så er det mykje som går an. Eg plukkar ut frå kva som ser mest innbydande ut og denne gongen klaffe det faktisk på ein bra måte. Supert!

11-åring ble far etter sex med kameratens mor. Ja, det er vel til å bli svett av. Stakkars unge. New Zealand vurderer å endre lova og det burde dei faktisk gjere.
Denne 36 år gamle kvinna blir ikkje straffeforfulgt for valdtekt, noko ein såvisst kan kalle det når ein har fokus på gutens alder. (Sånn sett er det litt rart at guten allereie er kjønnsmoden).

På New Zealand er det faktisk slik at kvinnfolk ikkje kan bli tiltalt for valdtekt. Eg går sterkt ut ifrå at då dei laga lova, ikkje heilt såg for seg at det skulle gjelde overgrip mot born.
At ei vaksen dame kan slippe unna så billig...........
Då er det verkeleg noko som er galt med systemet, spør du meg. (Og sjølvsagt det kvinnemennesket som sørger for at slikt skjer).

Våknet opp fra koma og hadde fransk aksent.  Hahahaha........ Så "bra". Viss eg nokon gong hamnar i koma og skulle vakne med ein annan aksent, håper eg det blir noko anna enn fransk.
Litt kjipt med ein aksent som tilfaller eit språk eg ikkje kan. (Med mindre det følger med eit heilt språk i denne oppvåkninga).

Kva betyr eigentleg dette? Betyr det at reinkarnasjon er svaret?
For dei som no blei litt usikker, så betyr reinkarnasjon at ein blir gjenskapt/født på ny.  Så spørs det kva karma ein har hatt........
Viss reinkarnasjon faktisk har noko sanning i seg, kan ein jo då anta at kvinna har levd som fransk i eit tidlegare liv.
Det er ikkje fritt for at det innimellom føles som om at ein faktisk har levd tidlegare. Kanskje det ikkje er innbilning likevel?

Det er tysdag og klokka er faktisk ikkje halv sju enno. Det betyr at det framleis er eindel timar å halde seg vaken på. Om det er så ønskeleg, er ein ting. Ein annan ting er at ein er "pukka nødt". Kan jo ikkje risikere at natta skal kortast inn svevnmessig pga at ein går i "sove-på-ettermiddagen"-fella. Ikkje denne knetta.

Uansett.... ha ein fantastisk kveld!
Hasta luego!

IWALY!!