Vatikanet etterforsker prester for misbruk av mindreårige. Vel, det er nok ikkje første gongen? Meiner så tydeleg at eg hugser at akkurat det har vore tema i media fleire gonger tidlegare.

Det er sju katolske prestar som er under etterforskning. Alle sju er frå ei og same gruppe. Viss dei har misbrukt mindreårige born seksuelt, håper eg verkeleg dei får si straff.
Det som gjer det heile litt vanskeleg, er at dei fleste tilfella skjedde for fleire tiår sidan. Berre eitt av dei er av nyare dato. Å klare å prove noko sånt etter så lang tid er nok ikkje det lettaste. (Dei har vel sine metodar.....?!)

Eigentleg trur eg ikkje denne etterforskninga er så ny. Det er nok same saka som har rulla kvar gong vi har lese om det i media. Leiaren av gruppa heiter Maciel og det fins dokumenter heilt attende til 50-talet som viser at han var både narkoman og pedofil.
Det at dei har hatt denne kunnskapen så lenge og så er det nett skandalen rundt han som blir ein av dei største i nyare tid i den katolske kyrkja???!! Korleis har det seg? Dette skulle vore satt ein stoppar for for ein "mannsalder" sidan. Dei som har visst og samtidig teia bør også få si straff!!

Maciel er daud! I 2006 sanksjonerte Vatikanet Maciel til eit liv i syndsforlatelse og bøn for dei lovbrudda han hadde gjort. I 2008 døydde han og året etter kom det fram at han hadde hatt eit riktig så "hyrdefullt" liv. Tre born med to ulike kvinner og misbruk av born. Ikkje akkurat ein prest verdig......

Er du usikker på 17.mai-antrekket? Nei, eigentleg ikkje. Eg skal vel vere blå som "alltid". Bunaden har no hengt der i skapet i alle år. 17.mai er nok ikkje den dagen der den har vore mest brukt. Sist gong eg brukte den trur eg var på avslutninga til høgskulen då vi var ferdig der. Her er ingen andre som har lik bunad her som eg, kvinnheradsbunaden, så det kunne jo vore "skøy" å kunne gått med den ein 17.mai. Det får bli i mitt neste liv:=)
Uansett........ Eg må vel attende til denne "artikkelen" som spør om vi har antrekka klar. Joda, dei skal ha pluss for at dei kjem med forslag til oss, men eg trur ikkje det er så mange av dei som eigentleg er så veldi 17.mai-aktig.
No skal det seiast at eg kan vere ganske konservativ av meg og aller helst ikkje vil at ting skal endre seg så altfor mykje. Så sånn sett........ Vi lev jo i 2012 og tida har endra seg. Det gjeld vel også klesstilen. Likevel......Kva er 17.mai? Gløym nasjonaldag, gløym 1814 osv osv......... Det ligg der i botnen uansett. Kva er 17.mai forutan alt dette? Jo, kaker, is, musikk, underhaldning, tale(r) og sist, men ikkje minst, tog. Vi går i tog. (I alle fall gjer eg det). Ikkje berre eit par hundre meter heller. I løpet av 17.mai så legges det ned x antall km. Sjå då for deg dei kjempehøge og kule stilettane. Det er nemleg det som det er flest av på biletet. Helar på minst 10 cm.......Jaja, eg vil sjå den som klarar å få på meg slike skor. Hahahaha......... Beathe oppover svingen i skyhøge stillettar. Nei, det er ikkje meininga at alle skal ligge strødd langs svingen i latterkrampe....... Tru meg!!! Det ville vore resultatet av det. Eg har då vel berre hatt  høge stilettar på meg ein einaste gong i løpet av heile livet mitt. Hovudet var meir konsentrert om å gå høveleg rett enn det som skjedde rundt meg! Med andre ord: Det ville ikkje vore heilt meg! (Og eg har ikkje akkurat så stort behov for å skifte "image".
Ellers er det bilete av trange, tettsittande kjoler som ikkje lemnar noko til feldigheitene. Bunaden skjuler nok meir............... (Eg veit ikkje eingong om bunaden passar. Kan jo hende den er pittepittelitt for liten no etter alle desse åra som er gått? Eg trur eg lar vere å sjekke. Så kan eg leve i trua:=)

Musikkbransjen handler jo om sex. Joda, eg har lest akkurat det i fleire uker no. Det er tydlegvis eit så populært innslag at den blir ståande der. Hahahaha........Som einaste høne i ein flokk på seks er eg vel glad for at utsagnet ikkje stemmer heilt!! :=)
Eg orker ikkje eingon å sjå kva det er dei skriv om temaet. Eg går ut ifrå at vi alle saman eigentleg veit svaret før vi sjekkar. Uansett......Skulle eg falle for fristelsen, så er saka der garantert i morgon også. Så lenge ordet sex er med i tittelen, er det nok av folk som går inn og sjekkar og saka blir liggjande.

Her eg sit trur eg nesten at eg byrjer å bli paranoid. Ein hyggeleg kar syng "I can see it when I look up in the sky" i øyretelefonane og kva gjer eg?? Joda, eg rører på hovudet og ser opp. Kanskje litt for mykje inne i låta! :=)

Om du ikkje er katolsk prest under etterforskning, om du har 17.mai-antrekket klart eller ikkje.......Ha ein fin ettermiddag/kveld. Det er helg!!! :=)

Hasta luego!

EKTÅSDM!!!!

Aborterte fostre levde i over en time. Det kan vere at eg er veldig sentimental av meg, men det er nesten som at eg kjenner ei tåre presse på. Det er ikkje lenge sidan eg skreiv om at det blir utført mange ulovlege abortar her til lands. Heilt til etter uke 22.......
I dag står det om saka på nytt .Berre at i dag får vi lese kvifor det blei slått "alarm" om det. Kvifor enkelte valgte å stå fram med det. Jordmødrene opplevde at fleire av fostra som blei abortert etter uke 22 var veldig lik dei borna som er for tidleg født og likevel overlever. Fleire av "borna" var i live i over ein time etter at dei blei abortert ut. Viss dei er i live når dei blir tatt ut, syns eg det er rett å kalle dei for born. Dei var store og dei var heilt tydeleg små born! Så lenge det er hjarteaksjon må ein vel kunne kalle det liv. Når då hjarteslaga kunne vare heilt opp mot ein og ein halv time......... Er ikkje det mord?? (For å setje det litt på spissen).

La oss seie det slik: Viss to foster blir tatt ut samtidig. Dei er nøyaktig like gamle. Det eine blir gjeven til ein bornelege som gjer fosteret behandling og sørger for at det blir eit born som får vekse opp og ta del i livet og verda vår. Det andre (som er i live) blir lagt til side i eit teppe for å døy. Kor er logikken? Eg vil vel aldri bli heilt klok på det.
Laila Dåvøy, helsepolitiker, forlangte i går at abortklagenemda må gå av.

Dersom det er snakk om incest, valdtekt eller narkotika, så er det veldig forståeleg at det kan vere vanskeleg å "ville" behalde fosteret. Nettopp difor er det viktig at vi har ei lov som gjer oss rett til å velgje sjølv. Likevel, dei fleste oppdagar vel at dei er gravide før det er komen heilt til uke 22-23? Tar eg heilt feil? Klarar ein ikkje å ta avgjerdsla tidlegare? Då har dei jo vore gravid i nesten eit halvt år.......
Mange narkomane er sikkert så rusa at dei ikkje klarar å ta vare på seg sjølv, så sånn sett kan ein forstå det, men dei andre?
Eg har ingen problem med å skjønne at det er vanskeleg å forhalde seg til incest og valdtekt (eller andre alvorlege ting), men likevel......treng ein vente så grueleg lenge?
Spørsmålet er vel eigentleg kven ein skal ta mest hensyn til. Den gravide eller det ufødte bornet?
Eg veit det er delte meiningar om temaet, men for meg er svaret enkelt. Så lenge eg veit at eit foster i uke 22-23 faktisk er i live når det blir tatt ut, vil eg vere imot at dei berre legg det bort for å døy. Eg syns det er grufullt.
Det blir slik at eg byrjer å tenke kva alternativ som kunne vore. Det er jo fleire som adobterer bort borna når dei kjem til verda. Samtidig er vel det lettare sagt enn gjort. Det er nok sikkert ikkje lett å gje bort eit born når ein først har født det. Likevel......det er i alle høve eit betre alternativ enn at det drepes.

Sånn eigentleg skulle eg ønske at eg ikkje hadde lagt merke til at dei har skrive meir om saka. Då hadde eg lagt det bak meg og ikkje ofra det ein tanke i dag. Eg vil aller helst ikkje sjå for meg realitetane. I mitt hovud skal alt vere så "idyllisk" og rett. Det fungerer ikkje slik i den verkelege verda. Det er berre at det er litt vanskeleg å berre akseptere at det er slik.
Vi er vel ingen som kan heve oss over andre og tru at vi er Gud............... Det er nok mykje som ligg bak det heile, men ein tenker no eongong sitt likevel.

Jack the Ripper var kvinne! Hahaha.....No kjem det fram! :=) Som regel antar ein at ein mordar har pikk og blir gjerne styrt etterd det. Då  er det vel heller ikkje så rart at enkelte mord ikkje blir oppklara!
No var jo "Jack the Ripper" sine mord ganske groteske, så det er vel ikkje så vanskeleg å skjønne at dei trudde det var ein mann. Det var jo trass alt på 1800-talet! Kvinnfolk hadde vel knapt nok lov til å seie kva dei meinte i saker...........
Det er minst fem drap som kan knyttast til Ripper og dei var alle prostituerte. I dag trur eg ikkje nokon ville ha blitt så overraska om det stod eit kvinnfolk bak. Kvinnfolk kan vel bli riktig så sjalu av seg, så å sjå at andre sel kroppen sin og driv med hor, kan tenne, mang eit kvinnfolk.
Med tanke på at mordaren skar ut livmora på fleire av ofra, skjønner eg godt at det var frykt blant folk.

I dag seies det at det ikkje fins noko form for tvil at Ripper var dame! Så då har dei vel funne prov?? Kanskje dei berre har leita fram prov som blei lagt bort og ikkje tatt hensyn tidlegare då dei anså det som lite sannsynleg at det var ei kvinne?! Jaja........ Opplysningen hjelper ikkje så mykje no......... (Ikkje anna enn at "historien" blir korrekt).

Full SAS-pilot stanset. Kanskje ikkje så trygt å fly likevel? Nokon som snart skal ut og reise?? Be careful!! :=)
Piloten hadde ein promille på over 1,0. Sjølvsagt står det ingenting om han blei testa før eller etter flygning....... Kjedeleg!

Ekssamboeren til ekskona saksøker Røkke for 1,7 milliard. Haha......Tenk å ha hatt så mykje pengar at ein kunne blitt saksøkt for ein slik sum!! Sukk......... Neida........Det er vel ikkje å trakte etter. Rather love than money!!
Røkke skal angiveleg ha sagt at han skal gje han aksjer i gåver. Røkke nektar for at det er sant. Røkke er god for 10 milliardar kroner!! Slå den......... Så spørs det kor mykje av det som eigentleg er "han". Det er vel store lånepengar i omløp??!
Jaja....... Eg har ikkje planar om å finne meg ein Røkke, så dei må berre ha det så fint med desse pengane! :=)

Ha ein fin torsdag, alle i hopen!!! :=)
Hasta luego......

DFA

Kupper historisk modelljobb. Vel, der han står med skjegget sitt, Brad Pitt, så ser han ikkje så dyrisk deileg ut i mine auge. I følge ingressen er han den første mannen som får oppdraget. Sidan det er ei historisk hending, får eg vel lese og sjå kva det dreiar seg om.
Dah!!!! Han skal berre fronte ein parfyme. Wow!! Løp og kjøp!! Eg har uansett sikkert gløymt namnet på parfymen før eg rekk å lukke artikkelen. Eg som trudde det skulle vere noko spanande. Nytt!! Jaja.....litt nytt er det jo i og med at det før berre har vore damer. Likevel...........
Chanels parfyme nr.5. Eg har aldri prøvd Chanel før, så eg skal ikkje uttale meg om noko duft. Eg klarar meg no godt med "Roma", eg.

I tenåra var det litt digg med "menn" med langt hår, men no...? Spesielt ikkje på halvgamle menn som Brad'n. Han ser eigentleg berre mest slesk ut! Jaja.......Han er ikkje interessert i meg og eg ikkje interessert i han. Hans tap!! Hahahahahahaha........:=)

Obama presses om ekteskapslov. Kva kan det vere? Sånn umiddelbart er det første eg tenker at det må dreie seg om til dømes homofili eller liknande. Kva som ligg i "eller liknande" skal vere usagt, men eg ser ikkje heilt for meg at det er så mange rare ekteskapslover "over there". Kanskje eg tar feil?

Hahaha......I'm good!! Det var det! Han må svare på spørsmål som "Hva synes du om homofilt ekteskap?". Dette er eigentleg eit tema han ikkje er så fortroleg med og aller helst vil unngå å prate om. No vil dei ha han i tale og han er lagt under press ved at visepresident Joe Biden har komen med eit utspel i saka.
Han som er som eit vepsebol, sørger for at Obama no må stå fram med sine meiniger om temaet. Obama er ikkje for at likekjønna skal kunne gifte seg, men at likekjønna par skal ha like rettigheiter som heteroseksuelle par. Så spørs det kva velgjerane syns!
Vi lev i 2012 og haldningane til temaet har endra seg ganske mykje. Difor vil nok fleire og fleire etterkvart helle mot at det bør bli lov. Vi får vente å sjå:=)

Den familievennlige byen er kåret til pornohovedstad. Kanskje ikkje så familievannleg likevel?? Viss ikkje ein vil ta med familien på ei shabby sjappe i stadenfor Disneyworld? Kva lokkar mest, liksom??
Det første som møter blikket mitt er ei halvnaken "dame" på scena i Orlando. Sjølvsagt med ræva rett i mot..........og ræva på eit kvinnfolk er vel ikkje akkurat det eg har mest interesse av å sjå på! Kunne dei ikkje ha valgt eit litt betre bilete sjølv om det er snakk om pornohovustaden? Pupper er jo ganske uskuldig då??
Orlando, California, har jo tidlegare blitt klassifisert som den lykkelegaste staden på jorda....... Vel, det er den nok sikkert fortsatt........? Berre at målgruppa har endra seg ganske radikalt! Eg vil gjerne påstå at det er langt mellom Mikke Mus og Donald til porno!!
Kunne jo kanskje vere artig å sende to stykk Pedersen "over there" og sjå kven av dei som er mest lykkeleg når dei kjem attende. Gammel eller ung?? Ikkje sikkert begge hadde komen attende??!! Hahaha...........
Minstemann er nok avhengig av mora, men han der andre artigkaren?! Tja......Who knows:=)

Hvor renslig er du? Ta testen. Hahaha........ Som at ein skulle gidde det, liksom?!! Eg vil tru dei fleste veit kva normal hygiene er........... Det fins sjølvsagt unntak!! Det har vi vel alle sett ein eller annan gong, men eg trur ikkje vi treng noko test for å definere om vi er under- eller overreinslege.
Det hend seg at eg seier frå til ungdomen at dei må vaske seg til neste dag og ta på seg ei rein skjorte om eit klasserom kjennest ille ut, men det er meir pubertetsmessig "stank".

Nei. klokka er sju og då er det på tide å få ein liten kar til å tenke seng!! Håper alle saman har ein triveleg onsdagskveld!! :=)

Hasta luego!

SDM!

Tja........Kva skal ein seie til dette?? Om eg tell nøye etter, trur eg nok at eg kjem til talet 20 med stort og smått! Puh!! Sååååå kjem spørsmålet...... Kva i alle dagar gjer dei i min gang?? (Som om at eg ikkje veit svaret).



Det er tysdag. Tysdag betyr langdag på arbeid. Denne tysdagen betyr langdag og ingen vaksne heime litt over tre. I og med at eg er åleine heime med snuskelusken min for tida, så får han sjølvsagt lov til å vere med å regjere litt, men dog berre litt. Dagens "regjering" er ikkje ein del av det som er tillatt!!!
Han likar å vere litt for seg sjølv etter skuletid og har lenge hatt det slik at han får gå heim før vi vaksne kjem. Forskjellen i dag ligg i at han var åleine ein heil time.
Sjølv om han aldri finn på noko tull når han er åleine, kan det visst tydelegvis hende likevel.

Eg kom inn døra. Ein stykk ransel og tjue ballar var synet som møtte meg. På biletet har eg flytta litt på dei, for dei låg alle meir der eg må gå for å kome meg til rett side av døra. Puh...... Her var det berre å skreve over!
Kvifor dei låg der?? Nesj......... Han hadde berre lyst å ta turen i garasjen og hente eit ballnett. "Æ må jo få lov tell å lek med fotballan mine, mamma!! Skjønna du ikkje det??" Sukk.......
Jaja. Eg skreva over og kom meg inn. Der sat han og ein kompis og gomla mat. Dei var sjølvsagt svoltne og fann ut at då må dei jo ete. På tallerkenene deira låg det fem centimeters tjukke brødskiver som dei såvidt makta å bite over (men i magen forsvann alt!!).
Sånn eigentleg syns dei at dei bollene som låg på kjøkkenet såg frykteleg gode ut. Mammaboller!! Mmmmmm.......... Eg ser for meg augene hans.
I eit lite glimt av samvit, tenkte han at det er sikkert ikkje lov til å røre dei. Kva skjer då når lysta blei for stor? Joda...... "Vess vi dela ei bolle, så kanskje ho ikkje ser at det mangla nåkka bolla. Førr ho veit sikkert ikkje kor mange ho har!" Eg måtte no flire då dei fortalte det og seie at det var heilt greit og smurte dei ei kvar si ny ei.
Det beste var at dei hadde vaska benken!! "Mamma, vi måtte jo skjul sporan etter oss!"  Herlege åtteåringar, rett og slett! Det var no bra at dei hadde vett å ta seg mat.......Sjølv om eg ikkje føler meg heilt trygg på brødkniven og nevane deira. MEN, så lenge dei skjærer så tjukke skiver som dei gjorde, er det vel ingenting å frykte!!! Eg får berre håpe at ikkje naboen blir "hissig" på at han fekk ein "ikkjesåsvoltenpåmiddag"-gut heim i dag. Det går vel aller helst bra! Hehehe....... :=)

Så var det fotballtrening!! Gud betre....... Eg måtte trø til som trenar av di hovudtrenaren sjølv er borte. Så då var det på med fotballsko og full motivasjon!! Joda...... Det kom ein 12-13 born og eg kan ikkje seie anna enn at eg fekk "kjørt" meg litt. Spørs om eg er gangbar i morgon. Uansett ¨må eg vel berre late som ingenting i morgon så ingen får gleden av å "mobbe"!!! Hahahaha........Kven kan det vere??? Thhiiii.........
Nei, det er nok ei stund sidan fotballkarrieren slutta. Trur kanskje juni 2000 er ein høveleg rett plassering av tidspunkt. Det betyr at det er heile 12 år sidan. Hjelpe meg!! Jaja, så lenge nivået til medspelarane ikkje er meir enn åtte-ni-åringar, så skal eg vel kanskje klare å halde følgje.
Det er lenge sidan eg dribla han eg bur med som 17-åring. Han har vel ikkje heilt komen over det enno!! :=)

Russetid........ Det betyr vannkrig, det!!! Om dei vil det eller ikkje!! Smårollingane er så tent på vannkrig at det er berre å gløyme at russen får slippe unna desse.
Min kar har aldri fått lov til å halde på med vannpistolar og vannballongar. Eg har vore ganske så striks på det av den enkle grunn at eg syns det er heilt unødvendig og at det må gå an å finne på andre ting. I dag ga eg etter! For første gong fekk han ta i bruk ein mega vannpistol han fekk i gåve her for nokre år sidan. (Ja, eg er så bitch at eg ikkje har latt han få prøve den). Det blei mildt sagt lykke i heimen. Eg trur eigentleg at han ikkje trudde det først då eg sa ja. :=) (Men vannballongane må han berre ligge langt unna. Dei blir berre liggjande og slenge langs vegen og det er ikkje noko vakkert syn).
Så endeleg fekk han "angripe" russen! "MAMMA, MAMMA!! Kor e du?? Veit du ka?? Ho Marthe i tiende fekk berre sååååå gjennomgå". "Åsså ho Rikke, då!!! Ho hadde jo ikkje engång pistol, så ho måtte bruk ei flaska!! Hehehe....." Berre det å sjå på dei augene då han sa desse tinga, var det lett å definere det som EKTE lykke!! Stjernene kappløpte inne på augene hans. Så viss ikkje han lev lenge på denne "kvelden", så veit ikkje eg. Så spørs det om han får lov fleire gonger.............. (Kanskje ein grunn for at eg er kalla Cruella De Vil i årets russeavis..... Hahahahahaha...........).

Nei, det må vel kunne seiast at dette har vore ein innhaldsrik dag for familien Beathe/Steffen!!
Eg får håpe kvelden blir like gjevande:=)
Så ha ein fortsatt fin kveld, alle saman!!

IWALY!

Syv dagers tarmskylling og ingen mobildekning. Skal du ha deg kroppsrens, er det berre å ta turen til England. Der får du kroppsrens på landsbygda. Eg går ut i frå at alle ser kombinasjonen tarmskylling og ingen mobildekning??!! Hahaha........Om eg ønsker meg tarmskylling, så trur eg ikkje resultatet blir så mykje betre av at det ikkje går an å bruke mobilen min der. Sånn eigentleg, så ville det siste berre ha vore deileg. Tarmskyllinga trur eg andre får ta seg av. Eg kjente ikkje at det vibrerte så mykje nokon som helst stad då eg såg at det var mogleg, så då står eg heller over!!

Her blir jenta nesten drept for dn russeknute. Ja, det er vel ingen som helst tvil om at enkelte går ganske så langt for å få desse "populære" russeknutane. Så lenge det ikkje fins nokon som helst sensur av russeknutane før russetida startar, er det fritt fram for russen å finne på nye knutar. Dei er god til det! Det kan sjå ut som at dei ikkje ser noko som helst form for begrensning av kva dei kan tillete seg.
Berre ta knuten om å drikke fleire liter vin på kort tid (eg hugsar ikkje kor lenge, men det var på sjukt kort tid). Det er jo å be om å nesten døy!!
Ikkje at denne jenta prøvde å nå nett den knuten. Det var berre eit eksempel på kor gal dei er.
Denne jenta som det står om på nettsidene til VG, prøvde seg på knuten der ein skal stoppe ein rutebuss ved eit forgjengarfelt og ta ti spensthopp foran bussen. I dette tilfellet stod jenta og venta ¨på bussen, men bussen gjorde ingen tegn til å stoppe. I siste sekund klarte ho å hoppe unna. Hadde ho venta litt til, hadde det ikkje vore meir jente i ho. Sjåføren viste fingeren då han passerte.

Denne saka har to sider. Den eine angrip jenta, medan den andre angrip sjåføren. Sjåføren viser kritikkverdig oppførsel, men jenta burde vite betre enn å leike med trafikken.
Som ho sjølv seier: "Hadde jeg drukket alkohol, hadde jeg nok ikke kommet meg unna". Kjipt når det er sååå lite som skiller mellom liv og daud.

Mannen som elsker seg selv. Hahahahaha.......No way! Det skriv eg ikkje om!! Kven er den mannen som ikkje gjer det?? Han kan ikkje vere normal..........Thihihi.........
(Ingen regel utan unntak, men hallo............)

Flere barn ulovlig abortert. Det er snakk om Noreg og det er snakk om foster som er over 22 uker gamle. Eg vil nesten påstå at det er eit hån mot dei som strevar med å få born eller som ufrivillig mistar fostra sine. Fleire av "fostra" var nesten som prematurborn som blir fødd. Born som har overlevd å bli født like tidleg.
Eg veit sjølv at det er snakk om liv tidleg i svangerskapet. Eg fekk høyre Steffen sine hjarteslag allereie i uke ni. Snille jordmora ville gje meg noko å kjempe for i og med at eg var så sjuk. Etter den dagen trur eg ikkje at eg kunna ha fjerna det sjølv om det ville ha stått om mitt eiga liv. Uke ni!!! Eg syns då verkeleg at det er vel dristig å gjennomføre ein abort når ein då er komen så langt i svangerskapet.
I artikkelen står det at i fleire av tilfell visste ikkje jordmødrene kor langt forsta var komen før etter aborten. Rart! Eg var då vitterleg i ultralyd i uke 16 og fekk, etter å ha vore der, vite nøyaktig dag for unnfangelsen. Då har eg vanskeleg for å tru at dei ikkje skjønna at eit foster som har levd i 22 uker ikkje er meir enn under 12 uker. Litt rart at dei får sjokk når dei ser fosteret og skjønnar at det er mykje eldre. Så spørs det......... Gjennomfører dei abortar basert på kor gamalt fosteret er ut ifrå kva "mødrene" seier i forhold til kor langt dei er komen? Då er det jo berre fritt fram å lyge seg til ein abort. Då burde regelen vere at ultralyd krevst før ein får ta abort.
Jaja........ Det kan jo vere at det er eg som har rare haldningar??!! Eg veit i alle fall at om eg hadde lagt meg ned og spredt føtene, så skulle eg vel tatt det ansvaret som følgjer med det!

Med fare for at eg provoserer på meg ein viss prosent her........ Ikkje heilt meininga det, men ja, eg har sterke meininger om temaet. Eg skjønner godt at det fins tilfeller der det er nødvendig å ta abort. Det har eg ingen problem med. Det blir berre så hasardiøst når det er snakk om etter uke 22. Eg veit godt at det fins "gode" grunnar for abort. For all del.....ikkje misforstå meg der! Det er ikkje dei eg vil til livs.
Det er bra at det er ei lov som heiter rett til sjølvbestemt abort.

Noreg er no på god veg til å gjere det same som Danmark. No skal "Downs-borna" bort. Trist!! Eg har sjølv eit syskenborn med diagnosen. Eg syns ho er herleg og eg er superglad i ho!!
Borns med downs syndrom er vel aller helst eit lite sidesprang frå det eg skriv her, for dei ulovlege abortane har ikkje nødbendigvis dreia seg om det. Eg berre tok det med her som eit anna eksempel på kor vi "leikar" Gud over livet. Elle melle........du skal få leve.

Nei, eg veit eg skal vere forsiktig med kva ein ytrar i forhold til temaet. Det er alltid stor sjanse for at ein tråkkar ein eller annan på tærne i ei slik sak. Det vil eg aller helst unngå, så eg håpar du som lesar skjønnar kva eg eigentleg legg i det eg skriv og at du ikkje trur eg er trangsynt i forhold til temaet.

Løsningen på hårtap. Det er menn det er snakk om. Kva er det eigentleg som gjer at så mange menn fortvilar om dei mistar håret? For all del....Eg hadde sikkert gjort det same om eg sjølv hadde vore mann. Likevel, eg syns mange menn kler å ha lite hår eller vere utan. Mange er direkte sexy!! (Men dog ikkje alle!!!!)
Enkelte menn bryr seg ikkje i det heile, medan andre blir rett og slett fortvilt og prøver det meste for å få håret attende.
I dagens samfunn er det jo faktisk slik at mange blir hjulpne. Vi er komen såpass langt i utviklinga at hårtap kan kurerast. Fint for dei som ønskjer det og har råd til det. Eg trur nok det er gode pengar å tene innanfor den retningen.

Hitler brukte store doser kokain og fikk oksesæd for potensen. Vel, no har det seg slik at det ikkje er alt eg vil vite om Hitler. Spesielt ikkje ting som omhandlar potensen hans. Gud betre......og så oksesæd?! Eg skal såvisst ikkje opne saka for å sjekke om at det er snakk om at han inntok det ved å fysisk svelgje sjølve sæden. Fisj!!
Vel, det var viktig nok til at VG sin journalist valgte å ta det med. Det er likevel ikkje snakk om store steget for "menneskeheten". Eg ventar i spaning på kve det neste som står om Hitler blir! (For han er nemnt både titt og ofte for tida).

Nei, eg skal slutte av for i kveld. Boka "Varsleren" ligg rett foran meg og ber om bli opna. Eg klarar ikkje seie nei til dei bedane augene hennar. Så difor er det berre å ønske alle ein fortsatt fin måndagskveld!!

LYF!

Stetind!!

Eg har vore på hytta i helga og det er vel kanskje ikkje vanskeleg å sjå kva som har vore det store fotograferingsobjektet denne helga. Stetind er jo eit mektig fjell og våres "nasjonalfjell". Så her er berre eit lite utvalg av dei bileta som blei tatt frå ulike vinklar og stader.

Kanskje kan eit lite blikk på desse bileta lokke enkelte av dåke til å ta turen til Tysfjord? Stetind er viden kjent blant klatremiljøet og ein treng slett ikkje vere erfaren klatrar for å ta seg opp stien til "Svartvannet" som ligg under fortoppen. Berre utsikta derifrå er verdt turen. Eg har sjølv vore der fleire gonger, så eg veit kva eg snakkar om!!!

Når ein først er i Tysfjord, vil det jo også vere fint å ta turen inn til Kjøpsvik, berre 10 minuttar unna dette vakre fjellet. Derifrå kan det sikkert ordnast med både fjordturar eller sjanse for å gå grenseleden over til Sverige.

Dei fleste har sikkert også sett programmet med Lars Monsen og "Utan grenser" (??). Namnet på programmet står heilt stille no, men eg reknar med at du som lesar skjøner kva eg meiner. :=)



Uansett........Deltakarane kom ned i Hellemobotn. Hellmobotnen er indst i eine fjordarmen til Tysfjord. Her er også herleg natur som bør opplevast.
Kanskje er du berre interessert i ein matbit? Ein stopp i Kjøpsvik på "Kroa di" eller Stetind hotell......... Så legg ein turen mot og gjennom Stetind når magen er mett!! Kvifor køyre E6 heile vegen når ein kan leggje turen over Tysfjord på turen nordover. Ein kjem like raskt fram, samtidig som ein får vakre Tysfjorden på kjøpet!!
Eg må jo heller ikkje gløyme å nemne at EG er her, og det er fullt lovleg å titte innom berre av ein så enkel grunn som det!!!!! :=) (Hint, hint!)

Stetind er enno, som du ser på bileta, dekt av bra mykje snø. Det er likevel ikkje lange tida før den er snøfri og forholda for ein fin tur opp ligg vel til rette!

Så har du ikkje vore i Tysfjord før, bør du verkeleg leggje turen dit i sommar. Viser vèret seg frå si beste side, kan eg garantere at du ikkje angrar!!!

Ha ein fortreffeleg fin sundag! :=)

Sigvart Dagsland er eigentleg ein smart person!!

Kåret verdens mest sexy kvinner. Finn ein feil!! I'm not there!!! What a big mistake..........whooooops. Shame on them.
Jaja, ho Jessica Alba er no ikkje så verst ho heller, så eg får berre svelgje den kamelen.

Jessica Simpson gir datteren guttenavn. Ikkje før har ho annonsert at ho vil føde i leopardmønstra kjole og høge stillettar før ho no går ut og seier at jenta skal ha eit gutenamn. Ho går verkeleg inn for å vere "annleis".
Vel, er det ikkje nettopp det vi ønsker skal vere lov i dagens samfunn? Er det ikkje det vi etterspør? Rom for å få lov til å vere annleis............. Å gå litt utfor alle rammene som er satt......... Eg skal vere ærleg å seie at eg likar det. Annleisheit!! Eg trur nok eg er litt annleis eg også. Eg satsar på at det er positivt! :=)  Eg har ikkje noko ønske om å vere eit A4-menneske.
Namnet hennar blir forresten Maxwell Drew! Maxwell er 100% gutenamn og Drew betyr "mannleg", så eit litt spenstig valg med andre ord. Stå på Jessica!!

Sitt i baren på førsteklasses flytur. Ikkje for meg med andre ord. I alle fall trur eg det blir lenge før nokon som helst ser meg i ein bar på eit fly. Eller.....ein skal vel aldri seie aldri. Eg ser det berre ikkje for meg her eg sit.
Eg går ut ifrå at det gjeld dei om er villig til å betale litt ekstra for flyturen sin. Det blir neppe innført noko bar-bonus på Norwegian og SAS sine Evenes-Oslo-turar for å seie det slik! Der er det vel om å presse inn flest mogleg på minst mogleg plass, så noko bar er det ikkje plass til. Eg burde vel seie "takk Gud for det"! Ingenting er vel meir irriterande enn overberusa turistar på veg til syden. Dei er full når dei entrar flyet og full når dei entrar på returen (viss dei hugsar på å dukke opp). Det er ikkje eit ønskje å få på ruteflya her innanlands........
Det er greit nok at ein skal kose seg og at dei som ønskjer å drikke litt på flyet gjer det. Det er meir mengden eg angrip. Det er langt mellom det å kose seg med litt alkohol og det å vere stup full (som enkelte blir). Dei sistnemnte bråkar og lagar kvalme for dei andre som berre har lyst å nyte at det er ferie!
Det er ikkje utan grunn at det snakkes om nordmenn sin drikkekultur på alle turiststadane rundt om i Europa og andre stader for den saks skuld. Vi er viden kjent for det.......
Eg veit ikkje om det er så kult å høyre at passasjerar kranglar med besetningen av di dei blir nekta meir å drikke. Det gjer oss vel heller meir ei bekymring for kva den som blir "avvist" vil gjere. I dagnes "sjuke" samfunn kan vi ikkje lite på at den som sit ved sida av oss er heilt "normal".

300 000 bileiere har ikke betalt årsavgiften. Oi! Det var eit høgt tal! Eg ville aldri tippa eit så høgt tal om eg hadde blitt spurt. Er det verkeleg såå mange som har råd til å kjøpe seg bil, men ikkje ha råd til å betale denne avgifta som kjem ein gong i året? Kanskje enkelte berre gjer blaffen?? Kva veit vel eg? 300 000 var i alle høve mange!!
Det er klart at denne avgifta kjem samtidig med med mange andre rekningar og då må ein jo prioritere. Likevel, den kjem jo ikkje akkurat uventa.
Eg trur kanskje eg skal vere litt forsiktig med korleis eg ordlegg meg her. Det siste eg vil er å tråkke nokon på tærne. Det kan hende det er nettopp det eg gjer, så eg vil berre påpeike at det er tankar eg gjer meg, men eg veit også at mange slit økonomisk. Det er ikkje alle husstandar som har to fulle inntekter osv..... Eg veit det. Det er berre det at eg veit om mange som ikkje betalar avgifta i tide, men likevel køyrer rundt med bil til dei aller fleste ærend.
For å kome med eit eksempel: Dersom eg hadde hatt dårleg råd og problemar med å gjere opp for meg, ville det vore bra teit om eg køyrte bil kvar gong eg skulle ein tur på butikken. Eg køyrer alt for ofte! Eller..... faktisk ikkje. Eg er blitt ganske flink til å gå. Mykje flinkare!! Eg bur berre få hundre meter frå butikken. Hadde eg hatt dårleg råd, ville det verkeleg ha vore sløsing med pengane om eg hadde køyrt kvar einaste gong. Kor mykje pengar går ikkje bort i drivstoff på all denne småkøyringa? Eg er sikker på at mange fleire kunne gått oftare og ein kunne ha spara mange pengar på nett det. Det blir liksom litt dumt å ikkje betale avgifta, men likevel ha råd til å vere så lat at ein aldri tar beina fatt. (Satt litt på spissen).

No er det viktig å få fram at det er mange enkelttilfeller som har gode grunner til å bruke bil ofte. Det er mange årsaker til at ting er som dei er hos mange av desse 300 000, men eg nektar å tru at dei alle saman har gode grunner. Det er nok mange som ønskjer at dei hadde råd til å betale avgifta, men ikkje er så heldig. Difor er det viktig for meg at alle skjønner at eg ikkje er tenker nedsettande om dei som ikkje har betalt. Eg snakkar meir om dei som anten gjer blaffen eller som eg veit sløsar i hytt og pine.
Talet 300 000, betyr 300 000 bilar. På veldig mange bilar er det to vaksne. Det gjer at talet mennesker innvolvert er høgare enn det. Med tanke på kor stort folketalet i Noreg er, så er talet høgt!! Det er berre å ta folketalet og så trekke frå talet på antal born i landet (som er ganske høgt). Då vil eg tru at 300 000 bilar vil vere bra høg prosentandel av dei som står att.
Dette er berre mine tankar. Det kan jo hende eg er heilt på villspor?!

Brauns kjærlighetsgave fra Hitler til salgs. For dei som lurar, så var Eva Braun kjerringa til Hitler. Hitler hadde eit sommarhus og då krigen endte i 1945, fann dei sølvtøyet hennar der. Det skal visstnok vere ei kjærleiksgåve frå Hitler til hans høgt elska Eva. Eva som stod han bi i tykt og tynt. Så sterkt at ho døydde saman med han.
Så spørs det..........Er det verkeleg det rette sølvtøyet? Det seies at det var ein soldat som først fann det og solgte det vidare. Med mindre det fins spesielle inngraveringer på sølvtøyet, vil eg tru det ikkje kan slås fast med 100% sikkerheit at det er sølvtøyet han ga ho. Som så ofte sagt tidlegare......kva veit vel eg????
Uansett, sølvtøy eller ikkje...........verdi eller ikkje........ Eg ville ikkje vore interessert i å få det eingong. Ingenting som kan assosierast med ein slik mann, skal inn i huset mitt.  Ikkje om eg fekk ein million. That's for shoure!!

Lotto-kluss. Må betale tilbake en million dollar, men pengene er langt på vei brukt opp. Arrgh....kjipt! Det må altså kunne kallast kjipt!!!
Det er "Sharon" som fikk sjekka kupongen sin og fann ut at ho ikkje hadde vunne. Ho heiv kupongen i søpla og ei anna "Sharon" plukka den opp av søpla. Vips hadde ho fleire millioner kroner........
Når staden er USA, er det ikkje vanskeleg å skjønne at slikt blir det rettsak av!
Saka kan avgjerast ut frå om "ikkje lov til å ta opp søppel frå søppelkassa"-skiltet var komen opp eller ikkje før ho fann kupongen. (Rare reglar.......)
Vi har kanskje ikkje så ille system her i Noreg, likevel.........

Nei, med vissheita om at Jessica Alba slo meg på målstreken, er det berre å kaste inn handkledet og håpe at eg ikkje må sørge så altfor lenge! Trøstande ord og trøstegåver mottas med takk!!! :=)

Ha ein fortsatt fin onsdag!!

MYSM!!