Tysdag 15.desember!

Det er uke nr 51, det er tysdag. Uka er såvidt byrja, men trur den vil bli unnagjort i løpet av ganske kort tid... :=) Så er det juleuka!! Den gler vi oss til alle mann! I alle fall her....

Akkurat no sitter eg og tenker kor godt det er at vi alle er ulike og ikkje minst at vi har ulike meininger om mangt. Det er det som gjer oss levande! Tenk kor kjedeleg det hadde vore om alle var like og meinte dei samme tinga... Då skulle i alle fall ikkje eg ha stått modell:=) Hehehe.
Eg syns det er flott, eg. Eg har mi meining medan andre har si. Det gjer at eg er mitt eiga individ! Flotte ord... Kva?
Ein ting er i alle høve sikkert. I desse dagar held eg meg langt unna diskusjonar her heime som omhandlar budsjett og politikk her i kommunen. Men eg får min dose likevel! Trur telefonen her er ganske så varm for tida. Ordet som blir nevnt oftast er eigedomsskatt. Eg er glad eg ikkje skal ta stilling til det spørsmålet. Det overlet eg til dei som skal røyste over saka. Kan seie så mykje at vi ikkje er hundre prosent einige her i huset. Då er det vel best å teie....så slepp ein dei store diskusjonane. Trur nok politikk kan vere årsaka til mange diskusjonar rundt om i heimane.
Som sagt...Det er flott med mange meiningar.

Det er mange saker som engasjerer for tida... Ikkje berre eigedomskatten. Det må jobbast mykje med å få budsjettet på plass og mange har vel sine saker dei kjempar for. Ikkje alle får gehør, sjølv om dei meiner sakene er aldri så viktig. Ei anna sak er legesituasjonen. Eg skal for all del ikkje komme inn på kva eg eigentleg meiner i saka. Det har eg holdt for meg sjølv heile tida. Det er vel ikkje opp til meg å meine noko som helst om eg skal sette det litt på spissen.... Men sjølvsagt, eg er som alle andre.....så eg har ei meining om det eg og!!
Det einaste eg er interessert å dele i forhold til mi meining om temaet er: Kva er alternativet?? Det vil med 100% sikkerhet bli masse dyrare for kommunen å ikkje gripe fatt i problemet. Kva er likast? Auke to lønningar litt og beholde 3 legar, eller den dyre vikarordninga vi har forholdt oss til før?? Då er svaret enkelt for meg!! Kommunen blir ikkje så mykje fattigare på lønnsauke om ein ser det opp mot alternativet..... Men kva veit vel eg??
Som sagt....eg har ikkje med reine ord sagt kva eg meiner om saka. Eg har berre prata litt rundt temaet. (Eg må jo og seie at eg berre har gode røynsler frå mine legebesøk.....Så eg er difor nøgd med tilbodet vi har i dag).

Nokre gonger syns eg det er litt gøy å seie ting som eg i utgangspunktet ikkje står for. Misforstå meg rett.... Eg seier aldri at det er mi meining som kjem fram, men eg argumenterer for ting eg eigentleg er imot. Det er berre for å få lufte temaet ordentleg og å vise at ei sak kan ha fleire sider.

Han "artigkaren" som sitter borti sofaen er grimm på akkurat dette. Når mamma er på besøk, bruker han å byrje med å argumentere for Frp. Eg som bur i lag med han veit jo såpass at er det noko han ikkje stemmer, så er det Frp. Dei vil jo ha kommunesamanslåing. Det vil ikkje han.... Men han elsker å "provosere". Ho er då eit typisk Arbeiderpartimenneske samtidig som han veit ho lar seg fyre.... Eg har høyrt diskusjonane og argumentane så mange gonger at eg har lært meg tidleg med å gripe inn og seie til mor mi: Husk at han stemmer Arbeiderpartiet akkurat som deg. Han prøver berre å provosere!! Ho svarer sjølvsagt at ho veit det, men lar seg rive med likevel.... Det har blitt betre med tida skal det seies. (Berre så synd at det er så mange som trur at han faktisk stemmer Frp.... Men det kan han takke seg sjølv for)!

Det er bra med ulike meininger....berre ein ikkje gløymer akkurat det når ein diskuterer. Mange gonger er det lett å la seg rive med. Det betyr ikkje alltid at det ein meiner er det beste eller det rette svaret. Ein skal jo og passe seg for å presse sine meininger over på andre og forvente at dei skal meine det samme. Det er ikkje bestandig like lett å halde tunga rett i munnen, og sjølv om meiningane er ulike i ei sak som for meg er veldig viktig, må eg ikkje gløyme at det ikkje gjer noko om ikkje alle er einige med meg. Problemet er at av og til kan ting virke så opplagt og spesielt då er det vanskeleg å forstå at vi faktisk ikkje meiner det samme. Dette er sikkert noko både eg og mange med burde blitt flinkare til.
Det einaste som er sikkert er at eg føler meg meir levande når eg kan utveksle meininger som ikkje bestandig er like med dei andres enn om vi bestandig skal vere einig.

Eg er sta som person.....men eg prøver å forbetre meg heile tida. Eg vil vel aldri bli bra nok på det området...Men det er akkurat det som er så bra. Det betyr at eg held på det som er meg. Eg kan ikkje vere ein annan enn eg er. Take it or leave it!!

Bodøbyen.

Bodø - eigentleg ein fin by å bu i - men dog ikkje byen å leggje førjulshandelen til når det er under to veker til jul. Med mindre du har god tid, kan dei lange køane gjere sitt til at du blir ei utålmodig og rastlaus sjel. Been there - done that!!

Denne helga har eg vandra frå butikk til butikk i Bodø. Håpet var at eg skulle få gjort meg ferdig med det meste allereie laurdagen. Så feil kunne eg ta! Eg treng nok både sundagen og måndagen også.....
Eg har ikkje talet på kor mange gongar eg drog kortet, men eg veit det var mange! Like mange gonger stod eg i kø. Lange køar!!! Spesielt på El-kjøp var det ille. Først var det å stå kø etter å ha trekt kølapp. Då kjøpmannen trudde han var ferdig med oss, hasta han vidare til neste nummer på lista. Så då var det å stå i ny kø.... Etter ei stund vart det vår tur på nytt. Vi fekk ordna det vi skulle, men så sa ekspeditøren at vi måtte stille oss i kø ved utgangen kor vi skulle oppgje namnet på ein av oss. Butikken var lang å tråle gjennom. I enden såg vi kassane og lange køar. Huff!! Ny kø. Ikkje nok med det....Vi oppga som avtalt namnet og fekk betalt varen. Då sa kassadama at vi måtte stille oss i endå ein ny kø. Nemleg der varen utleveres! Vi fekk kvitteringa med oss og måtte trekke ny kølapp. Om det var gøy å handle???? Ikkje med tanke på at eg hadde gløymt at det var ein ting til eg skulle kjøpe der, og då måtte ta heile sirkuset på nytt..:( Trur kanskje eg endte opp med 8 køar for to små gjenstander......med ein 5-åring på slep.

Tysdag 8.desember!

Så var nok ei ny uke igang. Om ikkje lenge er vi midt i desembermånaden. Månaden blant dei store hos borna. Trur ikkje det går ein einaste dag utan at det første som blir sagt er "Kan æ åpn en adventspakke?" Steffen er eigentleg litt treg å få opp om morgonen sjølv om han legg seg tidleg. ¨Han er det sjølvsagt enno.....men berre til han kjem på at det henger nokre pakkar på veggen i stova. Då er han plutseleg lys vaken...på null komma niks. Vi var vel likedan vi og, men eg hugsar det ikkje.
Det skal ikkje så mykje til for at han blir glad. Trur det er mange som har dei "fancy'e" pakkane, men ikkje denne guten! Eg bestemte meg tidleg at han skulle få bli vant til at adventskalender ikkje er einstydande med at han skulle få mykje av det han ønsker seg. Han får ein liten ting kvar dag. Han blir sjølvsagt gladast når det er snop i pakken, men dog ikkje så glad av di han då må spare den til etter bornehage.... Trur ikkje tantene der ville vore så glad om alle borna hadde ete snop før dei kjem i huset der....Det kunne blitt ei fin smørje.

Denne desembermånaden har faktisk vore den minst stressande julemånaden på mange år....heilt tilbake til eg var 12 år. Det er lenge sidan det. Det har alltid vore ein aktiv månad, men i år har eg heller vore aktiv heime. Kjenner eg har lyst å både vaske/rydde og bake stort sett kvar dag. Ein skal vel vere takksam for at ein føler at ein har energi nok til det. Det er faktisk null stress.

Steffen har ein kompis på besøk no. Høyrer dei sitter og ler til Tom og Jerry i bakgrunnen. Det er det gøyaste programmet å sjå her i huset. Om Steffen står tidleg opp og det er Tom og Jerry på tv, ja då merker vi det på fliringa i stova. Det er rett og slett rå latter. Då er det ein til som står opp!! Kan seie så mykje at den andre som står opp ikkje er meg! Det kommer ikkje til å skje at eg ofrar den gode, varme dyna for ein teikneserie (sjølv om eg er glad i Tom og Jerry).
No sit dei der og flirer medan dei har si barnetvstund foran skjermen. Koseleg!

Når brøda er ferdigstekt , tenker eg at eg vil ta meg ein svømmetur. Det er godt å vere i bevegelse. Når eg ikkje kan springe den næraste tida, fungerer svømming godt (jogging er skøyare).

LEV I DAG!!!

Det er for seint å angre på det ein ikkje har gjort når ulukka er ute. Akkurat i dag, når ein får høyre om den tragiske ulukka på Norcem, virker alt så bagatellmessig. Ingenting er viktig. Det er berre så uverkeleg. Eg berre tenker på alt eg sjølv henger meg opp i. Kva er vitsen?? Nei, det er viktig å leve medan man kan det. Ikkje utsett det ein har lyst til i dag og sei at til neste år......då kan vi unne oss det.

Hvil i fred, Kjell!!! Tankane går til familien din og dei du hadde rundt deg. Dei får ei tung jul og eg håper dei har mange rundt seg som støtter opp i denne vanskelege tida. Det er berre trist...Eg er heilt satt ut.

Happy ever after???

Klokka er halv tre på natta. Eg og han der som kaller seg husbonden min har vore ein tur på kroa., Vi åt juletallerken (anbefales verkeleg!!!). Eg er akkurat kommen heim. Burde vel vore alle andre plaasar enn på dataen no (les i senga), men klarte berre ikkje å la vere!! Kvelden har vore toppers. Dette var ein av dei tre gongane eg unner meg det livlege i året....og tru meg.... det var verdt det. Det var eigentleg TPL som skulle ut...og eg lot meg til slutt overtales til ¨å vere med. AAkkurat no føles det som om det var det rette. Ikkje farleg når ein har barnevakt i huset:=)
Nokre mannfolk frå kommunen var også ute....og det gjorde at eg fekk det ganske så skøy:=) Dei har faktisk litt humor!!!!
Eit par (eg kan jo leve i trua) drinkar gjer at eg burde leggje meg, men det er litt for gøy å vere meg til at eg burde leggje meg ennå.
Jajaja........Har aldri flirt før, så eg må nytte høvet no:=)......hehehehehehhehehehehehehehehehehehe

Gler meg til andre juledag....då er det jam,!!!!! Jajajjjajajaja...det er ikkje måte på kven eg er glad i i kveld, så berre nyt det folkens....det går snart over. Eg har mine favorittgutar, og dei veit o det. Det får vere nok:=)
Nei.....god natt. Vi snakkes i mårra når........

Klager??.......Kven, eg???

Har akkurat kommunisert med ei venninne frå lærarhøgskulen. På lik linje med oss har også dei tentamen denne uka. Tentamensretting er skøy.... Ho hadde visst 120 norskstiler å rette! Skal vi se.....Eg har 16 i norsk, 10 i engelsk og 16 i matematikk. Det blir i mitt hovud 42 tentamenar å rette. Har eg klaga??? Trur i alle fall eg berre skal teie stilt på meg heretter.. Om eg byrjer å samanlikne med dei store byskolane sørafor, er det berre barnemat her. Stakkars Marianne!!!

Vi levde med hua i handa.......

Halvdan Sivertsens "Nordnorsk julesalme" speler i bakgrunnen frå dataen. Kjempefin song! Det er deilig å ha ein sånn song i øyrene så tidleg på dagen. Eg sitter og retter tentamener. Satser på at eg skal få gjort mest mogleg her på skulen så eg slepp å ta dei med heim...... Det er litt tungt å sitte så konsentrert og rette over lang tid, så då tar eg meg ein liten pause og skriver her heller.

Velsignelse, Guds fred...det er ikkje måte på kor fine ord som blir brukt. Songen er ei bøn om fred. Vi treng å bli passa på. Sjølv om det er mykje å gjere før jul må vi ikkje gløyme at vi ikkje skal slite med å kave oss fram. Jula skal vere gledens høgtid. Kven klarer å glede seg om ein berre slit og kaver....og ikkje minst stresser? Håp om ei utstrakt hand...... Mange treng den handa.
Ein kan meine kva ein vil om Trygve Hoff, men teksten til denne julesongen har han truffe bra på. Eg skal lære elevane songen slik at heile skulen kan syngje den i lag på juleavslutninga. Det blir flott!!

I dag lever vi i ein verden som heile tida sett krav til oss. Heilt frå vi er små. Det byrjer med dei føresettes "krav " til borna. Alle foreldre har sikkert eit ønske om at akkurat deira born skal vellukkast. Kven avgjer om ein har lukkast eller ei? Om ein gjer det bra i det meste er det ikkje sikkert ein er lykkeleg. Eg trur det er viktig å la alle få finne ut kven dei eigentleg er og leve deretter. Det treng eg ikkje gå lenger bort enn min eigen heim for å skjønne. Sjølv har eg forventninger for min eigen gut. Eg forventer at han skal te seg skikkeleg. Eg ønsker at han skal lære å få eit forhold til musikk. Men det går ikkje på mine premisser! Eg føler meg fram og lar han styre det sjølv (til ein viss grad). Faren hans snakker berre om at han skal spele på Barcelona når han blir stor. Seier han det nok mange gonger trur han det til slutt. Ved skulen her er det mange som går rundt og drøymer og trur at dei skal bli oppdaga. Dei har ingen reell oppfatning av kor dei eigentleg ligg i forhold til kvalitet på spelinga. Foreldre må ikkje føre sine eigne drøymer som ikkje blei oppfylt over på borna. Fleire born er overbevist om at dei er god nok. Eg har allereie sagt til fleire av dei at eg skal spise ein hatt om så skjer!
Ein må sjølvsagt ha drøymer!! Ein må ha lov til å ha noko å jobbe mot. Det er berre det at ein må også lære å vere realistisk. Ein tonedøv gut kan aldri bli ein god songar. Nokon må fortelje det for han om han trur han skal fronte ei gruppe i framtida!

Så kjem samspelet med andre. Det handler om å gje og ta. Ein skal lære å dele og fungere med andre. Samspelet der er viktig. Ein skal lære å besinne seg..... Kva om eit born alltid får beskjed om å besinne seg? Er det alltid rett av oss å kreve det? Skal ein aldri få utløp for sine verkelege kjensler? Kven er det som aldri har lyst å vere sint og få lov til det? Vi vaksne bremser borna på dette området...Vi vil fortsette å gjere det. Eg gjer det sjølv.

På skulen stilles det krav om resultater. Ein blir måla mot dei andre borna- Ein blir måla mot resten av landet. Han er betre enn landets gjennomsnitt.... Korleis føler han seg, han som kom under landets gjennomsnitt? Dum?? Ikkje veit eg, men offentleggjering av nasjonale prøver...kven sitt forslag var det? Eg er glad det er bestemt at resultata ikkje lenger skal komme i storavisene. Det er likevel langt å gå før ein kan klare å spare den svake for ydmykelsen. "Du er ikkje god nok".... Den som øver blir meister. Nei, langt frå alle, men det hjelper. Kva skal ein måle eit born i? Kva med dei kvalitetane som ikkje kjem fram i det skriftlege eller det ein les? Kva med dei kvalitetane som kanskje er viktigast og som viser kven personen eigentleg er? Dei maktsjuke ledarane våre er kun opptatt av resultatar. Dei bryr seg ikkje om det andre.
Har nokokn forska på sosiale forhold opp mot resultatar? Ja, det kan eg garantere at det er fleire som har gjort. Mange lærarar må bruke tid på å vere ein sosialomsorgsperson. Det går ut over tida til anna. Kan ikkje regjeringa prøve å få meir bukt på det området? Kven skal skulda om ein elev gjere det dårleg på skulen når ikkje dei sosiale normene er oppfylt?? Læraren, foreldra, staten....?? Uansett, det er foreldra som har hovudansvaret for sine eigne born! Kan dei ikkje klare å følgje dei opp, har ikkje staten då noko ansvar? Eg har ikkje svaret.....Eg berre lurar. Kor ligg ansvaret??

Halvdan Sivertsen og julesalmen siver fortsatt ut av dataen. "Du signe folket som lever her nord". Det er ingen krav bak desse orda.
La førjulstida bli koseleg. La oss huske kva som er viktig. La borna få fine tradisjonar, la dei få glede seg til ei høgtid som skal feirast og ikkje minst la dei slippe å få føle presset!
Desember er kos:=) Mange baker til jul. Det betyr og at mange stresser med å bli ferdig med bakinga til jul. La det heller vere slik at ein baker fordi det er koseleg. Det gjere vi. Baking i lag med Steffen er kvalitetstid! Er det stress å bake? Kvifor ikkje berre ta seg ein tur på butikken og kjøpe dei kakene ein vil ha i hus? I dag selges det meste. I alle høve selges det julekaker. Gode er dei sikkert også. Så slipper ein strevet...... Eg baker, men skulle dagen komme at det er eit pes.. ja, då veit eg kva eg har å gjere! Desember er koseleg!!!

Ha ei fin førjulstid!!