Så var det ei ny uke..... Her i gården kan ein trygt seie at det er ei som er trøytt. (Eller to). Halv tre i natt hadde eg enno ikkje sovna. Plutseleg skjærer eit forferdeleg rop i gjennom lufta. Det høyrtes verre ut enn ei hysterisk kvinne. Eg hoppa sjølvsagt i senga...... Det var Steffen som hylte. Kva han har drøymt husker han ikkje sjølv eingong...men noko forferdeleg må det ha vore. Han låg klistra opp til meg resten av natta. Han påstod at han ikkje var redd, men heile han skalv og han klamra seg hardt fast!!! Eg trur klokka var nærmare halv seks før han sovna att. Då var eg ganske så trøytt, ja. Å vakne 4 timar etterpå var ikkje godt.
No er det blitt ettermiddag og han byrjer å kvikne til. Når ein liten gut ikkje vil ha noko på butikken, er det noko som ikkje stemmer! Han fekk endeleg i seg litt mat, så då retter vel det meste på seg.
Ingen kommentarer:
Legg inn en kommentar