I morgon er det kvinnedagen og denne knetta har namnedag. Om det er tilfeldig at dei valde eit namn som hamna på nett denne dagen, eller ikkje, skal vere usagt, men "kult" er det likevel.
Ikkje det at eg er slik ei kvinnesakskvinne………..

Årets 8.mai blir litt spesiell av di mange kjem til å ha fokus på reservasjonsretten. Litt teit, spør du meg, for reservasjonen handlar om noko heilt anna. Den handlar om legar. Kvinnene blir berre eit ledd i det heile ved at dei må oppsøke ein annan lege om det blir aktuelt. Reservasjonsretten handlar ikkje direkte om kvinnene. Ergo er det vel ikkje akkurat noko kampsak til kvinnedagen. Då trur eg heller eg vil foreslå noko som til dømes vald mot kvinnfolk. Undertrykking……….
Det er mange som aldri har engasjert seg i menneskerettigheitene til kvinner og no plutseleg skal dei plutseleg engasjere seg i ei slik sak som går på legar sitt samvit. Det blir eigentleg mest berre pinleg. Verda har så mange viktigare saker å fronte. I denne saka er det jo ikkje snakkom å frata nokon ein einaste rettigheit.

Er det sant at kvinner kan mindre om økonomi enn mannfolk? Jomfru har tatt testen! Eg måtte jo finne ut kva "fasiten" seier til det spørsmålet….
1) Hva er kasko? Her ligger menna urpittelitt foran kvinnene. Dog før denne knetta har svara. :)
Eg svarte at den dekker all forsikring på bil - eigen bil sjølvsagt (noko eg trur stemmer…).
Sanninga er at i det eg oppdaga at første spørsmålet omhandla bil, tenkte eg at dette er berre "crap". Eg tok likevel resten av testen. Ikkje like ivrig som ein råne, men meir som ein daukøyrt bil! Hahahaha…..

Ha!! Eg fekk berre EIN feil av alle spørsmåla og den feilen hadde eit svaralternativ som omhandla bil. Alle veit at eg ikkje kan bil, så då kan eg skryte på meg økonomiske kunnskapar! Jippi!
Likevel, sanninga er at kvinner kun (foreløpig) ligg over menn i to av spørsmåla. Resten leiar menna i. (Dog berre med eit lite prosentpoeng eller to…) At menn leiar, er vel ikkje noko ein skal snakke høgt om, så difor skal eg ikkje avsløre det her heller!

Menn visa kvinner. Det stikk djupt før ein vil seie at menn veit best. Djupt! Når ein på tv kan sjå at Dag Otto og Kristian sit og spis softis i ein karusell, så seier det litt. Er det rart vi ikkje vil innrømme at menn er smartare enn oss?
Eg tvilar på at eit kvinnfolk ville tatt utfordringa med å spise softis i ein slik situasjon. Årsaka er veldig enklel å forklare. Eit kvinnfolk veit konsekvensane av det på førehand og skjønner sitt eiga beste. Menn  er litt meir lettlurt og antar at det faktisk går an å overleve ein slik tur utan å spy. (Det seier litt…..) Det heiter ikkje spykoppar for ingenting.

Menn vegrer seg for å gifte seg. Hahahahaha…..Forstå det det den som kan! Thihiihi……. Lykken i livet, liksom?! Faktisk er det ikkje ein myte at menn vegrer seg meir enn kvinner. Det er beinharde fakta. Forpliktelsesvegring er kanskje eit dekkande ord? Eller……?

Menn er meir redd for å gifte seg med feil person enn å ikkje ende opp gift. Med andre ord er det ikkje sjølve ekteskapet som fryktes………..men frykta for feil person.
Single menn skyr skilsmisser som pesten. Så det er ikkje det at det er noko galt med ein mann om han forblir ugift. Han har berre ikkje gitt etter for presset. Presset………. Eg venta eigentleg på den. For det er sikkert mange menn som er gift av di dei har følt seg sosialt pressa til å gjere det. At det forventes.
Dessutan, viss du har ei kjerring som ønsker å gifte seg, er det nok ikkje lett å seie at det ikkje blir aktuelt. For gudane skalvite at det ikkje er greit å forutsjå korleis ho vil reagere på det. (Alt etter om ho er ei drama-queen eller ikkje…)
Andre menn held seg unna "kjøttmarkedet" av di dei har lite pengar og føler dei har lite å tilby. (Det er nok noko i det at menn ønsker å vere den som passar på og tar vare på kjerringa si.)
(No blir eg vel hudfletta for å kalle kvinner for eit kjøttmarked, men det skit eg i. Litt sjølvironi må vi klare å hoste opp.)

Heile fire av ti menn vil ikkje bli far. Tre er usikre og tre vil ha. Det seier litt. I alle fall om ein tenker litt etter. Viss du tenker på alle dei menneska rundt deg som du kjenner……Kor mange av dei er eignetleg bornlause? Dei færraste…..Så det er nok enkelte som har gjeve etter for "presset".
Berre så det er sagt, kan statistikk underbygge alle påstandane mine.
Så er det heller ikkje sikkert at alle er blitt fedre heilt "frivillig". Deltakinga under øvinga var sikkert meir enn frivillig og absolutt ikkje under press, det er berre resultatet som ikkje blei som forventa. EIt par drinkar for mykje og vips 18 år ed bidrag. Dei tilfella er sjølvsagt også med i tala . Fedre er fedre….uansett om dei er tilstades eller ikkje. Frivillig eller ei.

Så vil du finne draumeprinsen…….? (Og då tenker eg ikkje på Clooney,men meir normale folk….Thihihi……)
Då må du nok kysse fleire froskar! Definitivt. Du må nok prøve deg på både vals, cha-cha og disco før du hiv deg utt i tangoen. (Er ikkje tangoen det store, liksom??)
Med andre ord varmar du opp med Brad Pitt før du ender opp med Johnny Depp (eller noko i den dur).
Hmm…….at det kan kome så mykje rølp ut av så lite…….Jaja….Det er jo "freddan"! Kanskje jomfrua keier seg litt.
Eg ser på Senkveld, sånn eigentleg, men eg har ikkje fått med meg meir enn ein liten brøkdel.

Draumemannen ringer deg!! Han lar deg ikkje sitte der og vente på telefon……
Han viser den myke sida av seg sjølv for deg.
Han er eldre enn deg og har blitt komfortabel med seg sjølv. Og det beste……Han er ikkje for seint ute av di han har spelt playstation!!
Så får han deg i godt humør!

Jaujau…… Sånn går no dagane. I morgon er det visst ein ny dag. Om eg ikkje tar heilt feil, har eg eit par runder på tredemølleforan meg då….. Er det det dei kallar god folkehelse? Uansett….først er det ei god natt svevn som ventar (dog ikkje heilt enno). Ha ein fortsatt fin fredagskveld!

Hasta mañana!

IWALY!!!

Eg har vore ute og jogga meg ein tur. Det som er sikkert og visst, er at i dag var føtene blytunge! Verkeleg! Det var berre eit slit å flytte fot foran fot, men då må ein jo berre stålsette seg og bite det i seg. Så det blei no likevel ein bra tur. Berre så synd at denne gongen hadde eg ingen turkamerat. Eg såg etter rådyrvenen min då eg nærma meg området vi møttest sist, men dyret var borte vekk. Det har sikkert funne seg ein meir spanande ven enn meg å vere med…..

Dagen i dag har vore litt interessant. Det vil seie formiddagen. Det er jo slik at ungdomen skal lære seg å drøfte saker, og kva er vel då betre enn å drøfte noko som engasjerer dei? Bilar!! Det er vel ingen her som har betre peiling på bilar enn nett dei. Det er det dei lev og andar for, så då blei det bilar.
Utgongspunktet blei tatt i ei setning eg skreiv her inne i går. Den gjekk ut på ei samanlikning mellom "daukjørt kropp" og daukjørt bil.
Eg har sjølvsagt mi meining om kva daukjørt bil er, og eg trur den var sånn høveleg lik det professoren som tok det for seg meinte også. Så drøfta vi idag og eg fekk meg ei aha-oppleving! Ungdomen har ei heeeeeilt anna oppfatning av kva ein daukjørt bil er, og dei argumenterer med ein stil som får deira versjon til å verke logisk. Det til trass for at eg eigentleg meiner det same som i går og at det er litt vanskeleg å forstå at det mest sannsynleg er slik ungdomen seier.

Daukjørt bil……….. I går tenkte eg at det er ein bil som ikkje har meir å gje. Ein bil som verkeleg har gjort jobben sin og kanskje levd litt for hardt, til og med……
NEI, seier ungdomen!! Det stemmer ikkje! Ein daukjørt bil har aldri hatt høgt turtal. Ein har aldri trødd hardt på gassen. Er bilen daukjørt, har du mest sannsynleg ikkje gjort anna enn å "loda". Loda???? Enno eit nytt begrep for denne jomfrua.
Joda, etter kvart som dei forklarer, skjønner eg at dei snakkar om å råne! Men neida, der tar eg feil på ny. Å råne er slett ikkje det same som å lode.

Eg har alltid høyrt at Notodden er den "største" rånebyen i landet vårt. Med eigne auge har eg sett at dei køyrer opp og ned gatene der. Dog ikkje med særleg høgt turtal, så ergo tenker eg at å råne er det same som å køyre sakte att om fram og att og fram……
Nei, det er visst å lode det. Å råne er noko heilt anna. Råning er spoilere (?), terningar, lydpotte, turtal.
Lode er berre "å sige", medan råne er det motsatte. Då trør du hardt på gassen, spinner og kanskje "herjer" litt.
Jaggu meg ta, der lærte eg noko nytt. (Av bilekspertane, så då stemmer det vel…)

Kva er eigentleg ein råne? Jo, ein hanngris som ikkje er kastrert, kallar vi råne. (I kastrert form heiter grisen galte.) Så veit ein jo då samtidig at ein ukastrert gris kan vere ganske viril av seg.
Så då spør eg deg om du ser samanhengen?
Ein viril gris og det å råne når du køyrer bil. Når du råner, er det ikkje mykje teikn på at "bilen er kastrert"…….den er heller litt meir sånn der viril……..
Så då gjer det vel også litt meining då. Ungdomen har vel rett i argumentasjonen sin når det kjem til dette temaet, og jomfru Knutsen hadde totalt skivebom i samanlikninga si i går kveld. Eller……. Det var no heller kanskje ho der professorinna som bomma litt, med tanke på at utsagnet eg tok utgongspunkt i kom frå ho. (Var det ikkje noko med Solveig det stod at ho heiter?! Trur det…….)

Ellers så skjønner eg at det er meg det er noko gale med når eg seier at eg ikkje syns det er så ufatteleg kult med ein bil som går frå 0-100 på 2,6 sekundar. Det har blit meg fortalt i dag av ein kollega at det er jo det som er skikkeleg digg med ein bil. Så når vedkommande las her inne i går at eg var skeptisk, tenkte "han" akkurat det motsatte av meg. Hahahaha……."han"? Betyr det han, eller betyr det ho.  No kan du lure………….

Jaja, det einaste som er sikkert er at både eg og ungdomen er fullstendig klar over at er det noko eg ikkje kan, ja då er det bilar. Eg veit korleis ein køyrer ein bil, men det stoppar med det!
Så noko quiz om motorsport………. Vel, tar du meg med på laget ditt då, kan eg love deg at du kjem ikkje til å tene eit einaste poeng på det.

Ha ei super avslutning på denne torsdagskvelden og sov godt!
Eg skal ikkje tusle meg i seng sånn heilt enno, men det blir vel ikkje så lenge til.

Hasta mañana!

IWALY!!

Eg lurar på kor mange kamelar eg er verdt?! (Eller esler som gammelinspektøren seier!!) Eg skal straks til Israel, nærmare bestemt Jerusalem og det kan jo vere greit å vere førebudd på kor mange dyr ein kan forvente å få i tilfelle det dukkar opp eit eller anna frieri. Kor mange dyr skal ein akseptere før ein seier JA?! Thihihihii………… Esler er sikkert greie dyr, dei, men eg trur eg går for kamelar.
Så skulle eg plutseleg ikkje dukke opp meir her heime, ja då veit dåke kvifor! Hhahaha…….
(Eg satsar på at det berre kjem skambud som eg må takke nei til…….med mindre det er ein sjeik som byr!)

0-100 på 2,6 sekund! Joda, då seier ein berre WOW! But, but…….Kven i alle dagar har behov for ein bil som gjer det? Eg syns eg ser for meg at eg cruiser opp "streeten" her i hundre. Eg kjem knapt til min eiga avkjørsel før farta er oppe i 100.
Superbilar!!

Det er nok mange nullar i prislappen til ein slik bil. Om den har flest hestekrefter eller nullar……kven veit? Eg veit ikkje eingong om eg haddeturt å sette meg inn i den.
Fin er den, men berre tanken på pris og hastigheit skremmer vel bort ganske mange. Eg ville i alle høve ikkje ha vore den som laga den første stripa i billakken!

Bilen kalles, kanskje ikkje heilt uventa, for "One:1" (uttrykt som one to one). Den blir laga i heile(!!) tre eksemplarar og har ein prislapp på 18 millionar kroner. (Hmmm…..Eg håper verkeleg det er ein rik sjeik som byr på meg!)

Fikk ikke ekstra serviett. Saksøker McDonald´s for 9 millioner! Hallo?? Hahahaha…….Kunden meiner at den manglande servietten førte til unødvendig mental lidelse. Og no veit eg ikkje heilt om eg skal grine eller le…….. Det blir rett og slett så dumt at, ja kva skal ein eigentleg seie?
At han ikkje fekk ein ekstra serviett, i tillegg til den han hadde fått, førte til at han ikkje klarte å jobbe lenger pga mental lidelse etter episoden.
9 millioner er jo då eit greit beløp som plaster på såret!! Dei prøvde å tilby han ein gratis burger, men det var nok ikkje så lett å akseptere det når han heller kunne prøve å få litt meir for det. Såpass som 9 millioner må det vere. Ein skal jo kunne leve eit akseptabelt liv! (Mannen er straks 60 år, så det er pensjonen han vil sikre.)
Det verste er at dette er i Amerika, så det jaggu meg ikkje berre å anta kva sluttresultatet vil bli. Når ein kan få erstatning for å ha tatt livet av ei katte i ein mikrobølgjeomn avdi det ikkje stod i rettleiinga at ein ikkje burde tørke katter der, tja………då kan vel denne saka nå nye høgder! Say no more…..

Myter og fakta om lettbrus. Veit du kva eg gjer når eg les den overskrifta? Jo, det skal eg seie. Eg lar vere å opne saka og spretter glatt vidare. Utan å ha lese mytene og faktaene, treng eg ikkje bekymre meg for kva som skjer når eg puttar dette i skrotten min. (For eg drikk nemleg Cola light og har tenkt å fortsette med det.)

En "daukjørt kropp" går i lengden like dårlig som en daukjørt bil. Det er Solveig Ruud som har dagens kommentar. Så spørs det jo kva ein legg i ein "daukjørt kropp"!! Betyr det at det er ein kropp som er velbrukt? For ein daukjørt bil er nok ein bil som har blitt brukt mykje. Ergo velbrukt……
Eller er ein slik kropp det same som at du ikkje har tatt vare på kroppen din? To litt ulike vinklingar, men begge er sikkert like aktuelle. Så då er det berre å velge og vrake.

Matpusherane får ein stor del av skulda. Dei seier gjerne du får tre til prisen av to, og kven går då ikkje i fella og kjøper det? Og eg tenker ikkje då på sokker eller truser. (Kanskje ikkje så lurt å kjøpe tre sokkar, men i par går det vel greit.)
Bolleduft!! Kven har vel ikkje vore innom Shell i Ballangen og kjent bolledufta og sett plakaten som seier at du får heile fem boller til prisen for tre. Klart det er mange som kjøper det. Litt vegmat, og sjokoladen som er inni, ja det er jo berre eit stort pluss. Ein bolle som er laga av "luft" og sjokolade. Klart den smakar godt!

Det er vanskeleg å motstå dei største utskeielsane og tilpasse mengden ein skal putte i seg…… Det legg seg på sidebeina og er ikkje "berre berre" å få bort. Det nyttar ikkje å stå der foran spegelen og tru at det forsvinn av seg sjølv.
Så mat kan sikkert føre til "daukjørt kropp". Sofasliting er vel sikkert minst like aktuelt. (Det er farleg å trimme!!!)
Ellers er det jo slik at vi leker på nettet istadenfor. Facebook, til dømes……Den nye leiken for vaksne.

Daukjørt kropp med full tank! Hahha…..Den ytringa var hakket betre enn den første. Full tank…….?! Då kjem ein seg jo langt avgarde. Med full tank er det jo berre å legge ut på veg.
Men det nyttar vel ikkje med full tank om du er daukjørt. For får du ikkje start på motoren, er det ikkje behøveleg med bensinen. (I overført betydning til mennesket, sjølvsagt!)

Dette er helsedirektoratet si store utfordring! Ein drøy påstand vil eg påstå. Det er jo lett å flytte problemet over til dei. Vi sjølv har ikkje behov for å ta ansvaret. Kvifor bry oss med det, liksom, når andre kan tenke for oss?

Nei, eg skal ta den skakkøyrte kroppen min med meg og tusle meg i seng. Hahahaha……Skakkøyrt og skakkøyrt. Eg veit ikkje om rådyret eg jogga med i går meiner det. Han måtte no sikkert ta seg ein liten rast oppi bakken etter at eg fordufta…….. Hahaha……
Uansett……. Tjukk, tynn, høg, lav, rund, oval, firkanta eller "whatever"…….. Ha ei strålande god natt!! Puta mi roper nesten på meg, så det er best å adlyde. (Ho kan vere ganske streng om eg ikkje følger opp beskjedane.) Wallander ligg der også og ventar (kanskje ikkje i direkte overført betydning, men nesten….) så då er det jo berre velstand for ei stakket lita stund.
God natt!

Hasta luego!

IWALY!!!

Eg har akkurat stege ut av dusjen og absolutt ikkje stått og venta på at dei magiske tre minuttane skulle gjere seg ferdig før eg tørka meg. Jaja, eg er i alle fall "ren og pen" no, så då er jo målet oppnådd. Det er vel lite som er så deileg som å dusje etter ein trimtur som berre var tung og som gjorde at lungene nesten kollapsa (for å overdrive veeeeldig) pga at det var så kaldt. (Dramaqueen, liksom!) Jajajaja……

Så har eg opplevd det også! Thihihi……. Det er ikkje kvar dag eg får selskap medan eg er ute og jogger. I dag fekk eg det!
Med musikk i øyrene, er eg nok i mi eiga verd der eg beveger meg langs vegen. Etterkvart blir det "betterleg" varmt og det føles sjølvsagt godt å bli litt sveitt. Likevel, når ein er i si eiga verd, er det ikkje berre å oppdage alt rundt seg.
Eg kom joggande og nynna på Matti Røssland sin "Sånn livet er" då det plutseleg knaka rett ved sida av meg. Med tanke på at musikken sørga for at resten av verda var utestengt, så kan ein trygt seie at knakinga var veldig nær meg (i og med at eg høyrte det). Så spørs det kva som knaka…….. Det var i alle fall ikkje ein elg! Det oppfatta eg ganske kjapt.
Vi snakkar likevel dyr. Ikkje elg, men litt mindre. Det kryssa så fort foran meg at det ikkje var så grueleg lett å sjå kva skapning det skulle tilseie å vere. Eg skjønte etterkvart at det var snakk om eit rådyr.
Kven som var mest redd, rådyret eller eg, skal vere usagt. Sjølv fekk eg ikkje noko oppgong i produksjon av adrenalin, så med mindre rådyret var redd denne knetta, stilla vi likt.
Så skal det jo seiast at det kun er "one of a kind" av meg, så ……………………
Uansett, eg sprang no der etter vegen og jaggu meg slo rådyret følge med meg. Lenge!! Det sprang i sikksakk foran meg i lang tid, akkurat som om det planla at eg skulle slippe å vere åleine i mørkret. (Sjølv om det slett ikkje var heilt mørkt enno.)
Det var berre så synd at rådyret ikkje evna å snakke, så eg måtte likevel ta til takke med Matti Røssland, men akkurat det var slett ikkje noko dårleg alternativ. Ikkje før eg skifta over til "Just give me a reason….." Joda, den er på hjernen enno. (Noko eg trur fleire byrjar å få. EG tar neppe på meg skulda for den. Eg kan ikkje for at enkelte er lett påverkelege!)
Så no sit eg her…….nydusja…….ler litt ved tanken på det stakkars dyret og kva det måtte tenke der det sprang ilag med meg.

Putin hersar med Ukraina samtidig som jomfru Knutsen joggar med rådyr. Det set ting litt i perspektiv! :=)

Neste år kan du spille poker om penger lovlig. Regjeringa kastar korta". Jaja, så ser vi kor skoen trykker og kva prioriteringa dei blå satsar på. Å skape fleire gjeldsslavar er jo supert……….
Så kan ein sikkert seie at jomfrua må roe seg litt, for det er ikkje sikkert det er heilt som på film. Der står dei i gjeld til andre "farlege" menn og må låne og låne til dei vinn, noko dei ikkje gjer…….før dei blir tatt av dage. Juhuuu……. (Jada jada, jada……eg skal slutte å drøyme!) Hahaha…..
Uansett….Denne knetta har ikkje tenkt å la seg lure i fella, så det angår ikkje meg. (Eit standarduttrykk som blir brukt i altfor mange saker.)

Nei, eg skal hive meg rundt og arbeide litt. Må jo vere sikker på at eg er ferdig før Greys byrjer. Det vil eg slett ikkje gå glipp av i kveld. Så ha ein super tysdagskveld og sov godt til natta!

Hasta luego!

IWALY!!!

Jomfrua har neste (men dog berre nesten) tørna "gal" i dag. I helga høyrde eg ei låt av Pink og den er jo forsåvidt fin…….. I natt, og då må eg poengtere at det føltes som heile natta - sjølv om det sikkert berre er snakk om på morgonkvisten……har eg altså sunge på denne songen. Sunge den som duett på ei scene.
Heile skuledagen, til dømes når ein skulle trø dei lange gongane, eller spise litt osv…..gjekk den der songen på repeat. Den ville rett og slett ikkje gje seg. Elevar snudde seg i gongane for å sjå kven det var som "tralla" sånn (som om dei ikkje skjønna det før dei snudde seg…)
Så skulle ein då tru at det ville gå over, men neida. Under middagsrasten eg trengte i dag, under skulearbeidet her i stad, under bakinga……..OG akkurat no……Den vil ikkje bort. "Just give a reason"…….. med Pink. Ein artist eg eigentleg har høyrt lite på tidlegare. Kanskje eg skal prøve å lytte til ho, for det kan jo faktisk hende at ho har mange fine låtar.
"Just give å reason" har sikkert komen for å bli ei stund på hjernen min, men eg overlever vel det. :)

Død mann sparket i likposen. Jeeeezes! Kor creepy er ikkje det? Eg kjenner ikkje nokon stad at eg vil opne nett den saka. I frykt for ekle detaljar lar eg heller vere. Likevel….Det seier litt om kor sikre ein bør vere før ein erklærer nokon for daud!

Har du hørt om treminutters-regelen? Og no kan du lure på kva det gjeld, for treminutters-regelen er vel eit begrep som er brukt i mange samanhengar. Om eg ber deg tippe, tippar eg at du kjem til å tippe noko heilt anna enn det som kjem straks.
Treminutters-regelen gjeld dusjing. Rettare sagt etter dusjing. For kven er det vel som tenker på den når ein står der dyvåt og skal tørke seg? I all e fall ikkje eg. Eg slår av dusjen, strekker handa ut til handduken og tørker i veg. Det er vel ikkje så mykje tankeverksemd bak det, det berre skjer på autoilot.
Som alt anna må ein vel då berre seie "shit happens all the time…".

Det er skikkeleg dumt å hoppe rett i handkledet etter å ha dusja. Spesielt er kvinner opptatt av mjuk hud. Dei kjøper kroppsskrubbar og kremar i alle variasjonar. Alt for å få den finaste huda. Så går ei altå rett i fella ved å hoppe over ein så enkel sak som å vente med å tørke seg etter dusjen. Viss du det gjer, får du mjukare hud på 1-2-3! Det er jo fantastisk og gratis! (No har ikkje denne knetta testa det ut sjølv, for ho har jo sjølvsagt den silkemjuke huda frå før av - hahahah- men viss andre testar det ut, kan dei jo gje tilbakemelding om det fungerer.)
Dessutan kan det vere lurt å smøre seg inn med krem medan huda framleis er våt. (Me det høyres berre kleint ut.)

Grunnlova 200 år. I år er det jubileumsfeiring av Grunnlova. Samtidig kan ein reflektere over kva det eigentleg er som skal feirast og kor er vi idag? Når det er sagt, så kan ein spørre seg kven "vi" er.
Noreg er forsåvidt ikkje sjølvstendig lenger. Dagen vi gjekk inn i EØS sørga for det. Uansett om vi vil innrømme det eller ikkje, blir vi mykje styrt av reglar innanfor nett det "konseptet".
Det er difor fleire vel å kalle det for ei feiring med bismak……
Grensekontroll, asyl, politisamarbeid……….
På bakgrunn av EØS er det ikkje så lett å få  inntrykk av nasjonal sjølvstende og demokrati. Noreg adlyder og betaler, men er langt frå representert i dei organa som styrer.

No er det det som skjedde for 200 år sidan som skal feirast, og akkurat den biten er veldig bra. Dessutan må ein også sjå på det med at samfunnet endrar seg. Uansett om vi likar det eller ikkje, er vi avhengige av omverda. Sånn er det berre.
Sånn eigentleg så er vi nok bra avhengig av EU, og då tenker eg spesielt på eksportnæringa. Så spør det om ikkje det smartaste hadde vore om vi var medlem………. OG NO sa eg ikkje at eg er for medlemskap i EU. Eg berre sa at det spørs om….. Sjølv er eg ein av tvilarane, så det er ikkje godt å seie kva eg meiner om det eller ikkje.

Uansett korleis ting er i dag, trur eg vi skal vere takksame for det som skjedde i 1814. For kor hadde vi vore i dag dersom vi ikkje hadde fått vår eiga Grunnlov?

Det er kveld på ny. Denne unge frøkena skal tilte seg i seng. Songen "Just give me a reason" har nok ikkje fordufta, så det spørs berre kor lang tid det tar før eg sovnar i kveld. Kanskje Wallander kan hjelpe meg med det?! Eg har starta opp med å lese serien o han. Eg startar med byrjinga og forhåpentlegvis tar han meg med til siste slutt. Litt kjipt å ha alle bøkene viss det skulle vise seg at dei ikkje fengar meg.

Ha ein fortsatt fin kveld og sov godt til natta!
Hasta mañana!

"Just give me a reason…….."

IWALY!!

Valgfusk i 1905. Neoge-Sverige er fortsatt i union med hverandre. Hahahahaha….. Den var jo eigentleg litt bra og "up to date"!! Det levnar vel ingen tvil om at det i dagens samfunn skjer mykje korrupt og greier…..Talet på kor mange uanstendige val som har blitt gjennomført det siste tiåret vil vere vanskeleg å anslå.

Det heile dreier seg om at berre 184 personar stemte ja til union den gongen. 184 av kor mange?? Tja, det er vel nærliggande at det var bortimot 100% som stemt nei. Då er det sjølvsagt nærliggande å tru at det var snakk om valfusk i stor grad. :=)
Runar Døving er mannen bak eit resonnement som er i slekt med det eg nett skreiv. Dette har ein viss Fiksdal fått med seg og har sjølvsagt funne nokre gode poeng som bygger opp under dette.
Ta blant anna Petter Northug! Eit glimrande eksempel…… Sverige kåra han til årets idrettsmann i 2011. I og med at Northug er trønder, vil eg tru at han eigentleg er for nordmann å rekne?! Hahaha……
Ellers elsker vi nordmenn å beøke IKEA. (I alle fall påstår Fiksdal det.) Det er eindel av dei viktigaste tdspunkta i livet vårt. Når vi flyttar heimefrå, når vi giftar oss, får born, blir skilt osv……. (Hmmm……. stemmer det at vi er så IKEA?)
I såfall er det ikkje vanskeleg å skjønne svensken som sit og gnir seg i hendene! (Og så smiler han sjølvsagt breidt…)
Harryhandel og systembolaget. Enkelte besøker det jo så ofte over grensa at det nesten kan føles som at dei kjem heim.
Ein gjennomsnittleg amerikanar vil foreslå at Sverige er hovudstad i Noreg. (Hhahahha……. Godt det ikkje var omvendt!)
Er det rart vi gler oss over at Sverige skal vere med i VM til sommaren? Då har vi i det minste nokon å heie på! Go go Sweden!

Denne knetta er litt trøytt i dag og skal difor sørge for å hamne i senga ganske kjapt. Det har vore ei koseleg helg, men i morgon er det attende til kvardagen og då kan det vere greit å vere kvil.
Vi går inn i uke 10, mars månad, utan eit snøfnugg på plenen. Alt er totalt feil, og det irriteter meg ein god del. Så var det det då……. Viss ein ikkje har verre ting å irritere seg over…..
Når ein har boltra seg i snø heile helga, er det klart det blir ein nedtur å kome attende til det grøne. Jaja….. Sånn går no dagane!
Det fins enno håp…….

Ha ein fortsatt fin kveld!
Hasta mañana!

IWALY!!

Då eg var yngre, var mor mi veldig flink til å ta meg med for å stå på ski. Det var gjerne Geilo, Voss, Rauland, Vågslid, Vågåmo, Ustaoset, eller andre kjente skiområder. Då var det alltid ei veksling mellom slalom og langrenn.
Var det hytteliv, ja då fulgte kvikklunsj, kakao, appelsin og kortstokk naturlegvis med.
Så er det eingong slik at om ein er vant til noko, vil ein gjerne følgje det opp når ein sjølv blir vaksen. Difor har eg brukt å ta med meg minstemann for å gjere nett dette i fleire år no. Ha syns det er like skøy kvar gong.

I år la vi turen til Bardufoss. (Det er viktig å få med "foss", for det blir eg retta på til stadigheit, så eg er vel litt grimm til å seie Bardu.) Vi har gode hyttenaboar som bur der, og denne helga blei vi invitert til å "joine" dei. Klart vi sa ja til det! Då blei det både langrenn og slalom på gutungen, i tillegg til bassengtid. Kan ein ha det betre?

Steffen på veg ned bakken. Det er rimeleg bratt. (Laurdags formiddag.)

Om kvelden er det lys i løypene. Det passer megabra! (Fredags kveld.)

Når vèret er slik som dette……. Då er det herleg å vere i fjellet!! Det er ingenting å utsette på utsikta heller. Plenty med vakker natur overalt. (Den norske fjellheimen generelt er flott!)

Jomfrua sjølv måtte jo også stå litt på slalomski. Det ville vore lite kult å måtte stå nede og sjå på at gutungen kosa seg i fjellet. Det er nok fleire 100% mykje kulare å delta sjølv!

Som sagt………Langrenn må ein ha tid til også. Det er fine løyper ned nord. 

Med tanke på at det ikkje er skøyteforhold heime, er det supert at det er det på slike stader som dette. Ingen tvil om at det hadde vore kult med slike breie løyper heime også. (Ps Mora står på langrenn ho også, men det er ikkje alltid like lett å halde følgje……..)

Polarbadet er ikkje så verst, det heller…… Eit slikt basseng som dette skulle vi hatt!! Ingenting å utsette på stilen, men mora hadde nok ikkje klart å følgje opp med same stilen. Heldigvis kunne ho ikkje bli utfordra i og med at ho var fullt påkledd og berre augevitne denne dagen. (I dag…) 

Det er ikkje så lett å fange opp motivet når det snurrar rundt i lufta. I alle fall ikkje med mobilen min. Det takla den rett og slett ikkje. (Skulle eg sjølv ha hoppa, hadde eg nok hella meir til sånn der "spiker". Trur ikkje eg hadde turt å gjere noko krumspring så høgt oppe i lufta. Eg skal jo overleve fallet også!!!)

Så med langrenn, slalom og svømming, kan ein trygt seie at dette har vore ei fin helg. Når vèret i tillegg er litt på vår side, blir det enno betre. 

Ei slik helg må nok bli gjennomført på borns premissar, MEN når det betyr at du (ved skianlegget) kan gå på kafe, prate med kjenningar, renne i nett den løypa du vil og ta pause (eller ikkje) når du sjølv vil, og det utan å måtte avtale det med nokon som helst……. Ja, kva gjer det vel då. Ein treng berre å sjekke at ein har kontroll ein gong i timen……….. Fine premissar det!! :=)  

Det er det som er så fint med tradisjonar. Du lærer deg spelereglane (både liten og stor), og etterkvart når dei sit, kan ein "slappe av" og berre stole på at alle klarer seg sjølv. Det er om å berre nyte dagen og få mest mogleg ut av den. 

No er det laurdagskveld og borna sit og kosar seg med litt laurdagsgodteri og "Mesternes mester". Det store "veddemålet" går ut på kven som kjem til å møtes i den store nattesten. 

Ei fin helg er "straks" over og i morgon er det å sette seg i bilen og køyre heim att. 

Eg gløymte sjølvsagt å seie at fredagskvelden blei tilbringa i lag med 80 andre "halvgalne" kvinnfolk på vernissage. Sjokolade, edle dråpar og sjølvsagt mykje kunst……..herleg kunst(!) fekk mange (inkludert meg) til å dra kortet. Ein slik kveld er det sikkert kult å vere kunstnar. 

Tru meg, denne kunsten som vi blei presentert for, ja den var ganske ulik all anna kunst eg har sett, og nett det gjorde at den var ganske spesiell (på ein positiv måte). Eigentleg ganske unik………

Ein kunstkveld kun for "inviterte" og berre kvinnfolk. (Viss ein då ser bort ifrå den forkomne mannen som dukka opp i løpet av kvelden. Han var der for å ta litt bileter. Eg trur dei kallar slike menn for journalistar!! Så ved å skjule seg bak yrket sitt, kunne han lett overleve denne kvelden som var tileigna berre damer.) 

No skal jomfru Knutsen lene seg godt bakover og berre nyte dei siste timane av denne kvelden. Så ha ei fin forsetting på kvelden!! Vi er bekka over til mars månad og sørafor er det no dukka opp fleire huggormar (noko som kling heilt feil i mitt musikalske hovud)…….Kva er det som skjer med vinteren? Dette lovar ikkje bra! Likevel, så lenge denne kvelden lovar bra, er det ikkje så nøye med den der ormen som koser seg i vårsola som sikkert har komen der for lenge sidan. 

Hasta luego!

IWALY!!!