It's over....

Så var fotballshowet endeleg over. Back to normal life again! Eg er vel nøgd med at Spania vann i går. Nederland er hakket litt for tøff til at eg syns dei forten å vinne. Aldri før har eg sett ein kamp der det har vore så mange utdelte kort til dei på bana. Slikt blir det mange stopp i spelet av.....Ikkje bra!

No er det slutt på hysteriske rop, varierande kommentatorar, sinte menn som er misnøgde med resultata undervegs (dei trur eg det er mange av) og ikkje minst er det mange heimar som kan gå tilbake til normalen.

Det fins nok av dei som lar "heile" livet styrast av kampresultat. Dei tar det ut over "alle" andre. Eg, for min del, syns ikkje noko særleg om slike...... Berre tenkt på dei som har sjefar som seier ja til det meste, berre av di favorittlaget deira har vunne ein kamp i helga! Det er om å vite kva tid ein skal be om noko.....:=)



Ei ny helg er over, eg er heime, vèret overlev vi, det blir øving og eg har ferie. Alt er berre flott! :=)

Laurdag feira vi 60-årslag i fjorden med mange og trivelege fjordingar(!). Slike samankomstar bør vi ha oftare. Det er ganske triveleg!!



Gutane brukte store deler av formiddagen i går på å fiske frå kaia. Det blei ein suksess for dei små. Dei fekk først eindel sei før den riktig store fangsten kom. Eg såg at Elias stod der og sleit med stanga si og då eg kom bort til han såg eg kvifor. Det var den store torsken. Eg skjønna fort at snøret ville slite seg om vi prøvde å få han opp på kaia. Eg tok stanga for å få fisken rundt kaia medan Elias sprang inn til faren og ropte: "Pappa, pappa, kom! Æ har fått en fisk som e like stor som han Vetle, minst 20 kilo!!! ". Tror kanskje Ron skjønna at det var å overdrive litt, men snar ut var han.......

Vi fekk torsken på land, og ja, han var stor. Det var ein lukkeleg fiskar som pryda bileta som blei tatt!! Fisken var nok ikkje 20 kilo. Elias fekk sjansen til å tippe vekta på nytt etter at fisken kom på land. Han tippa på 4 kilo. Han fekk rett. Den var rett i overkant av fire, så vi må seie oss nøgde med innsatsen:=)
Torsken blei stolt frakta rundt på Grunnvoll slik at dei andre og fekk sjå. Årets (til no) største fisk var eit faktum, så får vi håpe dei får laks i den andre fjorden når dn tid kjem!!

See you:=)

Sola følger oss!

Då vi vakna i morges, var det eit deilig vèr. Dette deilige vèret har rett og slett fulgt etter oss i heile dag. Flotte greier!! Eg prøver å godsnakke med vèrguden i håp om at vi skal vere velsigna med godt vèr resten av ferien. Håper ingen motarbeider det!!!!!

No når det er godvèr er det også merkbart meire turistar på vegen. Det er både på godt og på vondt. Det er jo bra at vi har mange turistar, men når enkelte av dei snegler seg avgårde ein heil fjellovergang.....Ja, då kjenner eg at det vrir seg i magen!
Eigentleg hadde eg gløymt kor dårleg vegen er, men no når vi er komen inn på sjølvaste E6 så er det heldigvis så ille.
Vi er midt oppå Dovrefjell, men vi ser ingen moskusar....... Eg er fullt klar over at dei er lengre inn på fjellet, men det hadde berre vore så kult å få sett dei (om ikkje for min eigen skuld, så for Steffen si skuld).
Det er litt seint på døgeret no så då trur eg neppe vi tar oss ein tur i Dovregubbens hall. Det får bli ved neste høve..... Det er ikkje så svimlandes mykje å sjå der uansett.

Mange stader på vår veg i dag har det vore mykje sauar i omløp på vegbanen. Det er blitt meg fortalt at årsaka til det er at dei held seg i næleiken av bilane av di dei då blir mindre plaga av flåger! (Fluer). Smarte sauer med andre ord!! :=)

Vi har sett eindel hytter langs E6 (på fjellovergangane). Det er mange hytter som ligg veldig fint til og er nydelg utforma. Trur likevel eg ville ha vegra meg for å ha hatt ei hytte langs Noregs største ferdselsåre......... Ikkje berre med tanke på at dei fleste får innsyn til meir enn dei treng, men også med tanke på at det fins bander som raider hytter når dei finn det for godt. Hytter langs hovudvegen må jo då vere meir utsatt enn andre??!!
Ellers er det utroleg mykje fin natur å sjå. Eg blir heilt fasinert når eg ser meg rundt. Dette er eit eldorado for turmennesker.
Snart passerer vi Snøhetta, fjellet som kom på andre plass under kåringa av Noregs nasjonalfjell. Det ligger fint til, ja:=) (Stetind er uansett vakrare!).

Det er fint med ferie, og det har vore knallfint å vere heime ein tur. Det er no eingong slik at ein må attende til sitt vanlege liv att, sjølv om det er trist både for små og store.
Det at minstemann har vore så flink i bilen gjer at dette garantert blir gjenteke ved eit seinare høve!

No skal eg berre nyte at sola trålar rett mot meg seine kvelden. Sør-Trøndelags grense er passert og eg skal nyte resten av kvelden (sjølv i ein bil går det an :=)....).

We can pick up from where we started.....Listen now..

Går det an???

Hehe..... fekk melding frå miniamarulla i dag om at typen skulle ha total makeover sponsa av tv2 og at det skulle sendes direkte klokka åtte i kveld. Kva gjorde eg då?? Joda......I beste sendetid for opptakten til semifinalen mellom Spania og Tyskland, måtte eg overbevise mannfolka om at det var noko viktigare vi måtte sjå først!! Sidan eg er vant til å få viljen min, så blei det slik:=) Klokka åtte var eg kjempeklar foran skjermen. Eg blei ikkje skuffa, for på tv kom dei - heile familien.......
Eigentleg burde eg vel innrømme at eg holdt på å kvelast (av latter)!!! Det er altså ikkje grenser for kor vår kjære kjøpsviking klarer å stikke seg fram.
Uansett. då Ole kom nystasja fram i slutten programmet, ja, då var det klart ei forbetring. Det såg og ut som fruen var bra nøgd......... Uavghengig av kva ein meiner om slikt er det jo litt skøy å sjå kjenningar på skjermen. Kor stor er sjansen for det???? (Om ein ser bort ifrå at ein kjem frå Kvinnherad som har avla mange kjendisar, då. Det skjer ofte at eg seier "Han der kjenner eg godt!").

I dag burde eigentleg overskrifta ha vore "La regnet øse ned..."!!! Det var ikkje gøy å vakne til det drittvèret som har vore i dag. Det er så kjedeleg, for då begrenser aktivitetane seg sjølv. Det er lett for at det blir sentergåing slike dagar.... No i kveld har det ikkje vore så dårleg vèr, så vi håper på godt køyrevèr i morgon. Det er på tide å vende nasen riktig veg:=)

Eg har vore ganske ovenpå desse dagane av di ingen har klart å slå meg i "Fire på rad". Eg har ein eigen forkjærleik for akkurat det spelet, så følgeleg har eg opparbeidd meg litt føremoner på det området. I kveld fann vi ut at vi måtte spele noko anna, så eg og mamma hamna foran sjakkbrettet. Sjakk er jo også veldig gøy å spele. Vi vann kvar vår gong, noko som kanskje er like greit med tanke på at eg ikkje er verdens beste "tapar".....
Berre så synd at eg har sjakkbrett heime, men ingen motspelar...:(

Trur kanskje ikkje at eg skal nemne korleis det har vore i stua her i kveld (med tanke på fotballkampen). Lydane og energien går rett og slett ikkje an å skildre. Det likaste vil vere å berre seie god natt og håpe på ein fin dag i morgon.
Det eg kan seie er at alle var nøgde med sluttresultatet:=)

On the road again......:=)

Baronihagen er fortsatt flott!

I dag tok vi endeleg turen til Rosendal og baronihagen. Vèret har ikkje vore optimalt, men så lenge det er opphaldsvèr så skal vi vel ikkje klage.....
Eg blei litt skuffa då vi først kom dit. På grunn av àt det ikkje har vore så mykje sol den siste tida, har ikkje alle labyrintrosene fått høve til å opne seg opp og blomstre. Det vil vel kanskje ta ei uke eller to til før det skjer. Når det gjeld eit besøk til baronihagen, så er desse rosene halve opplevinga.

Eg trur ikkje det er mange stadane i Noreg dei kan skilte med så høge trær som dei kan i Rosendal og baronihagen. Om eg ikkje tek heilt feil så har eg aldri sett slike trær andre stader i det heile. Enorme er dei....... Steffen stod berre og måpa, lenge!
Ellers er det eit praktverk av ein hage som krinsar rundt sjølve "slottet". Det er jo eit bygg som er viden kjent og som er via plass til i histoiebøkene.
Sjølv har eg vore på eindel omvisningar i baroniet tidlegare. Derfor orka eg ikkje å hive meg med på siste runden som skulle starte like etter at vi dukka opp der inne. For turistar som vitjar baroniet kan det vere ein foremøn å ta turen inn i bygget. Berre det åleine er ei oppleving. Guidane som blir brukt er veldig flinke og fleirspråklege. Det er mykje å sjå inne.....

Uansett kva dei kan skilte med i sjølve baroniet, er det den enorme hagen som fasinerer meg mest. Det ville vore kult å sende minstemann opp i eit av trea, berre for å få tatt eit spektakulert bilete. Berre så synd eg ikkje kom på akkurat det medan eg var der. Jaja......

I løpet av tida der inne var det ein som fekk litt for mykje energi i kroppen (til moras store irritasjon)!! Heldigvis var det ikkje langt mellom cellene nett då, så då var det lett å finne ein metode for å få ein riktig så roleg gut..... Han er sjølvsagt like lite fasinert av brunsneglane ((iberiasneglane) som eg. Vi syns begge dei er riktig så heslige. Derfor fann eg like så godt ut at eg kunne seie: "Hvis du ikkje er roleg resten av tida, kommer eg til å gje deg ein iberiasnegle i julegåve (i staden for det du ønsker deg)". Du kan tru det var ein som blei roleg. Litt lettare bekymra for at mora skulle vere tullete nok til å gjere nettopp det, gjorde sitt til at han ikkje torde noko anna.

Iberiasneglar, ja det er sneglar dei fleste føl avsky for. Han som trur at han er min betre halvdel, deler nok mi og Steffen si meining om dei. Ikkje heilt hundre prosent korrekt... Han er faktisk hakket verre. Det grensar somme gonger til det heilt utrolege. Om han veit vi har gått på ein sti eller veg der ein snegle er observert (det skjer jo på dei fleste vegane), så kan du vere sikker på at han sjekker bilen etter vi har gått ut av den (berre for å forsikre seg om at vi ikkje har dratt med oss gørr ifrå ein snegle). Som om vi ikkje merker det om vi trør på ein snegle??!!
Så dersom det er nokon som fryktar at vi skal spre desse skapningane til Nordland kan føle seg riktig så trygge. Ingen sjanse for det her i garden:=)

Ein ting er sikkert!! Det er minst like mykje å oppleve her heime i eige land som ein gjer om ein drar utanlands. Fleire burde faktisk lære sitt eige land å kjenne betre. Skulle det eingong bli aktuelt å ta seg ein køyretur sørover i landet, kan eg anbefale å ta turen innom Vestlandet via Hardangervidda. Det til trass for dei dårlege vegane.
Det er mykje vakker natur i Nord-Noreg, men det er det jaggu meg her sør også........ Hardanger om sommaren......Ja! Det er vakkert!! :=)

Er det bistanden som gjer oss fattig?

Av og til (eller ganske ofte), når eg les meiningsytringane til mange som skriv inn til "Si dei i VG", verkar det som om at det er mange som syns vi er fattig her til lands. Berre i dagens avis var det fleire innlegg som omhandla at bistandspolitikken gjer oss "fattig". (Om ikkje eg er elendig til å tolke, då?? Det kan jo skje det og.......).

Ein av dei heng seg opp i at når enkelte nordmenn må spare på straumen for å ha råd til den, treng ikkje asylantar å tenke på det. Det er tydlegvis urettferdig!! Vel, då kan eg informera om at asylantane heilt sikkert har andre ting å grunna hovudet sitt med. Veit ikkje om krig er nok ille samanlikna med litt straumsparing? Kva ville uroa meg mest? Staum, krig, straum, krig.....? Tja, vanskeleg å velje.........

Ekstremistar fins det i alle land. Sjølvsagt vil det også vere ektremistar blant asylsøkarane også. Det er ikkje slik at dei lever noko sikrare enn andre. Sjølv om mange reagerer på haldningane deira når nordmenn blir drept i Afghanistan, så må dei ikkje gløyme at ikkje alle er einige at Noreg skal blande seg inn i forholda der nede. Vi "pressar" oss på dei, og følgeleg vil det sjølvsagt vere fleire av dei som føler seg tråkka på (uavhengig av kva vi meiner er det rette å gjere). Ja, dei er her i Noreg. Ja, dei får stønad frå den norske stat. Ja, dei er ekstremistar og til slutt: Ja, dei hyllar det at norske soldatar blir drept. Vi lever i eit demokratisk samfunn kor ytringsfridomen råder! For den som ikkje veit kva det inneberer, så betyr det faktisk at vi ikkje treng å vere einige om alt. Takk for det!!
Eg og reagerer på framferda til enkelte ekstremistar, også dei som kjem frå utlandet, men eg veit og at for mange av dei er det årsaker som ligg til grunn for det dei gjer. Ei heller ser eg at nokon hiv seg rundt og skriv om dei norske ekstremoistane. Med ein gong det skjer noko der ein asylant er innblanda, ja, då er det mange som har meininger om det. Eg er ganske så sikker på at vi har minst like mange saker blant nordmenn og. Sjølv om media ikkje har det store fokuset på det, betyr det ikkje at det ikkje skjer. Eg vil påstå at mange av dei som brukar mesteparten av energien på dette emnet er rasistar, i alle høve til ein viss grad...... Kvifor ellers gidde å bruke fellesnemnaren for asylantane når det er ein liten prosentandel av dei som gjer det som det skrives om??
Eg har i alle høve ikkje merka noko negativt med dei asylantane som er i vår bygd. Dei er faktisk veldig mykje meir høfleg enn kva vi sjølv er. Dei er hjelpsame og greie! Så konklusjonen på akkurat det må vere at det fins ytterpunktar blant asylantane, men det betyr ikkje at den generelle asylant er eit problem.

Sjølvsagt skal ikkje kven som helst få opphalde seg her til lands. Ingen må forstå meg dithen, for det er ganske så langt frå mitt standpunkt. Der er berre at enkelte uttrykkjer seg så krasst.
Så var det overskrifta mi....... Der skreiv eg jo "Er det bistanden som gjer oss fattig?". Det har eg jo ikkje akkurat vore så mykje innpå til no. Poenget til no har vore å belyse at temaet ikkje er så einsidig som enkelte avisskrivarar skal ha det til. Eindel av bistanden Noreg gjev går til nettopp asylantar. Det ingen vektlegg er at all denne straumen av asylantar også fører til at folk (nordmenn) får arbeid bl.a. ved asylmottak. Dei pengane asylantane får utdelt går som regel til kjøp av varer frå dei lokale butikkane (noko som er positivt for handelsnæringane). Av lønningane til dei som arbeider ved mottaka kjem skattepengane dei respektive kommunane tilgode.
Det betyr at asylpolitikk er dyrt, men også inntektsgjevande.

Så har vi dei som meiner den norske stat brukar like ille metodar som Hitler i si tid overfor jødane. (At vi i dag gjer det vi kan for å jage jødane rundt....). Kven som har rett? Det er sikkert ingen som kan svare på det, men det er kanskje å gå litt for langt når ein samanliknar med ein mann som Hitler............

Når det gjeld at vi er fattig, reknar eg med at dei ikkje meinte å bruke fellesnemnaren der også. Dei siktar heilt sikkert til den prosentandelen det gjeld. Vel, Noreg kan gjere mykje for å hjelpe på det området, og det utan å kutte ut bistand. Kva med å prøve å fange opp potensielle "på skråplanet - ungdommar" før det går for langt og dei hamnar ut i elendet?? Kva med å prøve å få bukt med problemane før dei er blitt verkelege? Vanskeleg? Ja, i stor grad, men dog ikkje umogleg. Det fins sikkert metodar som kan fange opp fleire enn det som fanges opp i dag......
Eg syns det verkar litt rart om eit born kan vekse opp i ein rusheim, der narkotika flyt laust, i mange år utan at hverken bornehagen eller skulen klarer å fange det opp. Still større krav til dei som arbeider med borna fram til dei skal klare seg sjølv. Ikkje gje dei føresette mange sjansar til å rette opplivet. Ta borna bort frå elendet med eingong. Ha politiet i gatane og følg med utanfor skulane at det ikkje skjer langing på slike områder!
Dette er berre få eksmpel på tiltak, men det fins sikkert eit heilt hav av tiltak om ein berre tenker nok etter.

Dårleg med "haill"!!!!!

I går kveld grilla vi ilag med gode vener. Både store og små kosa seg. Trur nok at det som gjorde mest inntrykk var dyrehagen til familien Remme. Gleda var stor hos ein liten gut då han fekk med seg heile sju vaktelegg som han skal ha til delikatessefrokost i morgon!!! Det er ikkje kvar dag han får halde ein kanin heller........ Har ikkje heilt talet på kor mange dyr heimen inneheld, men det er mange!! Sjølv syns eg det var kulast med ålen Otto:=) Så lenge den er i akvariet så er det kult å sjå på. Hadde nok slitt litt om den hadde kommet krypande mot meg........ Huff!

I dag vakna vi til bra vèr og følgeleg fann vi ut at havet var neste aktivitet. (Baroniet utsatt ein dag..). Vi drog med båten til ei vik på utsida av Onuglo. Det var i ly for det meste og Steffen og mamma våga seg ut i sjøen! Det var verkeleg deilig å vere der. Vi slappa skikkeleg av. Null stress.
Lengre ut såg vi drøssevis av oppdrettsanlegg. Då meiner eg mange. Hardangerfjorden er full av oppdrettsanlegg. Trur det er eindel laks det går i..!??!
Uansett.....Ingen båttur utan fisking! Steffen har kjøpt seg ei harpe som han valgte å dorge med og ellers gjekk det i stang. Problemet var at det fantes ikkje "haill" i det heile blant alle oss i båten. Fisketuren kommer glatt innunder uttrykket "skitt fiske". Kunne ikkje passa betre..... Dårlege greier. Så dei som hadde sett for seg at det skulle vere fisk til middag i dag, måtte fint gå i frysaren og finne kjøpfisk og steike!

Ellers skal det godt gjerast at ein må reise heilt hit for å treffe slekta som bur på Ulsvåg!! Der gjekk vi og tusla på senteret, og kven andre enn familien Knutsen/Grunnvoll var det som stod der rett foran oss....:=) Jaja.....Kult det.

Bortsatt frå eit gammalt "Hamondorgel" fins det ikkje eit einaste instrument her i huset. Eg merker godt at eg har vore utan utøvande musikk ei stund no, og derfor skal det bli godt å kome heim att snart. Håper det blir lii øvinger i løpet av sommaren:=)

Sjølv om det er tre år sidan eg var her sist, har eg lagt merke til at det er mykje som er akkurat på det samme som før. Han som sit kvar einaste dag på konditoriet og stirrrar..:.Han veit vel kva dei fleste handlar og lev av. Litt ekkelt å føle at augene hans fylgjer deg uansett kor du går!! "Damo" med regnkepen som til einkvar tid er fullt oppdatert om kva, kor, korleis og kven osv.... Ho var til og med oppdatert på meg..... Eg som knapt nok hugsar namnet hennar. Ho som eig Stefani held enno ut. Er ho rundt 80 år kanskje?? Ganske sprekt å drive sin eigen butikk enno. Ho har vel vore der så lenge eg kan hugse. Ho har "alltid" vore der. Det er heile tida utskiftingar av butikkar som ikkje klarar dei store leigeutgiftane, men ho er der. Ganske bra!!
Ungdomsleiaren som har vore i samme jobb no i 20 år, og som ungdommen aldri blir lei av.......
Tørreshaugen 1 har alltid eit prosjekt på gong når eg er heime..... (Nytt av året er at eg ikkje treng hjelpe til med det).
Alle blikka som stirrar og etterkvart endar opp med eit "Er det du???? Det er du, ikkje sant??? Du har ikkje endra deg mykje med åra!! Eg såg at det var du med eingong!" Neida, eg ser nett lik ut som for 15 år sidan. Like tynn og fager som ei ung jomfru på jakt etter meininga med livet...... Joda, det er meg det!! Hehe......

Ellers så er det ut som om at dei som eg trudde skulle bli evig heimeverande har gjort det bra i denne verda. Butikksjefar og greier......Ikkje ille det. Lurar på kor tida blei av då eg ikkje fekk med meg mykje av utviklinga?? Kanskje på tide å få opp augene for alt som skjer rundt seg og ikkje leve i sitt lille skall!!? Nei, eg må nok bli flinkare på å halde meg oppdatert.
Uansett er det veldig gøy å møte folk og få høyre korleis verda har fart med dei. Koplingar mellom menneske som var heilt usannsynleg før, antall barn og med kor mange ("up to date" i dagens samfunn), korleis ser dei ut etter så lang tid osv..... (Sa eg gøy????? Trur kanskje triveleg passar betre!).

No er det tid for å lese om Terje Vigen og moralen hans. Kanskje eg blir litt klokare av det?? Kven veit...........?

Laurdag 3.juli.

Så var det ei ny helg ...... Fotball VM nærmar seg slutten og godt er det!! Ikkje at det ikkje er skøy å sjå kampane, men det byrjer å bli vel mange no.....:=) I går kveld såg vi Uruguay-Ghana, og eg må berre seie at det kan ikkje ha vore meir spanande kampar i løpet av dette VM'et!! Oh, my God......Her var det full koking i stua!!! Eg syns verkeleg synd på nummer 3 som bomma på straffen i siste sekund. Etter eit høgt trykk fortente dei verkeleg å få eit mål. Så gjekk den i stanga!?! Nei, dei tapte på verste måte...... Då han braut saman etter kampen, var det heldigvis fleire lagkammeratar som stilla opp for han, Det var jo ikkje hans skuld at dei tapte. Slik er foballen.....

Her sør er det varme dagar. Om det er sol eller ikkje, temperaturen held seg godt. Ikkje alltid like gøy det på nattestid når ein aller helst vil sove!
Det koselegaste i går var at tante og Hanne var her og grilla med oss. Det er så lenge sidan eg har brukt tid i lag med dei og det var kjempetriveleg. Håper det ikkje går like lang tid til neste gong...
Steffen syns det var veldig stas med Hanne, og han elsker det når han får vise fram sine nintendokunnskapar til ho:=)

Planen i dag har til no vore at vi skal ein tur i baroniet (Rosendal). Det kan sjå ut som om at det blir utsatt til i morgon.... Eg har no vore der eindel gonger før, men det blir nok ei positiv oppleving for dei to hankjønna eg har med:=) Det er verkeleg fint der, og ein god porsjon historie......

Dei siste dagane har eg høyrt på eindel musikk. Det har vore bra med musikkprogram både på tv og radio. Så no er ønsket mitt at eg kan ligge og slappe av medan det er ein som syng Katie Melua sin "Nine million bicycles" for meg <3 . Det hadde vore knasj!!! Sukk.........

Det er sommar, det er nødvendigvis ikkje sol heile tida, men det er deilig!!!

Look into my eyes, you will see....what you mean to me.