Etter nokre dagar i dvale, er ei viss jomfru vakna til liv att. Utan å vite korleis denne teksten skal ende, er det berre å hive seg rundt.

Ikke la livet fare forbi,
mens du jager etter mere tid.
Ingen vet hvor mye tid vi vil få,
så start med å leve livet ditt NÅ!

No kan det virke som om at dette diktet skal vere utgongspuink for kveldens tema. Det er det nok ikkje. Eg kom over det i stad og så syns eg det er så fint og ikkje minst riktig at eg berre måtte ta det med her.
Det er trass alt ord til ettertanke!! Vi får aldri tida attende og ein dag er det plutseleg for seint av........ Ein må leve medan ein kan.

Milliardærfrue Marte Krogh til norske mødre: Ta dere sammen og tren mer!
Så langt kan eg vere einig med denne rikmannsfrua. Det er vel ikkje nokon som helst tvil om det er for mange som er i for dårleg form. Eller??
Og der stoppa det visst opp for meg............ Å vere einig kan vere så mangt, men eg må ærleg innrømme at eg av og til syns ting fort kan bli litt for teit. Dette er ei slik sak. Les berre denne setningen: Har personlig trener, vaskehjelp og au pair.

Marte seier at mange gjer alt for lett opp når dei får born. Hmm....... Tja, gjer dei det?? Er det av di dei får born at dei plutseleg sluttar å trene? Eller kan det hende at dei faktisk ikkje trena før dei blei gravid heller? Sånn bortsett frå "lage born-trim".
Det er jo kvardagskost for alle å berre få seg ein personleg trenar, vaskehjelp og ein au pair.
Kanskje greit å vere finansfrue då!
Kanskje burde ho som er finansfrue sjekke opp litt i statistikken for korleis den gjennomsnittlege nordmannen har det økonomisk. Ein er ikkje mykje smart om ein trur at alle har råd til desse føremonene som ho har. Viss det kan kallast føremon då?!
Å gå glipp av kvalitetstid med eit lite born som er under året av egoistiske årsaker......Så er det nett det. Egoistisk!!
Eg ville ikkje ha bytta bort tida i lag med Steffen som baby om eg så skulle få fleire millionar for det. Det er jo den herlagaste delen av livet!! (?)

For ei som ikkje treng å arbeide, kan det vere lett å kome med ei slik ytring om at alle burde gjere det same. Eg vil tru dei fleste har behov for å vere i yrke med mindre dei har ein luksusmann som før på seg. Til og med det kan vere riktig risikofylt av fleire årsaker (som eg ikkje skal kome innpå her).

Mange begynner i jobb igjen når permisjonen er over. Det er jeg glad jeg slipper. Jeg hadde ikke vært klar i det hele tatt.
Eg ser ikkje heilt logikken. Eg kan skjønne at ho ikkje vil i arbeid, for det er mange slike......Men eg kan då vitterleg ikkje skjønne at ho ikkje skal vere klar for det pga mammarollen. Ho vel jo å la ein au pair ta seg av bornet av di ho sjølv skal gjere det ho ønsker.
Om ho byrjer å arbeide, er det treningen det vil gå utover, slik eg ser det. Kanskje tar eg heilt feil.....

Med ein mann som ikkje liker å sjå menn som triller bornevogn........ Eg byrjer nesten å flire her eg sit.
Det er kanskje litt frekt av meg å "kritisere" eit anna menneske på denne måten. Vi har alle rett til å vere slik vi sjølv ønsker og vi har rett til å ha eigne meininger. Likevel, det er vanskeleg å ikkje bry seg.
Det er ikkje heilt slik at eg blir provosert, men det er i alle fall nokre antenner ute og går som seier at eg ikkje liker det eg les.
Så Marte Krogh.......... Beklagar om eg trør deg på tærne her, men eg syns du har ein total skivebom!!
Og kva haldning er det i 2013 når ein meiner at menn ikkje skal trille bornet sitt?? Det har jo ingenting med mandigheit å gjere. Ein mann er vel ikkje ein tøffelhelt om han tar vare på sitt eige born på andre måtar enn berre å bidra med pengar.
Godeste Jan, som han heiter - mannen til Marte, tar aldri og skifter bleier eller triller vogna.
Jaja........Det er forsåvidt hans tap!

Å ha vaskehjelp er ikkje noko unikt. Det er mange som har det. Eg har sjølv vore inne på tanken, men så vinn tanken som seier "Hallo, snask deg å vask sjølv!". Behovet er liksom ikkje heilt tilstades. Kvardagen min er ikkje så stressa at eg ikkje har tid til å vaske.

Ho seier at ho er privilegiert som får vere så mykje med dottera si nesten heile tida. Kva skal ho då med ein au pair?
Har ho ansatt ein au pair som berre skal jobbe ein time eller to om dagen? Det er vel ingen som seier ja til det, med mindre dei får betaling for full tid. Åja....... Eg gløymte jo det. Ho er jo styrtrik!!

All den tid eg har hatt ønske om å trene etter at blei mamma, så er det ikkje tida som ikkje har strukke til. Marte treng rett og slett berre ein mann som kan trø til og sjå etter bornet når ho trener. Det er vel ikkje så mykje forlanga? (Berre dersom bornet skiter på seg medan ho trenar.....Det kan jo by på problem!!)

Jaja, så lenge det er krig i verda, er det alltids noko viktigare å la seg provosere av enn at ei rikmannsfrue meiner alle skal gjere som ho.
Del litt av millionane dine med dei som treng det så skal du sjå....... Fleire i trening!!! :=)

Om eg no plutseleg skulle hamne midt i ein storby, med arbeid halve døgeret og mangel på bornehageplass medan eg arbeider, så skal eg vel alltids vurdere å få ein au pair. Det er ikkje det. Berre ikkje når eg er i mammapermisjon!

Hjelpes........ Kva er det jomfrua skriv??? Denne unge jomfrua har visst ikkje skjønna at det må ein baby til i biletet for at det skal vere nødvendig med ein au pair. Evig jomfru blir det ikkje born av, så ................
Nei, ingen born her i garden hverken i morgon eller dei neste 50 åra, så då er eg vel heldig då?? Som slepp å tenke på om eg treng au pair..........

Ha ein fortsatt fin kveld og sov godt når den tid innhentar dykk alle saman!

Hasta luego :=)

SDHT

Lykke.......

Lykke må vere å vite at det berre er 2.januar i dag og difor er motet mest sannsynleg på topp enno når det kjem til forsetter. Dei fleste har ikkje sprukke enno, men mange vil nok ikkje halde heile løpet. Det er slikt ein berre veit! Om det er av eiga erfaring eller ikkje, skal vere usagt.
Så spørs det om det er kos eller krav.

Det er ikkje av nyare dato at enkelte tar seg vatn over hovudet når dei inngår veddemål om kva dei skal klare det nye året. I alle fall om dei ikkje får veileiing ettrkvart.
Det er ikkje berre å tru at det er å hive seg på tredemølla og spurte i fem minuttar og løfte eit par vekter, så har kroppen starta nedtelling på fettlagringa si. Det måtte eg sjølv informere ein kar om i dag. At han heller burde gå hurtig og halde ut lenge. Ein halv time hurtig gange har sååååå mykje meir effekt enn 5 minutt med løping.
Ein må jo først venne kroppen til å vere i rørsle og så få opp uthaldenheita etterkvart........Så kan det jo hende at ein etter ikkje så alt for lang tid faktisk klarer å løpe den halvtimen som før var hurtig gange. (Eller at ein klarar å gå i ein heil time).

Sjølv har eg vore på tredemølla i dag. I tillegg til å twiste, sykle og masse andre aktivitetar. Ikke av di at eg har det som nyttårsforsett. Eg gjer det av di eg rett og slett syns det er herleg og no har eg endeleg sjansen til å gjere det. No når vi har fått denne fantastisk hallen!!
Det er det beste som har skjedd her det siste året. Utan tvil!
Berre i dag, den stunda eg var der, var det ti stykk og trena. Eg vil tru at dei fleste faktisk kjem litt seinare enn det eg var og det har sikkert vore fleire der tidlegare i dag.
Med andre ord er det mange som er riktig så motiverte til å trene i desse dagar. Nokon av di dei har nyttårsforsett, andre av di dei er motiverte av nyhallen og sikkert dei som ville ha trena uansett, berre at no kan dei gjere det inne.

Nett av di det er ein unik sjanse vi har fått, er det så synd at det er fleire som er så imot heile hallen. Det er greit at enkelte i utgongspunktet ikkje ønska ein hall, men når den no først er komen, er det berre teit og umodent å nekte å gå dit av prinsipp.
Eg blir berre trist når eg høyrer om dei som seier at dei aldri skal setje sin fot der!
Det blir som om ein er fjorten år att og i trassalder. Av og til er det lov å ta av seg hatten og legge unna stoltheita og rett og slett "nyte" at vi har eit slikt tilbod. Det er komen for å bli og kvifor ikkje utnytte det til det beste.
Eg skal ikkje kommentere det noko meir, men eg håper verkeleg at dei det gjeld kan klare å legge av seg staheita si, for det er ikkje anna enn teit. I alle fall treng ein ikkje gå rundt å rakke ned på det heile. Det blir for dumt. Vaksne folk treng ikkje å vise slike haldningar!!

Eg ønska ikkje straum på hytta, men vi fekk no det..Eg slutta ikkje å bruke hytta av den grunn...... 

Eg skreiv vel uttrykket "kos eller krav" lenger opp på sida. Eg vil tru at den beste effekten kjem om vi kan kose oss med det vi gjer. At treninga ikkje er eit krav, eit "must", men lystbetont.

Dette gir jeg blaffen i. I årets første utgåve av KK er det fleire som uttaler seg om kva dei gjer blaffen i. Ei av dei seier "Jeg stryker ikke skjorter". Det er ein setning som minnar meg om nokre damer eg kjenner som faktisk stryker alle kledene sine kvar gong dei er vaska. Himmel og hav, seier eg!! Den dagen eg orker å bruke energien min på å stryke alle trusene mine, t-skjortene, buksene......"you name it"........ Den dagen har jomfru Knutsen rett og slett fått eit alvorleg tilfelle av illebefinnende og ikkje blitt seg sjølv etterpå. Heilt seriøst!!
Joda, eg stryker. Det er ikkje det! Eg stryker i alle fall tre gonger i året. Kanskje fem om det er eit godt år!
Juleduker og gardiner, bunadsskjorte, kvitkjolen og elles dersom ei skjorte treng det når eg skal bruke ho. (Som regel treng ho ikkje strykes av den enkle grunn at ein treng berre å vite korleis ein tørker ho så ho ikkje blir skrukkete).
Nei, stakkars dei som slit over strykejernet kvar einaste uke. For meg blir det kalla "mani". Hahahaha...........

"Jeg sorterer ikke sokker". Hmm.......... Sikkert greit det om du har førti par likeeinse sokker. Litt verre om du faktisk har lyst å variere litt på korleis du ser ut på foten. Heller mange fargar og legge dei saman enn 40 par svarte sokker. (For svart er vel det einaste som fungerer til alt?)

Er det så galt å ha sex med mange når du er singel? Lene er stolt av sin seksuelle lidenskap. Tja, kva skal ein kommentere til det? Det er jo opp til kvar enkelt å ha ei meining om temaet. Det er sånn sett ingen som sit på noko fasitsvar. Eg vil likevel tru at det er fleire som har sterke meiningar om det og når dei les denne utgåva av bladet, kan det hende at dei føler seg litt provoserte av haldninga til denne kvinna.
Sjølv tenker eg ikkje så mykje over det. Eg ser det står om det i bladet og så skriv eg no berre litt om det.
Det betyr ikkje at eg ikkje har ei meining om spørsmålet som blir stilla. Eg er sjølvsagt klar på at det syns eg ikkje noko om. Singel eller ikkje.......Eg meiner ein ikkje skal legge seg ned og spreie beina i tide og utide. Det tar i såfall bort litt av "magien" i det heile om det er så vanleg at det ikkje blir noko spesielt når den rette dukkar opp.
Det er likevel viktig å poengtere at det er mi private meining og at den ikkje er skiten verdt i den store samanhengen. At eg meiner sex høyrer "kjærleiken" til, betyr absolutt ikkje at eg kan ha haldningar som seier at det motsatte er feil. Heldigvis!! Heldigvis er det ikkje slik som i fleire andre land at kvinnfolk ikkje kan ta den avgjerdsla sjølv. Eg bryr meg katta om kva "naboen" gjer eller ikkje og så håper eg "naboen" gjer seg katta i kva eg gjer.

Det er klart at når denne Lise (om det er det ho heiter - tvilsamt) seier at det sikkert er snakk om over hundre ulike menn,.................. Fire ulike menn på ei og same natt! (Heftig, ja, men dog ikkje ulovleg).
Det einaste spørsmålet eg sit att med etter å ha lest artikkelen er "Vil ho klare å slå seg til ro med ein og berre èin mann nokon gong?"
Eller......... Det blir feil å stille det slikt. Sanninga er at ho allereie har blitt sambuar med ein mann. Nett av den grunn vil ho vere anonym. Spørsmålet hallar kanskje meir mot det om ho vil klare seg med ein mann i lengden.
For all del, det er ikkje mi sak og eg vil ikkje vite det. Eg berre tenker det. Det er heilt ukomplisert!
Det er godt vi alle er ulike. :=)

Nei, no skal denne knetta slappe av før ho rundar av med romanen sin på sengekanten! Så då må alle ha ei god natt og lykke til med treninga i det nye året!

Hasta luego! :=)

MY

2013

Godt nytt år!! Eg håper alle har hatt ein fin nyttårsaften og at dag ein i det nye året er bra. Enkelte har kanskje tatt feiringa litt for langt og sørga for at denne dagen er litt verre enn ønskeleg, men sjølvgjort er velgjort!! Det kjem ein ny dag i morgon.

Sidan det er eit nytt år, kan eg jo starte med ei glad sak. Han godeste Hugh Hefner. Hugh Hefner (86) gift igjen. Fikk ja fra sin 60 år yngre kjæreste. Det er visst ikkje første gong det er gjort forsøk på bryllaup. Sist gong trakk brura seg fem dagar før vielsen. Kalde føter?? Kven kan forstå det? Ein aldersforskjell på 60 år? Ikkje ille det!!
No er dei i alle fall gift og det er ikkje alle forunt å gifte seg i Los Angeles. Kanskje mitt neste bryllaup må foregå der?? Hahhahahahahaha..............

Kva kan vel vere ein betre start på året enn å vakne og vite at nyttårsaftenen blei feira med brask og bram og med løfter om ei herleg framtid? (Spørs kor herleg den blir..........men det er heldigvis ikkje min sak).

Etter å ha lest litt ser eg at årsaka til at første forsøk blei avlyst, var at ho trengte meir tid. (Eitt åt vil det seie......) Dette året har ho brukt effektivt. Blant anna har ho gått ut og sagt at dei nesten ikkje har hatt sex og at dei få gongane det gjeld, så har det ikkje akkurat vore stimulerande!! Det er då eg seier "kor flott at ho har funne andre evner ho kan "elske" hos han då!!"
Eg skal ikkje seie at eg syns det er rart om det er andre årsaker enn pengar som ligg til grunn. Eg vel å vere så naiv at eg trur at det går an å finne kjærleik sjølv om aldersforskjellen er på heile 60 år. (Men syns sjølvsagt at det er litt...........) But, what the hell........ Det er jo første nyttårsdag og alle skal vere lykkeleg og nøgd! Så gratulerer!!(

Troms-mann som tenner på bleieporno tiltalt. Det er no mykje rart ein tenner på. Både i ok retning og i den litt meir bisarre. Akkurat denne karen fell nok under det siste!!

Det er amerikansk politi som slo til imot ein bornepornoring og i same samanhengen blei ein mann frå Balsford arrestert.
I avhør har han innrømma at han har "bleiefetisj", noko som materialet som er beslaglagt, avspeiler.

Det er ikkje kvar dag at FBI er innblanda i ein nordmann (eller? kanskje det faktisk er ganske vanleg?). Kva veit vel ung jomfru om eg?
Jaja, eg er i alle høve glad for at dei klarar å fakke slike som eg vil kalle for "scumbag". (I og med at han har tilstått, vil eg tru at eg ikkje går for langt når eg skriv det?!!)
Borneporno kvalifiserer til verre ord enn det!

Charlie Sheen i hardt vèr! Dere løgnaktige homserasshøl, hvordan går det? Som om at ein ikkje veit at dersom ein er kjendis, så går det ikkje upåakta hen om ein uttalar seg slikt...... Media vil alltids fange opp ein slik setning.

Kva gjer han for å "berge rævo si"?? Joda, han skuldar på talefeil! Hahahaha........Joda!
Det skulle vere "magott" og ikkje "fagott"............ Magott er ein fluelarve, for dei som lurar på det. Fagott kan dåke sikkert tenke dåke til sjølv.........Hint? Det han uttrykka i setningen sin.
Særleg..............

Derfor bør du stønne mer i senga. Det er visst mykje Dagbladet trur dei sit med kunnskapen til og som dei ser som særs viktig å lære oss om! Kanskje det vil bli fleire som "faker" stønninga no etter å ha lese artikkelen (om dei våger å opne den, då).

Er ein stille under samleiet, går ein glipp av mykje god sex! Årsak?? Joda, så enkelt som at om du stønner, skjønner partnaren at det er godt for deg og psykologisk påverker dette positivt.
Tja, partnaren må vel klare å sjå det om du nyter det i det stille også, vil eg tru?!
Går ein til sengs med nokon, trur eg at ein er såpass trygg på kvarandre at ein tør å snakke om det? (Kanskje eg tar feil.......)

Viss ein skal tenke på at ein må stønne under akta, ja då tar det vel bort litt av fokuset? Det må vel vere likare at det kjem av seg sjølv når ein føler seg klar for det?
Eg vil tru at dersom ein partnar oppdagar at kvinna (eller mannen) "faker" stønning, så vil det ikkje føles bra og litt av gnisten blir nok borte. (Trur eg!!)

Nei, eg trur ikkje folket treng avisene til å forklare seg korleis dei skal oppføre seg på det private plan. Eg er sikker på at dei fleste klarar å prate om det og gjere det beste utav det ut ifrå dei ulike ståsteda dei har.

Nei, no beveger jomfrua seg i retning av at ho byrjar å bli overtrøytt og skal tidleg opp i morgon! Så det er berre å ønske alle ei god natt! :=)

Hasta mañana!

IWALY






 

Så sit eg her. Det er under eit døger att av dette året. Klokka er bekka midnatt og neste kveld skal året feirast og vi skal inn eit nytt år som skal fyllast opp av det vi kan klare å fylle det med. Det er vel opp til oss sjølve kor godt året vil bli. Det som er sikkert, er at vi alle burde gjere vårt beste for at det skal bli det beste året "ever", sjølv om det er lite sannsynleg.
Når det no eingong er slik at 2012 vender nasen mot slutten, er det jo kanskje på tide å ta eit lite tilbakeblikk på kva som eigentleg har skjedd dette året.
Polistiske urolegheiter og krig, ja det hoppar eg glatt over. Etter å ha skumlest bloggen i all hast, har eg endt opp med nokre "få" punkt.

Det byrja med at eg spurte ein viss kar her i huset om kva det første han tenkte på var om eg sa 2012. Eg tenkte jo då at han ikkje skulle tenke, men berre seie det første som slo han. Fleirbrukshallen! Joda......... Det burde eg jo ha skjønna før eg i det heile spurte. Kva djusie ting kan eg få ut av det ordet, liksom?? Kanskje at eg ser for meg dei halvsvette og halvfeite menna som trener der i dei fagre helsetrøyene sine og får oss kvinnfolk til å dåne!!!!! Sukk <3 p="p">Neida, vi har vel ikkje sett nokre slike enno.... Hahahahaha...........

Litt småskuffa over førstevalet av ord han kom med, spurte eg om eit nytt. Landslaget speler god fotball att! Hahahaha......... Her er det snakk om full misforståelse. Hmm....Har han ikkje lest kva eg brukar å skrive?? Totalt skivebom, liksom..........

Nei, her var det berre å ta saka i eigne hender og rett og slett forstå at det er lov til å tenke sjølv.
Med massen som er oppi skrotten litt her og litt der, er det ikkje berre å fokusere på kva som har skjedd for noko så lenge som over ei uke sidan og i alle fall ikkje fleire månadar!! Hallo??!

Hausten. Den nydelege hausten vi har hatt. Kva har vore mest gjevande, mon tru?
Eg trur ikkje eg vil svare alle dei flotte fjellturane som hovudet tenkte det skulle delta på, men som berre slo til nokre få gonger.
Nei, det må rett og slett vere Fifty shades!! Hausten har jo bli lest opp. 1800 sider med halvporno, felles lesing med millionar av andre kvinnfolk på same tidspunkt.
Legg spesielt merke til at eg skreiv "halvporno". Hahahahahahaha............. Trur ikkje alle er einige med meg der. Dei ville nok trekt streken "a bit further". Thihihihi.......
Ei bok du definitivt bør lese når du er åleine og ikkje om du har ekteskapsproblemar.
Eg viser berre til at ho har sørga for skilsmisser og stor oppstandelse rundt om i verda. Så eitt eller anna må dei no ha lært.dei som har lese boka!! (Eg trur eg lar vere å nemne meg sjølv!!)

Så har vi vår alles kjære Justin!! Hysteri de luxe, spør du meg. Det er ikkje mange av jentene her som ikkje har vore forelska i han Justin i løpet av året. Justin med stoooor J. Bieber!!! 2012 er definitivt eit Bieberår.

Så fann eg jo ut no i desember at vi har fleire aqevittdrikkarar enn kyrkjegjengarar!! Ei viktig oppdatering, det. I alle høve syns media det, så då må det jo vere slik.
Helene Bu har møtt mange fantastiske mennesker (der må jo berre eg vere ein av dei!!!! Hehehehe..........) og ikkje minst det at eg har lært eit nytt ord i dag, faktisk, men som eg med god hjelp av min kjære "franske" ekskollega klarte å finne eit kanskje riktig svar på. Kven veit?? Ordet er i alle høve slabrajø.
Eg tvilar på at det er vits i å google det. Google har neppe oppdaga ordet enno........:=)

Levealderen har auka i løpet av året. Mon tru om det har noko med den der hunden som har lært seg å lukte seg fram til bakteriar på sjukehus å gjere (mest sånne der diarè-bakteriar). Kanskje han bergar liv??

Det viktigaste som skjedde i år, må jo berre vere jordas undergong!! Det fins vel ingen betre saker enn det. Og likevel evnar eg å sitje her og skrive, til trass for at jorda er gått til "fan.........". Hmm...... Kanskje det berre er denne unge jomfrua som ikkje har skjønna at jorda eksisterer enno? Ho er nok litt for godtruande.

Det nærmaste vi kom ein undergong, må vere "the missing winter". Ski blei bytta ut med fotballsko og ball.

Dessutan er det ikkje måte på kva ein kan lære seg om ein berre tar seg tid til å  lese nettavisene! Masse viktig stoff som går tapt om ein ikkje det gjer!! Definitivt! (Du ser vel ironien??)
Ta berre denne saka til dømes. Kvinnfolk er sprengkåte og skinnheilage. Hadde eg ikkje lest nettavisa, ja då ville eg aldri ha lært at dette er tilfelle. Ikkje eingong er det at eg kjenner meg sjølv nok til at eg skal forstå det utan at avisa fortel meg det.
2012 er verkeleg året der dei tar sakene heilt ut!!
I tillegg kan avisa fortelje oss at det er ein drill menn vil ha til jul. Ikkje snille og medgjørlege kjerringer, men ein drill. (Ergo fekk eg ikkje sjansen til å vere snill i år heller).

Michael Douglas er ein fantastisk kysser! Ei opplysning som for vanlege "dødelege" betyr enormt mykje. Spesielt av di vi veit at vi får sjansen til å teste det ut. Like sannsynleg som at eit hodeplagg kan sjå sensuelt ut på hovudet til denne frøkena.

2012 er også året der jomfru Knutsen faktisk innrømte at ho var litt sentimental. Det blir nok ikkje å skje igjen, så det er jo ein milepæl.......
Årets heldiggris blei Odd Eriksen som i følge May Valle har hatt intim kontakt med alle på Fylkestinget. Sprek mann!!

Året har bestått av mykje tidtrøyte, der Waiting on a sunny day aldri har vore langt unna. Jomfrua har vore så roleg at ho er blitt omdøypt til Milde Jesus av korpsets eiga "mor".
Ord som vellydande ubehag har fått inntog i avisa som om det faktisk betyr noko. Den dag i dag ser eg ikkje heilt kva det kan bety, men det har i alle fall versert på nettet dette året og då må det jo vere noko med det.

Det eg ikkje gløymer, sjølv om det er over ei uke sidan, er elgjakta som nesten tok drepen på meg! Takk til Tyson for at han trimma meg meir enn kva som burde gå an!! Kanskje det var han "far" sjølv som sat der oppe og glodde ned på verda og hadde lyst å gjere eit lite sprell mot dattera for å få seg ein god latter?! :=)

Fiskelykka som avslørte det vanvittig dårlege "haillet"!! Skitfiske kan det kallast.............Det hjalp heller ikkje på at AP oppfordra oss alle til å bruke helgene til å lage born. Eg trur ikkje heilt vi forstod korleis det går seg til?!!

Blondina frå Bardu som bekka 40 og ikkje fekk den forventa krisa. Bortsett frå at å danse på bordet for 50 andre vaksne kanskje kan kallast for ei lita krise av di det er eit desperat rop om eit ønske om å vere ung?? (Hmmm.......Kva gjer eg om ho ikkje dansa på bordet?? Då tar ho vel livet av meg etter dette! Thihihihi........ Vær så god, blonde "nabo").

Liverpoll-supporterne har definitivt vore nokre sutrehøner i år. Facebook har bugna over av kommentarar som rett og slett betyr at dei sutrar!! Stakkars........men det kjem alltid ein ny vår! Hahahaha........ (Dei vann jo i dag, då.... Årets siste kamp, så det fins håp i hengande snøre.)

OG tenk....... Eg har faktisk ikkje nemnt George Clooney enno!!

All energien som blei brukt for å finne ut kva ein pessknyting er. Eit ord ein kan gjere mykje ugagn med om ein vil.
Når ein er innom temaet pessknyting, kan ein jo berre ta å vandre over til at det er mindre testosteron hos norske menn og at enkelte menn faktisk har grunn til å sutre. (Ein setning som sluttar med noko denne jomfrua aldri meir blir å innrømme).
Ellers er dette året då sædkrisa er over (utan at det skal drøftast noko nærare) og det skjedde at eit kvinnfolk var forsvunnen og dreiv og leitte etter seg sjølv. (Årets beste?)

Då eg nemnte det med at menn burde ønske seg hyggelegare kjerringer i jula, burde eg jo også ha nemnt følgande. Det er no eingong slik at vi på vårparten må levere denne her artige sjølvmeldinga vår. 2012 er ikkje noko unntak når det gjeld å søke om fridrag frå enkelte litt sære ting. Kjipt å vere mann og få avslag på søknaden om å få fradrag for "troillåt" kjerring.

Eg har også lært at det er heilt normalt å pynte stua si med ein sykkel hengande på veggen eller i taket. Jepp, slik er det faktisk! Det stod i Vg, tidlegare i år, så då går eg sterkt ut ifrå at det er tilfelle. Ergo er det berre eg som er litt sær og har den i garasjen no om vinteren.

Det var vel i haust at det stod at katter kan gå på do som oss mennesker?! Heilt klart genialt at vi skal dele toaletta våre med kattene. Eg skal ikkje utdjupe det noko meir, så viss du lurar på kva det gjeld, er det berre å lese frå litt tidleg i haust, så finn du saka der. :=)
Katter skal gå på do og hunder skal skyte eigarane sine. I alle høve var det ein hundeeigar som blei skutt av nettopp hunden sin. I 2012 går alt an.

Så var vel planen at eg skulle skrive nei til underarmspels, men kanskje 2013 blir det året der barbering er "ut" og masse hår under armane på kvinnfolka blir kalla sexy!!! Hahahahaha....... Aldri om eg kjem til å følge den moten i såfall!!

Så lurer eg kanskje på kor det er blitt av regnet som Iran sine fiendar stjal her tidlegare. Det er i alle fall det avisene påstår. Stjele regnet er vel ikkje umogleg?

Nei, 2012 har sikkert vore innhaldsrikt, både på godt og vondt. Det er kanskje likevel viktig at vi heng oss meir opp i det positive enn det negative, så kanskje er vi så heldige at det komande året blir "flott".

Uansett korleis du har hatt det det siste året, ønsker eg deg eit godt nytt år med berre forbetringer av alt livet byr på. Før den tid må du nok sove denne natta og leve morgondagen (som allereie er påbyrja). Måtte hell og lykke deg alltid........ jajajajajajajaja..........Eg skal ikkje overdrive!! Eg klarte berre ikkje å dy meg. :=)
Ha i alle fall ei god natt no!!

Hasta luego!!

IWALY!!

Ein heilmaks kveld der eg har konstantert at dersom eg skal delta på quiz i ein eller annan samanheng, ja då skal eg ta med meg sonen min på åtte og eit halvt! Ikkje nødvendigvis av di han er så ufatteleg smart, men av di han har evna til å tippe så grasalt riktig.......
Kor mange bein består skjelletet til ein baby av? "Det trur æ må vær 300!"  Hmm........... Eit lite blikk i boka for å sjekke svaret..........Hmmmm, på nytt. Shit, der er jo riktig!!
Korfor er vi avhengige av strupehodet? "For å snakke." ......Vel, litt logisk svar, kanskje, men det er visst du er vaksen. Ikkje så logisk at ein åtteåring skal svare det!
Kor mange millioner lungeblærer har vi i lungene våre? Dette er jo eit spørsmål ingen av oss veit svaret på?! "Mamma, æ trur det e 300!" 
Unnskyld språket, men faen!! Det er pinadø meg rett!! Det er no eg starter med å flire......Flire så tårene triller. Det skal ikkje vere mogleg.

Kor mange cm i sekundet  straumer blodet gjennom hovudpulsåra? "Tja, æ tippa 30!"  Er det vits i å sjekke??.......... Svaret er pinadø rett!
Søstra sa berre "Kan du still nån spørsmål som ikkje innehoill nåkka tall??"

Korsen farge har blodet?  Hahahahahaha..,......... Gud kor eg skulle ønske det var eit lurespørsmål!!!

Kor mange tenner har vi som vaksne? "32!! Æ veit at det er 32!! Ikkje sant??"
Og vips der var boka om kroppen klappa saman.

Med ein som som er glad i å lese, passa det jo perfekt med ei julegåve som inneheldt ei bok om kroppen. "Mamma, då kan jo vi læs boka og så kan vi still de ainner en masse spørsmål!!"
Han har ikkje lese boka enno, så det er ikkje "husken" som gjorde at han svara rett på så mykje. Rein tipping!!
No søv ein overtrøytt unge og "alle" vi andre får ei litt rolegare stund.

Væpnet ran av daligvarebutikk i Oslo, I det humøret jomfru Knutsen er i no, ja då skal det ikkje meir til før ho får spunk i hovudnerven!! Ein daglegvarebutikk gjer vel ikkje eit væpna ran???? Eg berre elsker norske journalistar!!! Smask!!!

Brukerne straffer instagram. Jaja.....skjær no alle over ein og same kam! Eg straffar dei ikkje...... Eg brukar instagram i alle fal EIN gong kvar fjerde månad eller noko slikt...... Hahhahahahahaha........ Jaja, det betyr jo at eg er brukar (sjølv om det ikkje er i så stor grad?!!Eg har det i alle høve nedlasta på mobilen.)

Kvinne arrestert for å dytte mann foran toget. Hahahahaha........Når eit kvinnfolk endeleg tar til vit, så blir ho arrestert???
Obs......No skal visst jomfrua passe seg her........ Kva kan ho ha fått i seg når ho viser slike haldningar?? Hehehehe.........Det seier ho aldri!! (Måtte bruke "hehehehehehe." for "hahahahaha" er litt oppbrukt".......)

Syr klær til Hennes & Maurits - til de besvimer. Hmm....... Er klærne så fine at H&M besvimer av di dei er så imponert?? Thijhihih-......
Kanskje ikkje eit tema å spøke med?!!  (Men i og med at det er forskjell på kor smart vi alle er, så trur eg at kanskje 12 % vil feiltolke overskrifta).

Selger Bieber-børster til dobbel pris. Ja, det er i alle høve ikkje til meg dei blir solgt. Viss han Justin B. ønsker at eg skal bruke børsten "hans", så er det jaggu meg ikkje meir rett enn rimeleg at han betaler meg for å gjere det. At eg skal betale dobbel pris for nok eg kan kjøpe på Cubus til ein femtedel av prisen???? Hallo??????
(No skal det seiast at eg ikkje brukar børste. Det er sikkert minst 10 år sidan det gjekk ein børste gjennom håret mitt! Aldri flokete, med andre ord!!)

At Bieber skal vere så gnien, har ført til at eg no har leita fram potetgullposen og noko godt i glaset, slik at eg kan legge litt til på sidebeina så eg blir litt meir attraktiv for denne flotte ungguten. :=)

Undersøker om svineinfluensa har blitt farligere. Vel, kva kan vel vere farlegare enn dauden?? Ikkje veit eg, så eg ventar i spaning på svaret.

Sånn eigentleg meiner eg at det burde vore ein eigen pris for "beste" overskrift. Det er jo Amandapris, Spelemannspris, Nobels fredspris, Egebergs ærespris......... Kvifor ikkje hedre journalistane som er så geniale at dei sporar oss på ville vegar??
Språk er sikkert ikkje så viktig......

Ha ei fantastisk bra natt! :=)
Sov godt!!

Hasta mañana!

IWALY A YKI



 

Tror død spion låste seg inne i sportsbag. Jaja, dyktig var han! Viss eg hadde vore daud, tvilar eg på at eg hadde klart å gjere det same...........
Dårleg journalistikk på ny!!

Tror levealderen vil øke radikalt. Ja, det trur eg også. Om det er så bra eller ikkje, kjem heilt an på. No har forsåvidt levealderen auka jamnt og trutt leeeenge.
Dersom ein får vere frisk oppe blant dei små grå, er det sikkert fint å leve lenge. Om ein klarar å følgje med på det verda har å tilby, vil eg tru at det er fint å leve. Så kan ein jo samtidig diskutere om dette gjeld dei som har familie i nærleiken eller om det gjeld alle. Eg vil tru at det er håplaust å gje noko fasitsvar på det.....

Dersom ein aldrande mann eller kvinne blir senil, får altzheimer eller liknande. Kven er det verst for? Er det vedkommande som knapt nok veit noko om dei rundt seg, eller er det dei som er etterkommarar som syns det er vanskeleg at til dømes faren ikkje kjenner dei att? Kven syns vi synd på?
I mange tilfeller syns eg synd på begge "endane". No spørs det sjølvsagt i kva grad kvar enkelt er råka, men eg tenker jo aller helst på dei som er hardt angripen.
Når vi ikkje veit kva den "sjuke" får med seg eller ikkje............. Ikkje så lett å vite kva ein skal tenke då.
Når foreldre blir eldre, er det klart at borna skal stille opp. Det meiner i alle fall eg. I den grad det lar seg gjere sjølvsagt. Er du etablert i Oslo og har foreldre i Hammerfest, ja då seier det seg sjølv at det ikkje er lett. Det er ikkje berre berre å få ein heil familie til å flytte, heilt sånn utan vidare. Likevel, det finst dei som ikkje bryr seg og ikkje stiller opp sjølv om dei bur berre få hundre meter unna.

Så skjer det at enkelte faktisk når ein alder som vi idag syns er heilt utroleg. Alderen tilseier at det ikkje er mogleg å klares eg sjølv heime. I alle fall ikkje utan tilsyn titt og ofte.
Sjølv om mange då vel å stikke innom fleire gonger pr dag av di dei meiner at foreldra fortener det, er det faktisk slitsomt i lengden. Ikkje det at ein besøker dei. Eg vil tru at dei fleste syns det er hyggeleg å besøke sine eigne foreldre.......... Det er slitsamt i lengden av di psyken veit at ein er der så ofte av di ein "må". Ikkje av di ein berre stikk innom for gøy. Dei veit at det er heilt nødvendig at dei møter opp. Dei kan ikkje berre ein dag tenke at "Nei, ikkje i dag. I dag vil eg gjere noko anna".

Heilt til at både "born" og/eller foreldre blir mentalt innstilt på at det er på tide å flytte. Anten til ein omsorgsbolig eller på sjukeheimen.
Sjølv om ein klarar seg delvis sjølv i ein omsorgsbolig og at ein har tilsyn med jamne mellomrom, trur eg likevel mange vel å besøke foreldra sine kvar dag. Anten at dei gjer det sjølv , eller at dei avtalar med nokre andre i familien.
Eg skjønner det godt!! Vi veit jo ikkje kor lenge vi har dei........ Joda, levealderen går opp, den, men det gjeld nok ikkje alle.

Kven er det som sørgar for at levealderen går opp? Dei mentalt friske, eller dei som ikkje er det? Det er jo litt vesentleg for saka, det også. Jo fleire som ikkje er mentalt friske, jo fleire pleiarar vil det vere behov for i framtida.
Statistisk sett så er det vel ikkje så lovande på det området. Dessutan har det jo vore ei ganske radikal haldningsendring frå det å vere ungdom før og no.
Ikkje for å vere frekk, men eg er litt meir bekymra for kven det er som skal ta vare på oss når vi blir gamle enn dei som er gamle no.

Eg vil tru at dei aller fleste syns det er vondt når plutseleg av av dei ein har kjær byrjar å gløyme. Gløyme kven sine eigne er. Det er nok alltid sårt.
Enkelte vil nok svare at det ikkje er noko å bry seg om for det er berre naturens gong, berre slik det er . At den "sjuke" ikkje er klar over det sjølv og at det av den grunn ikkje gjer noko.
Sjølvsagt gjer det noko. Det er vel "ingen" som syns det er noko særleg at sin eigen far eller mor ikkje kjenner deg att?
Hadde ikkje far min kjent meg dei siste dagane han levde, ja då trur eg at eg ville fått problemar med å takle det. Eg trur eg ville slitt med det den dag i dag.
Dei fleste er glad i foreldra sine og det er spesielt når dei blir eldre og plutseleg er dei som treng hjelp.

Om ein snakkar med folk som er i nett slike situasjonar, trur eg ein skal vere litt forsiktig med kva ein seier. For før ein veit ordet av det, har ein faktisk sagt noko som sårer den andre. Vi veit ikkje korleis kvar enkelt reagerer på at dei eldre ikkje lenger er "normal" og alle må få lov til å føle det dei vil utan at utanforståande skal fortelje dei at dei ikkje treng å vere "lei seg" eller ikkje.
Ein skal heller lytte til det dei har å seie og heller berre vise støtte, uansett kva dei seier. Syns dei at ting er vanskeleg, har dei nok meir behov for at folk viser at dei forstår enn at dei skal høyre at dette er heilt vanleg, så ikkje bry deg om det. Det er sårt når forledre "svinner hen"...........Uansett kor gamal dei blir.

Sjølv var eg ikkje så heldig at eg fekk ha far min så lenge. Han blei berre 63 år. Eg var/er så heldig at eg budde/bur i same bygda som han. De gjorde at eg kunne besøke han kvar dag. Det gjorde at eg kunne vere med han døgeret rundt den siste levetida hans. Vi aller næraste fekk sjå kampen han sleit, noko som gjorde svært vondt å vere vitne til. Likevel, det føles så enormt giodt å vite at ein faktisk var der. "To the bitter end".
Heldigvis kjente han meg heile tida!!

Far min er ikkje den einaste som har døydd ung her i bygda i løpet av dei siste åra. Om eg går på kyrkjegarden, der han ligg, så er det ein stor prosent andel med folk på hans alder (eller yngre for den saks skuld).
Mi oppfatning er at det er fleire og fleire som blir sjuke. Ja, det er fleire og fleire som berges av medisinar, men kva hjelper det når antalet sjuke også aukar.
Pga den hersens kreften, døyr mange i ein alder vi enno kan kalle ung. Difor lurar eg på om desse menneska er tatt med i statistikken når dei prøver å finne forventa levealder.
Dei seier jo at levealderen stig......... Kva betyr eigentleg det? Betyr det at det gjeld dei som ikkje blir sjuk.....at dei kan forvente å leve lenger? Eller er det faktisk heilt generelt? At det i utgongspunktet gjeld om dei tar med dei sjuke i utrekningane sine.....

Joda, levealderen må berre auke, men eg håper det er nok folk til å ta seg av dei eldre om nokre år. Det er ikkje overflod av arbeidskrefter innen dette yrket.
Med det meiner eg ikkje at eg ikkje vil at folk skal leve lenge....tvert imot, men kor bra vil dei eldre få det om det ikkje er nokon der til å ta seg av dei?

Noko av det trivlegaste eg veit, er faktisk å snakke med eldre. Dei sit med så mykje kunnskap og historie som vi unge ikkje har noko peiling på. Lokalhistorie til dømes........Og ikkje minst det at dei faktisk set stor pris på ein gidd å ta seg tid til ein samtale! Vi er nok altfor lite flinke til nett det!

Hasta luego:=)

IWALY
 

Håper jeg kan få både mann og barn i 2013. Partileiar Siv Jensen har blitt intervjua og ho har vore ganske "åpenhjertig".
Som overskrifta seier, ønsker ho seg både mann og born. At begge deler skal dukke opp i 2013 er vel kanskje litt........ I følge ho sjølv, er ho singel og skal ho rekke å få born med en mann i løpet av 2013 så må han dukke opp rimeleg raskt og så må dei stort sett hive seg rundt i halmen med det første!!
Så spørs det om ikkje det berre er journalisten som har vridd litt på det ho har sagt og endt opp med akkurat denne overskrifta. Rimeleg sannsynleg........

Siv Jensen er ikkje eit kvinnfolk med haldningar utad som eg identifiserer meg med. Likevel, etter å ha lese denne artikkelen om ho, må eg seie at det er mykje ved ho som vi andre aldri får sjå og som vi aldri ville trudd om det ikkje er av di ho seier det sjølv.
Eigentleg trur eg ho er ei veldig sympatisk dame!

Ho er jo på lik line med oss andre "berre eit menneske". Likevel må ho tole ein heil del mykje meir enn oss andre "dødelige". Som partileiar er ho ganske utsatt for både sjikane og andre ubehagelegheiter. Ikkje all kritikk som dukkar opp i løpet av ei politisk karriere er konstruktiv. Mange har jo (som dei aller fleste veit) ein tendens til å synke ganske langt ned når dei argumenterer for sine syn. Av og til er ting påeit slikt lavmål at det berre er synd å vere vitne til det.
Umodenskap kan kanskje vere eit ord ein kan bruke om slikt. Uansett, dette er kvardagen for dei framste i landet og det kan umogleg vere like lett alltid.
Eg som likar positivitet rundt meg kunne aldri ha tenkt å utsetje meg for slikt frivillig. Bli kasta til ulvane, liksom.

Utad virker Siv Jensen ganske hard, til tider, men det er kanskje ein måte å byggje opp ein mur på for å hindre at alt skal trenge inn.
Den siste tida har ho brukt til å reflektere eindel over livet sitt. Det har jo kosta eindel å vere den ho er. Ho saknar jo det å ha ein mann. (Ikkje det at ein kan garantere at ho hadde hatt ein om ho var mindre aktiv).
Ho er 43 år no og då betyr det at den biologiske klokka tikkar rimeleg kjapt. Sjansen for å bli gravid minkar jo etterkvart som alderen aukar. Det er no eingong slik at naturen set sine grenser. Det ër ikkje så mykje vi kan gjere for å endre det.

Neste år skal ho, ilag med dei andre partileiarane, kjempe om å få Stoltenberg fjerna. Det håper eg vitterleg ikkje skjer, men det gjenstår å sjå.
Det betyr at det er eit ganske "heftig" år ho har framfor seg samtidig som ho ønsker å stifte familie. Sikkert ingen lett kombinasjon.
Ho ønsker ikkje å bli åleinemor, noko som er forbunden med ganske stor risiko om ho skal bli mor dette første året. Det er jo trass alt tidleg å få born det første året ein er i lag, men gudane skal vite at det har gått bra med mange. Viss det er "ment to be".

Siv Jensen seier sjølv at ho har hatt fleire kjærestar. Dei fleste har "stukket av" av di dei ikkje taklar det presset som følgjer av den rolla ho har. Eigentleg litt forståeleg, men samtidig litt synd.
Det er nok ikkje så kult å heile tida vere eit offer for mediaverda. "Mannen til Siv" må nok vere litt av eit mannfolkemne!
Det har alltid vore ei viss form for interesse for Jensens privatliv, som om det er så stort om ho "dater" eller ikkje. Enkelte gonger har sikkert enkelte blitt plukka ut av media til å vere kjæresten hennar utan at det stemmer i det heile. (Det er slik verda fungerer i dag).
At Siv Jensen kanskje blir lei seg av slikt, reflekteres sikkert ikkje mykje over.

Kven veit vel at Jensen har si kristne tro? Eg tippar det er mange som ikkje kan tenke seg til det om dei ikkje får det fortalt. Det er faktisk slik at ho er truande.
Sjølv om ho ikkje renn kyrkjedørene ned, finn ho mykje trøyst i trua si. Aftenbøn er ikkje noko ¨som sjeldan høyrer med i livet hennar. Det er meir regelen enn unntaket.

No er eg rimeleg sikker på at ein stor andel av folket vil påstå at denne artikkel kun er eit spel i den polistiske verda. Det er valgkamp snart og dette er eit ledd i det å få Siv Jensen til å virke mjuk overfor folket.
Etter å ha lest enkelte av kommentarane under artikkelen, kan det virke som at enkelte meiner at ho prøver å få sympati hos Krf-sympatisørene, slik at Frp kan framstå som mer spiseleg.
Eg veit i alle fall ikkje kva som er sant, men om det skal vere slik kvar gong det er noko "fint" om Siv Jensen, så kan ho jo aldri uttale seg om noko som er så menneskeleg som det ho gjorde i denne artikkelen.
Det kan virke som at enkelte trur at Jensen ikkje kan vere "åpenhjertig" utan at det ligg noko politisk bak. Trist.........(at enkelte ikkje veit betre enn å berre tenke slik).

Denne artikkelen er ganske personleg, så mi private meining er at den aldri burde ha vore opna for kommentarar. Nett av di vi veit at enkelte kan gå litt langt i sine ytringar og samtidig påstår at dei ikkje seier meir enn det ho burde tole av di ho er ein offentleg person. At det ikkje er meir enn ho kan forvente.
Ergo betyr det vel at dei meiner at politikarar skal vere "stålmenn".

Eg har prøvd å vere forsiktig med kva eg har skrive her. Difor håper eg at eg har klart å vere konstruktiv og ikkje dømmande på noko måte. Det har i alle fall ikkje vore intensjonen min.
Eg er ingen tilhengjar av Siv Jensen, men ho fortener nok betre omtale enn det ho får, mange gonger. Privatpersonen Siv er nok langt ifrå den same som politikaren Siv Jensen.

Andre klagar på at det i det heile er tatt med som sak i ei avis. Dei meiner at det heller høyrer heime i "Se og Hør" osv.... Vel, no er det eingong slik at på ei nettavis, trykker du på dei sakene du ønsker å lese. Vi du ikkje lese ein privat tekst om Siv Jensen......Kvifor gjer du det, då?? Ingen logikk bak det, liksom. (For å kommentere saka, må ein jo lese ho først. Ergo har ein jo sjølv valgt å plukke ut ei sak som ein meiner ikkje høyrer heime i ei avis. Forstå det den som kan!)

Eg syns eigentleg at det er litt koseleg med ei slik sak. Det er så mykje negativitet i nyheitsbiletet med drap, valdtekter, krig og anna elende. Det er fint med nokre saker som mjuker det litt opp.
Om det er eit politisk spel eller ikkje.....Eg gjer meg no katta. Eg las det, fekk sympati med Siv, men stemmer likevel på Jens.
Om Siv ønsker seg mann og born......Ja, då håper eg ho er så heldig at ho får det!! :=)