Kroppen på Hamarøya.......

Hamsunsenteret er ein kropp!

Du ser det vel?? Hårtustane som stikk fram oppå hovudet der oppe?! 

Eg veit ikkje heilt kva eg har meint om Hamsunsenteret tidlegare, men eg har vore på nippet til å tenke at dette er eit bygg ein lett kan kritisere. Ikkje no lenger..... Ikkje no når eg veit at senteret er ein kropp!! Hehehe.....

Steven Holl som i si tid teikna denne "skapningen" var eigentleg litt smart. Vi mennesker er jo litt rotete at oss innvendig (innvendig høyrtes betre ut før det kom ned på papiret....). "Rotete" er eit godt ord å bruke om nett dette senteret. Ikkje rot i rett forstand, men med litt velvilje går det an å kalle det rot. 

Ikkje ein vinkel er rett. Ikkje eit golv er i vater. Mange stolar er skeive. Sjå no berre på bygningen, så ser du at den er altt anna enn rett. 

Steven Holl las blant anna boka "Sult". Ei bok om ein som gjekk rundt i Kristiania og var svolten til eikvar tid. Kom han seg til pengar ein gong i ny og ne, ja då brukte han dei gjerne på mat til andre. Sjølv fortsatte han å vere svolten. Ikkje særleg smart, men ei god gjerning...trass alt. 

Han var nok eit "mess" oppi hovudet sitt. Det er ikkje berre, berre å gå gatelangs utan å tene til livets opphald. Stakkars kroppen hans. 

Kva vil vel vere betre enn å bygge eit bygg som eit menneske? Liksom frå fram det hamsunske. Få fram itteraturen hans gjennom byggverket. 

Du ser auget oppe til venstre. Du ser armen oppe til venstre. Arm må ein ha om ein skal evne å vaske vindauger. Det meste er symbolsk. Det ligger faktisk eit mål og ei meining bak heile greia. Ergo blir det vansklegare å kritisere det. 

Eg kunne eigentleg tenkt meg ein sånn her skrivemaskin. Eg hugser godt då vi skreiv på maskin i ungdomsskuletida. (Dog på eit lite hakk nyare maskinar!) 

Om forstørrelsesglaset tilseier at Hamsun hadde dårleg syn, veit eg ikkje, men han brukte jo briller, så tanken er vel ikkje utenkeleg. Han var i alle fall ein ihuga kortspelar. Du ser såvidt dei raudrosa korta stikk fram nederst til venstre på biletet. Eg syns berre at det ikkje passa heilt inn med kortstokk blant alt det andre denne pulten inneheldt.........men dei er der. 

Eg tvilar på at det var "vri åtte" som blei spelt på den tida, men kven veit?? 

Ein rotkopp var han i alle fall. Det vitnar no desse skuffene om!! Ingen diskusjon der. Det er sikkert system i rotet......Dei fleste har det, men denne skuffa var jo då hakket verre enn eg har sett ho andre tidlegare. 

Dette er jo berre rein nostalgi. Hadde eg kunna, ville eg tatt denne med meg. (Hadde eg fått svar i andre enden, hadde eg lagt på og sprunge min veg.....)

Eg elsker penn og blyant!!! Eg er ikkje i tvil. Eg er kjempeglad eg lev i ei tid der det går hurtig å skrive. Eg kunne tenkt meg å ha eit sett som dette, men ikkje for å bruke det permanent, berre til pynt. Heldigvis lev vi i ei enklare verd enn dette!

Staskar?? Eg veit no ikkje........Glad i å skrive var han i alle fall. 

Det har nok ikkje berre vore positiv omtale om han opp gjennom tidene. Han hugses nok for saker som er i kvar sin ende av ein skala. Så spørs det......Kva ende tel mest?

Denne var berre litt festleg. Om du har dårleg syn, så er teksten under biletet som følgjande: 

- Hvor i salen sitter de store norske kunstnere og diktere?

- De er alle sammen døde unntatt Hamsun og han sitter inne.

Det er andre tider i dag. Ha ein fortsatt fin kveld! 

Hasta luego!

IWALY!!

Sånn der og der.....

Tida går.....Jaujau...... I dag var det ei borndomsvenninne som la ut status om at dotter hennar er 18 år i dag. Eg syns ikkje det er lenge sidan at eg las at ei anna hadde ein status som sa at sonen hennar blei 20 år. Her snakkar eg om sånner som er jamngamle med meg.......Og med eitt kjenner eg at eg føler meg gammal.
Er ein ikkje gammal når ein har så vaksne born? Eg som ikkje føler meg ein dag over XX......:=)
Det hjalp litt på då ein kollega av meg (sånn høveleg på alder med meg) kommenterte at ho var i den fasen der ho fort kan komme i den overlappingsfasen som er mellom småbornsforelder og bestemor.
Ei anna skreiv at det er borna som blir eldre, ikkje vi. Eg trur eg støttar den!!
Når til og med ei venninne av meg legg ut bilete av seg sjølv i karatedrakt. Råtøft bilete, og med tanke på at vi er heilt jamngamle kan eg ikkje påstå at vi er gamle.

Disse skal grille Bieber! VG-journalist med stjerneoverskrift. Grille Bieber! Håper han ikkje blir så svidd at han ikkje kan fortæres då. Eg er glad eg ikkje er kannibal.

Dagens beste på Facebook kom ifrå bror min. Han delte dette biletet (henta frå nettet ein stad) og la med kommentaren "Beathe, her er Grunnvoll-antrekket til Jan-Einar. (Og då treng eg vel ikkje slenge på kommentaren om at eg flirte feil på meg?? Hahahaha.........)

Det blir ikkje mine plantar han får vanne!!!!

Dagens mattips er brødskive med brunost og paprika! For all del....Eg må berre påpeike det.....Eg har ikkje smakt det sjølv, men det har ei borndomsvenninne. Eg har sett bilete av matfatet hennar i dag, og sjølv om det ikkje såg heilt ut som den beste kombinasjonen, blir det bedyra at det er kjempegodt. Så difor.......Kvifor ikkje berre gje det eit forsøk for å finne det ut?

Det er fredagskveld og "The Voice" på skjermen. Her i huset står slike program høgt i status hos ein viss kar, så då er det berre å henge seg med på den bølgja. 

I morgon er det fotball for alle "penga", så eg håper at det ikkje slår heilt til det der med stormen som dei varslar. 

Uansett.....ha ein fortsatt fin kveld. Sov godt!! 

Hasta luego!

IWALY!!

Hårreisende??

En personlig mobbing som har vært helt hårreisende. Stemmer det? Går "vi" for langt i våre kommentarer på nett? Lenge leve ytringsfriheten, liksom.......

Torbjørn Jagland får så øyrene flagrar. Folk er rett og slett nådelause. Nettavisa har ei sak der søstra står opp for han og seier rett ut "Slutt å mobb broren min!". Engasjementet hennar er flott, spør du meg. Ikkje av di det er Jagland det er snakk om, men uavhengig av kven det gjeld.
Ein kan meine kva ein vil om personar, men det betyr ikkje at det er fritt fram for å mobbe dei på nett.
Det er ofte greit å kalle ein spade for ein spade, men det er ikkje det same som at det er greit at ein ikkje legg band på seg i det offentlege rom.
Jagland har mange tilhengjarar, men det er nok fleire som ikkje likar han heller. Akkurat det kan ingen nekte dei.

Det er fleire som gjer søstra til Jagland kred for at ho går ut på denne måten, men det er mange som ikkje klarar å halde seg til det saka gjeld. "Ja, dere mener han trenger det? Bor og jobber i Europa med flere millioner i lønn. Bor gratis, betaler ikke skatt, men nyter godt av norsk helsevesen." 
Bakgrunnen for denne ytringa kjenner ikkje eg, men det kan jo hende at det er snakk om sjalusi. Kva anna kan det vere?
Ein mann som leier Europarådet og er utsendt frå Noreg....... Ikkje veit eg om han betaler skatt, men eg er ganske så sikker på det at han overheld dei reglar som er. Dessutan.......om han bur gratis, så er det mange som gjer det. Eg reknar med det er ein del av lønna.
Eg tvilar på at det er mange som ville tatt ein jobb og tvinga seg på for å betale skatt om ein ikkje må.  Så lenge han held seg til reglane som er satt så fell heile argumentet i fisk. Det blir berre tåpeleg. Han betalte i alle høve skatt før, så det er greit at han nyter godt av helsevesenet vårt.

Kva er det som gjer at det er så mykje fokus på denne mannen nett no?  Jo, han er ikkje blitt valgt til å fortsette som leiar av Nobel-komitèen. Det er ho Kaci.
Kunnskapsministeren vår kalte Jagland ein klovn etterpå. Heilt sånn der indirekte så er han ein av mine overordna (kunnskapsministeren). Han er ein av dei som fortel oss at vi skal vere dei fremste til å bekjempe mobbing. Det er ei av hjartesakene hans. Så framstår han sjølv som ein av dei verste mobberane. Korleis kan han forsvare seg der?

"Syns klovn er dekkende nok. Idiotisk moralimperialisme med det formål å pusse sin egen stjerne." 
"Jagland blir mer og mer patetisk."
"På tide at denne arrogante mannen blir fjerna. Får viktige personer hit bare for å sole seg i glansen av dem."
"Jagland var et blødende magesår for AP." 

Å ikkje vere einig med Jagland er èin ting, men det er noko anna å gje han heile skulda for alle val Nobel-komitèen har gjort. Det er han som har fronta dei, men valga er tatt saman.
Han er ein mann som blei valgt til generalsekretær i Europarådet og gjenvalgt. Det kan ikkje bety anna enn at han er over gjennomsnittet dyktig.
Dessutan vil eg påstå at han er sterk som person, for jaggu meg har han måtte tåle mykje frå folk. Han har stått rakrygga gjennom all kritikken opp gjennom åra. Han har stått for sine meininger og han har turt å ikkje vere einig.
At engelsken hans ikkje er den beste.......Tja, har dei andre statsleiarane rundt om i verda så god uttale at det gjer noko?? Just asking..... Den franske, tyske osv.....for å nemne nokon...
I skisporten heiter det "det er typisk norsk å vere god". Det er visst meininga at vi skal leve opp til det idealet innanfor alle greier.
Litt trist om det er den engelske uttalinga som er avgjerande for kven som kan sitte i ei slik stilling. Vi kan gå glipp av god arbeidskraft då.

No kan det virke som om at denne knetta som sit bak tastaturet her er ein ihuga Jagland-tilhengjar. Det kan du berre gløyme å tolke ut ifrå kva eg skriv. Det er ikkje kva eg syns om han som legg grunnlaget for haldningane rundt temaet Jagland. Det er haldningane til oppførsel, nettmobbing, ytringsfrihet osv.....som gjer seg gjeldande. Folk burde vite betre enn å oppføre seg som idi.... på nettet.
Vi ønsker at born skal vere greie med kvarandre. Vi ønsker at dei skal lære kva som greit eller ikkje. Korleis skal det la seg gjere når vi vaksne ikkje klarar å la vere.
Vi snakkar nedsettande om andre foran øyrene på born. Vi skriv stygt på nettet. Vi hever oss over andre og er så fordømt mykje betre sjølv.
Takk Gud for at eg ikkje er kjendis!!

Ordet "vi" er nok litt missvisande, for det gjeld jo ikkje alle. Det er mange som ikkje mobbar på nettet. Det er mange som tar avstand frå det. Likevel, eg vel å bruke "vi" når eg skriv av di eg reknar med at du som lesar uansett forstår kva eg legg i ordet. Eg snakkar om dei nordmenn som ikkje har nettvett på dette området.

La Jagland vere Jagland. Mein kva du vil om han, men publiser det no ikkje for einkvar pris på det sosiale nettverket. Han er trass alt berre eit menneske. Han har sine feil og manglar, men det har jaggu meg alle vi andre også.


Ha ei god natt!! Sov godt! :=))

Hasta luego!

IWALY!

Til ettertanke......

I dag las eg ein status på Facebook som eg beit meg merke i. I desse kroppsfikserte tider er det mykje fokus på overvekt og på kva veg samfunnet er i ferd med å reise dersom ein ikkje klarar å snu trenden.
Lure på koffør d e så lætt førr folk å si "hærregud du e så tynn, et du ikkje?" Ein status som treff ganske mange av dei som les den. Og då spør eg......Er det slik? Er det lett å bryte utav seg ei slik setning? Og ikkje minst......er det greitt at ein gjer det?

Kor mange er det som går bort til eit overvektig menneske og seier "Herregud kor tjukk du er blitt. Kva er det du spis?" Kvifor er det lettare å kommentere overfor eit menneske som kanskje har eit par kilo for lite (ifølge dine auge)?
Eg trur dette er spørsmål fleire bør spørre seg. Eg trur mange faktisk kan bli veldig såra over slike kommentarar. Det er no eingong slik at ikkje alle i denne verda kan for at dei ser ut nett som dei gjer. Enkelte er tynn utan at dei klarar å gjere noko med det. Dei et normalt, men legg ikkje på seg nevneverdig av den grunn. Skal dei vere nøydd til å gå til innkjøp av store mengder cola og potetgull berre for å tilfredsstille andre? Det er vel viktigare at dei sjølv har eit greitt sjølvbilete...... Det får ein ikkje om "alle" kommenterer at ein er for tynn.

Det er sikkert ikkje mange av dei som er overvektige som sjølv syns det er kult å vere det. Mange av dei har sikkert eit ønske om å ha mindre kilo å rutte med, men fleire av dei klarar faktisk å sjå kor fin dei er likevel.
Det er heile tida eit mas i ukeblader, magasin, aviser osv......om å gå ned i vekt. Det gjer signal om at det ikkje er greitt at ein har for mykje feitt rundt magen, på låra.....you name it.
Likevel......Mange teier stilt overfor dei det gjeld på grunn av folkekikk og at dei veit at slik seier ein ikkje. Kvifor er det då lettare å kommentere dei som er for tynn?
Er vi kommen dit at det er definert korleis alle skal sjå ut i denne verda? Kva kroppsideal er vi eigentleg ute etter?
Eg seier ikkje at nokon ikkje er for tynn, for det fins dei også på same måte som at nokon er for tjukk på grunn av livsstil. Likevel, ein kan ikkje sitte oppå sin eigen hest og dømme folk på den måten. Plutseleg har du faktisk ytra deg overfor ei eller ein som er tynn/tjukk av helsemessige årsaker. Kva sjølvkjensle vil dei få av ei slik ytring. Kor kult syns dei det er å få høyre slikt. Eg trur det er mest øydeleggande.

Då eg las statusen til denne dama (som eg forøvrig kjenner til) tenkte eg "så rett, så rett du har". Eg har sjølv vore i den situasjonen at ein sjukdom sørga for at eg nesten ikkje klarte å bevege meg og at eg av den grunn este ut. Eg som har trena heile livet og har vore vant med å sjå heilt ok ut, blei "plutseleg" mykje større og klarte ikkje hindre det utan at vi klarte å finne ut kvifor.
Så finnes det heldigvis enkelte som skjønner og som klarer å finne ut kva som feiler og kan gje rett medisin, sjølv om den må vere livsvarig. Ein som sørger for å gje livet attende i gåve. For tru meg....Etter å ha vore "ubevegeleg" over lang tid, er det ei gåve å få livet "back on track".
Likevel, kiloane var jo der og med eit heilt liv utan alle desse kiloane, var det ikkje lett å vite at dei var der. Det gjer noko med sjølvkjensla når du er vant med å kunne handle all slags klede og plutseleg vegrar deg for å prøve nye klede i frykt for at dei ikkje passar.

Kiloane er borte no. Eg trener for fullt att. Det har vore ein lang veg å gå, men eg er like tynn no som eg var då eg var 18 år. Og eg har høyrt det......."Kor tynn du er blitt. No må du ikkje bli tynnare." Eg har hatt stabil vekt i fleire år, men likevel får enkelte det for seg at eg har blitt tynnare sidan sist dei såg meg, sjølv om det ikkje stemmer. I tillegg et eg som ein "kval".
Eg er fornøyd med meg sjølv. Eg har aldri vore noko fotomodell og har heller aldri hatt noko ønske om å vere det heller. Eg vil berre leve livet mitt som best eg kan. Eg tar medisinen min kvar måndag og ergo klarer eg å vere aktiv og tilstades majoriteten av tida. Og eg vil helst ikkje at folk kommenterer det om dei syns eg er tynn.
Eg er rett og slett heilt normal og har tenkt å fortsette med det.

Eg håper at ho som skreiv om dette i statusen sin i dag ikkje tar seg nær over slike kommentarar og berre hever seg over det. Sjølv syns eg ho er kjempeflott! Ikkje minst syns eg det er tøft at ho faktisk tar opp problemet på den måten ho gjer, for ho blottlegger seg jo litt på den måten, akkurat som eg sjølv har gjort her. Men eg kan lett gjere det...... blottlegge meg.....For eg har sjølvtillit nok til å gjere det.
Eg bryr meg eigentleg ikkje så mykje om kva andre syns. Eller....... Gjer eg det??

Uansett. Ha ein fin kveld! Det er Greys-aften og det betyr også god "kose-mat". Eg gler meg!!

                                             Mars 2015

Hasta luego!

IWALY!!

Så det så...

15 måter folk tok hevn på sin utro partner. Å helle ei bøtte avføring gjennom ruta på bilen er kanskje ein av dei mest heslige metodane. Tagging av garasjeporten er meir av den snille sorten, sånn bortsett frå at det kan bli litt pinleg for den det gjeld. Ein bør kanskje la vere dersom ein vil gje forholdet ein ny sjanse. Tagging vil nok sette inn daudsstøtet.
Tagge bilen......... Du er ferdig! Partnaren vil nok sjå på det som hakket verre enn at han var utro. Bilen køddar ein ikkje med!

Som innleiinga seier, er det snakk om 15 måtar det er tatt hemn på. Fjorten av metodane innebærer herverk av køyretøy. Å helle avføring inn bilvindauget er det einaste som ikkje har noko med tagging å gjere. Alle dei andre fjorten handlar om tagging av garasje, bilen, båten eller mopeden. Ergo kan det virke som om at folk anten er lite kreative, eller at dei faktisk har skjønna at bilen er det mest heilage ein mann kan ha.
Etter nærmare ettersyn så er det faktisk ei som har vore hakket meir kreativ, men likevel.......det er hærverk av bil. Beskjeden er vel krystallklar!

 (Biletet har eg henta frå nettsida til Nettavisa. Ergo har eg ikkje vore så heldig at eg har fått sett dette skuet på ordentleg. Eg trur kanskje eg ville fått meg ein god latter då!)

Veskene du må ha i vår. Hahahahaha.........Jaujau, seier eg berre. Sjå på dette biletet under og vurder sjølv om det ville tatt seg ut at denne jomfrua hadde kommen spradande med ei veske som dette.....spesielt den oransje.

I guess you can see my point?! Nettavisen har visst god fantasi i dag. Halve Noreg vil sjå teit ut med ei slik veske. Ta litt skinn og sy det ihop så du får ei veske. Lim på eit namn og plutseleg er den verdt så grueleg mykje. Eg tenker eg heller vil få statusen min klassifisert ut frå noko anna enn ei moteveske.

Har sendt 10.5 millioner til mannen hun er 95% sikker på ikke er svindler. Hmm.......Dei resterande fem prosenta ville vore nok for meg til å halde att ein slik sum. Vi snakkar kjærleik på høgt plan. Kjærleik mellom mann og kvinne som aldri har møttes. 

Ei kvinne blir skilt og "møter" ein ny mann. Ikkje noko galt eller unormalt med det, sånn ved første tanke. MEN å tru at draumemannen kan vere han du har møtt på nett, men aldri fysisk har sett og som til stadigheit hamnar i trøbbels å han ikkje kan kome heim til deg............Det burde ringe ei bjelle. 

Det gjer det ikkje, og ergo fortset "storyen".

Han er på forretningsreise i Afrika, men kjem seg ikkje derifrå av di han titt og ofte blir arrestert basert på falske anmeldelser, eller at han blir fråstjålen visum, kredittkort osv....... Alltid uheldig, med andre ord. 

Etter å ha motteke over 10 millionar kroner............Likevel kjem han seg ikkje derifrå? Hallo?? Knock, knock........Who´s there? 

Eg trur dei fem prosentane burde vere dei som kom tvilen tilgode, medan 95% burde vore usikkerheit. Jaja......Kva veit vel eg? Kan jo hende dei blir lykkeleg gift etterkvart....Let´s hope so. 

Om nokon skulle bli freista til å gje meg nokre millionar, skal eg ikkje seie nei, men eg trur eg droppar eit eventuelt ekteskap.

16 ting alle jenter tenker hos gynekologen. Allereie før eg startar opp med lesinga skjønner eg at dette ikkje stemmer. "Alle".

1) Eg sit aldri på venterommet og ser på ein plakat om HIV og tenker at eg kan ha fått sjukdommen. 

2) Eg sit aldri på venterommet og lurar på dei andre som sit der har herpes. 

3) Skulle eg sagt hei til ho som sat ved sida av meg? Det er ikkje noko ein tenker, men noko ein automatisk gjer, og ergo blir det aldri ei problemstilling.

4) Skal eg ha trusa på meg til eg er komen meg i stolen? Kva er vitsen med det, då? Det er i alle fall ikkje noko eg går og grublar på medan eg går mot stolen. Trusa ligg pent og pynteleg i den andre stolen. 

5) Eg har heller aldri lurt på kvifor eg ikkje valgte å ta meg ein jumper med lange armar! Kva har jumper med sjura å gjere??

6) Eg kunne aldri tenkt meg til å spørre om vagina mi er normal. Det blir ikkje så mykje som vurdert inni hovudet mitt.....

7) Eg tenker aldri at legen kanskje lurer på kvifor det er barbert/ubarbert der nede. Legen har vel ikkje noko med det å gjere? Legen skal jo ikkje akkurat vurdere høna, men indre organ.

8) Om det er nok glid? Hallo........? Bekymrer folk seg for det? Det er jo ikkje akkurat meininga at du skal sitte der i stolen og vere tent på legen. Legen får ta seg av den biten med glid. Det er ikkje vårt problem.

Tja........ Til no har eg slått ihel åtte av dei seksten punkta som liksom "alle" jenter tenker. Det er kanskje eg som er unormal? Kanskje alle andre tenker disse tankane? Spesielt det med HIV og herpes!! Med mindre ein har hatt sex med nokon ein ikkje bør ha det med, så er vel sjansen for HIV mindre enn lik null. Om dei rundt deg på venterommet har herpes, ja kva gjer vel det? Det er vel inga fare for at legen finn feil i di edle dåse sjølv om det sit andre der med herpes?! Tar eg feil, eller?

Nei, klokka nærmer seg straks midnatt og denne knetta skal straks ta kveld, Så ha ein fortsatt fin kveld og sov godt i natt!

Hasta luego!!

IWALY!!

Tjohei....

Ei flott uke er over. Eg har vore så heldig at eg har hatt ei uke der eg har kunna snudd litt på døgeret. Ei uke der eg kunne kose meg på ski og anna om dagen, og ikkje tenke arbeid før på ettermiddagen og kvelden. Det har difor vore ei uke berika med mykje kvalitetstid. 

Målselv fjellandsby er bygd opp i eit flott fjellområde. Her er det supre forhold for både store og små. Her kan du stå slalom i eit utvalg bakker, gå på langrennski, bruke hangglider, ake, leike i snø, gå på kafè, eller rett og slett berre slappe av i ein gapahuk eller lavvo. 

Her er min kar med ein kompis før dei skal sette nedover fjellsida. Utsikta dei har er upåklageleg.

                                              Vèret var greit og forholda bra i bakken.

Når svolten meldte seg, var det berre å trekke inn i lavvoen og varme seg mat på bålet der. Varm toast og pølser med brød er god mat på tur. Varm saft og kakao er også eit must.

Det er viktig å ha utstyret i orden. Spesielt viktig er det med hjelm, noko ein viss kar lura på kvifor vi vaksne ikkje hadde...... Her må vi nok skjerpe oss og investere i sikkerheit. (Spesielt eg burde vere såpass smart, for eg har jo allereie smerteleg erfart kor farleg det er utan hjelm i fart. Eg kan vere glad eg er i live i dag, så her må eg vel hugse attende i tid og gå foran som eit godt eksempel.)

Enkelte hadde lyst til å ha det luftigare enn andre. Minstemann i huset her byrja å spekulere på kor han kunne melde seg på for å få flyge slik......Tankar mora fekk satt ein rask stoppar for. "Det kan du få bestemme sjølv når du blir 25  år." Her nyter han akkurat det synet på tur opp heisen. 

Om ettermiddagane og kvelden blei det god tid for langrenn. Det var fine forhold for det også, berre det at ungane syns dei tok lyset litt for tidleg. Kven vil slutta av før dei har gått lei, liksom? Har ein det gøy, vil ein jo sjølvsagt fortsette.......

Vi såg no kvarandre litt innimellom i løpet av dagen. Det er ikkje berre når ein flaksar hit og dit. Sjølvhar eg alltid min lyseblåe fleecejakke på meg slik at eg skal vere lett synleg. Til no har det "funka" kvart einaste år. 

Jomfrua sjølv i full fart nedover. Slalom er knallskøy!! Eg er glad i fart og nett det får ein når ein setter ned slike bakkar. 

  

Dette tok eg no mest med avdi det er bilete av yndlingsobjektet mitt. "Mammas hjarte"!! 

Når dagane i fjellheimen var over (for vi var der døgera rundt), var det tid for eit par dagar nede i sivilisasjonen. Bardufoss og Andselv er koselege områder, det også. Forutan gode vener, er det også fint å shoppe der. Dette som vises på biletet er berre eit lite utvalg av kva eg kjøpte på den koselege butikken som er forholdsvis ny der og heiter P.Y.N.T. Så om du er i området, eller rett føler for ein liten kaffistopp på tur til Tromsø..........Ta no turen innom det lille senteret der og denne butikken. Du finn garantert noko du likar. Menn bør iallefall titte innom om dei ønsker ei lita overraskingsgåve til den dei har kjær. (Og kva kvinne likar ikkje å få ei gåve sånn heilt utan anna grunn enn at ho skal føle seg spesiell?) 

Det er kanskje ikkje så lurt å dukke opp med "medisin for gretne gubber" eller "medisin for sure kjerringer" som du ser øverst til venstre på biletet her, men utvalget er nok mykje større enn det eg har knipsa her. 

Dessertgenerasjon.......besteforeldre..... I går las eg ein artikkel der ein firebornsfar skreiv sine meininger om kva han syns besteforldre er til for. Bakgrunnen for det, er hans eigne erfaringer på området som firebornsfar og det at hans foreldre og svigerforeldre ikkje er heime 24/7 året rundt. Dei er faktisk ikkje heime kvar einaste uke heller. 

Ein dag borte går bra, men når det plutseleg blir snakk om fleire uker....... Tenk at han ikkje kunne gå i operaen av di svigerforeldra prioriterte å spele golf i Spania. Foreldra hans var reiselystne og var ikkje i heimlandet heller, og ergo kunne dei ikkje sitte bornevakt slik at han kunne gå i operaen. Jaujau, seier eg berre......

Han meinte dei prioriterte heilt feil og dei har faktisk hatt familieråd om nett dette. For å kome han i møte, har besteforeldra inngått ein avtale om å ha alle borneborna på middag kvar einaste onsdag når dei ikkje er utanlands og så kjem dei på besøk kvar einaste tysdag.  

Denne mannen syns begge besteforeldrepara er egoistiske som prioriterer seg sjølv i perioder. 

Så då kjem spørmålet mitt. Er det slik at ein besteforelders oppgåve er å vere konstant tilgjengeleg for å passe borneborn? Er det slik at ein berre kan produsere born etter born for så å forvente at det er besteforeldra som skal ta dei kvar gong du ønsker å gjere noko du likar? 

Ja, det er viktig å få gode relasjonar mellom born og besteforeldra deira, men det må no vel finnes ei grense for kva som kan forventes og ikkje. 

Sjølv er eg oppvaksen med besteforeldre som budde i ein heilt anna landsdel enn eg. Likevel blei det oppretta kjempegode bånd mellom oss. Eg var hos dei i feriar.....Ikkje av di nokon måtte passe på meg, men av di eg ville besøke dei fordi eg var glad i dei og dei i meg. Fordi det var fint å få komme på besøk til dei. 

I kvardagen måtte mine foreldre trå til "normale" bornevakter, akkurat som eg sjølv gjer i dag med minstemann. Det er ikkje noko unormalt i det. 

Det er no eingong slik at ikkje alle har besteforeldre tilgjengeleg rundt seg på grunn av buavstandar. Det betyr ikkje at dei får noko dårlegare bpnd enn andre. Andre igjen er så heldige at dei kan sjå kvarandre kvar einaste uke. Sånn er det berre..... 

Og JA, sjølvsagt bør besteforeldre stille opp. Heilt klart! Dei fleste ønsker det også. Det er berre det at det skurrar dersom det forventes at dei skal vere der for deg heile tida og dersom dei eingong seier at det ikkje passar, ja då er dei egoistiske.

Dei har jo arbeidd eit heilt liv og sett fram til pensjonisttilveringa og det at dei skal få oppleve blant anna å reise og gjere ting dei har hatt lyst til i mange år, men ikkje hatt høve til. Så får ein heller gå glipp av den operaen dersom ein ikkje er villig til å betale ein ungdom eller annan kjenning for å få fri eit par-tre timar. 

For tida er det mange som snakkar om bygdedyret. Bygdedyret eksisterer nok i dei fleste bygder, av og til meir enn andre gonger, men det er der heile tida. 

Det verste er at mange av dei som klagar på bygdedyret, er ein del av det sjølv. Om dei føler at noko blir feil i forhold til dei sjølve, ja då klagar dei på bygdedyret. Ellers er dei eindel av dyret sjølv utan at dei tenker over det.

I det siste er det spesielt EI sak som har oppteke mykje tid og energi av enkelte. Eg har aldri kommentert ho på nett, og eg tenker eg lar vere å seie kva sak det gjeld her også. Mange vil nok uansett skjønne kva sak det gjeld. Difor vil eg poengtere at ikkje noko av det eg skriv her kan tolkast på eine eller andre måten i forhold til kva eg meiner om saka. 

MEN det eg vil seie er at eg lurar på korleis enkelte kan påberope seg retten til å seie at fleirtalet meiner....... og at det berre er mindretalet som er blitt høyrt. Kven er så smarte/synske at dei veit kva kvar og ein av oss meiner? Fleire trur at dei veit og går krasst ut. 

Enkelte klagar på at enkeltpersonar blir hengt ut på nett. Ved å publisere bileter og omtale saka på Facebook, held dei berre liv i saka og skaper meir negativitet rundt dei det gjeld. 

Å påberope seg retten til å vere allvitar på bakgrunn av ei positiv oppleving sjølv......... 

Det er mange saker som er triste i samfunnet vårt. Vi kan meine kva vi vil om dei, men vi kan rett og slett ikkje berre kaste meinigane rundt oss på nettet som om at vi veit. Akkurat det skadar meir enn det hjelper. OG sist, men ikkje minst....Det blir rimeleg flaut for dei det gjeld om dei får ting slengt rett attende i fleisen. Då er det bedre å kunne seie "eg er glad eg valgte å vere føre var". Eit flott prinsipp å bruke når det er snakk om sosiale medier. 

Det blir for dumt å klage på bygdedyret når ein sjølv er ein av føtene til dyret. Så moralen er rett og slett så enkel at når ein snakkar på nettet, ja så bør ein halde enkelte ting for seg sjølv. Vit kva du snakkar om og ikkje berre anta. Og for all del......bland ikkje inn fleirtal og mindretal før du veit at du snakkar deira sak.

Heldigvis kan eg seie at eg har ryggen min rak i denne saka, nett fordi eg aldri har kommentert på ho når folk har publisert den på bl.a Facebook. 

Ikkje har eg tenkt å bruke energien min på å ta stilling til ho heller. Eg reknar med at dei det gjeld veit kva og kvifor, og då er det ikkje opp til meg å hverken dømme eller anta. Eg veit for lite til å uttale meg, og ergo lar eg vere. 

Ellers vil eg no berre nytte høvet til å seie fortsatt god kveld og god natt for dei som legg seg (dei fleste gjer vel det eingong...). 

Hasta luego!! :)))

IWALY!