torsdag 27. februar 2014

Krever at Apple beskytter barna mot dyre app-kjøp. Joda, eg er forsåvidt einig der, men heller meir til at det får jaggu meg dei foresatte sørge for også. Å fortvile over at det plutseleg blir rådyrt for dei av di borna har brukt masse pengar på å komme seg fram i spela osv osv…..blir litt for dumt. Det er faktisk inga sak å hindre at du blir trekt for penger. Dette veit eg av di eg sjølv har ein som som bruker ipad´n min og eg har aldri blitt trekt ei krone eg ikkje har hatt kontroll på. Ipad´n har eg hatt i fleire år, så det er ikkje tilfeldig.
Årsaka til at eg har full kontroll, er at kvar gong det skal "kjøpast" noko, må ein taste inn både apple-id og passord. Mi sikkerheit ligg i at det er kun eg som kan den kombinasjonen. Eg gjer den sjølvsagt ikkje ifrå meg til han. Ergo kan han ikkje gjere noko utan tillatelse av meg.
Lastes det ned noko som kostar noko, får eg beskjed om det via e-post like etterpå. Ganske greit………

Eg er forsåvidt einig i det moralske…..at apple ikkje treng å lage det slik at born skal bli lokka til å laste ned ting i løpet av spillet, men konsekvensen blir då at alle gratisspela heller må koste noko. I dag er det slik at ein faktisk kan laste ned "eit tonn" med spel utan å betale eit raudt øre, så då må ein velje. Kva er best? Berre betalspel, eller ha tilgang til gratisspel?

Årsaka til at eg reagerer på denne saka er enkel. Den er berre ei lita sak på ei liste med mange hundre ulike andre saker. Samfunnet har blitt slik at no skal foreldre slutte å tenke. Samfunet skal ta alle hensyn slik at ein ikkje treng å tenke sjølv. Alle som kjem med nytenkning no må passe seg og tenke på det meste. Viss ikkje vil det alltid vere ein eller annan som kritiserer dei av di dei har gått i ei eller anna felle av di dei gløymte å tenke.

No kan det hende du syns eg er litt frekk her, men det er ikkje meininga. Likevel føler eg at det er blitt slik på mange områder. Det er så mange ting som foreldre før var flinke til å følge opp, som no er blitt slik at vi faktisk forventar at andre skal ta seg av. Alt skal liksom leggast så mykje til rette for oss for at vi skal få ein mindre stressande kvardag.
Vel, vi har sjølv valgt å bli foreldre, ei egosentrisk handling, og ja…….det innebærer litt. Ønsker vi å vere ein del av internettkvardagen, ja då må vi også skjønne at vi må følge litt med. Lage forholdsreglar.
Sørge for at borna ikkje kan laste ned for fleire tusen kroner utan at foreldra veit det før det er for seint.
For eg veit nemleg av fleire som har gjeve frå seg passordet til borna sine og det er ikkje alltid like lett å skulle måtte vise seg tilliten verdig når det gjeld slikt. Det kan vere ganske så vanskeleg.

Skulle saka vore seriøs i mine auge, måtte den heller ha blitt vinkla rundt aspektet som seier at borna blir påverka negativt ved at dei kan kjøpe seg fram i spelsystemet. Dei blir hekta på eit spel og berre MÅ kjøpe seg ut av problemet som gjer at dei ikkje kjem seg vidare.
Mange born forstår seg ikkje nok på pengar at dei forstår at dei ikkje veks på tre og at det faktisk er snakk om ekte pengar.  Eg har sjølv fått spørsmål om "oppgradering" heime, men seier konsekvent nei når spørsmålet dukkar opp.
Akkurat det med å seie nei, er det fleire som syns er vanskeleg. Nei, det er ikkje det. Samfunnet skal ikkje seie nei for deg. Du skal sjølv seie nei til ditt eiga born. Det er ikkje vanskeleg. Ein treng ikkje få dårleg samvit av di ein har sagt nei til slikt, og joda……..ein risikerer kanskje litt masing frå dei borna som ikkje aksepterer eit nei med det same. Då må ein heller lage seg speleregler som seier at dersom du vil spele, må du la vere å mase.

At born blir avhengige av spel er aldri bra. Vi ser idag at det er nett det som skjer. Borna er for mykje foran skjermen istadenfor at dei er ute og leikar. Det blir ei anna problemstilling.

Heile poenget mitt er at det kan diskuterast om det er nødvendig med desse "fellene" som kjem i løpet av spela, eller ikkje. Det kan ein meine mangt om. Det eg har tatt stilling til her, er kor vidt det er apple eller dei foresatte som skal følge med på kva borna gjer. Apple har allereie eit system som sørger for at du slepp å få overraskingar.
Så det er den økonomiske biten eg eigentleg har tatt stilling til her.

Kvifor har sebraen striper? Eit spørsmål som berre heilt sånn utan vidare ploppa opp blant dei små grå. Det fins sikkert eit eller anna svar på spørsmålet, noko eg forsåvidt har fått bekrefta ved å google det heile. Det fins fleire forslag, enkelte betre enn andre. Likevel kan ein ikkje vere eitt hundre prosent sikker.

For å halde blodsugande insekter unna! Kanskje då mest sannsynleg klegg. Tja, det gjeld forsåvidt oss menneske også. Vi er nok ikkje så glad i kleggen, vi heller. Eg kan ikkje hugse å ha sett nokre medmennesker med striper?! Eller……..
Stripene reflekterer lyset….Jaja, då veit eg kva eg skal gjere til sommaren. I alle fall om det blir varmt og godt rundt meg. Eg skal male striper over heile kroppen. Det kjem til å bli riktig så lekkert!

For å kamuflere seg……. Tja, svart-kvit striper skiller seg jo ikkje ut i mengden av natur?! Eg skal teste det ut på måndag. På arbeid skal eg troppe opp i svart-kvitstripa heildrakt og så skal eg sjå kor mange det er som legger meir merke til meg enn dei andre.
Hovudsakleg er det for at dei skal sleppe å bli eit lett bytte, så då skal eg prøve det for å sleppe unna alle menna rundt meg. Det er jo ikkje akkurat noko tvil om det er mange jegrar rundt om i kommunen.
Så ei rype som eg…… Hahahahahahahahah…..

For at dei skal gjenkjenne kvarandre. Hahahahaha….. Då er det jo ikkje vanskeleg å skjønne at vår Herre var supertsmart og skapte oss menneske så totalt ulike i form og farge.
Som om eg skal klare å sjå forskjellen på to sebraer??? Hallo……. Men så ser vel sebraen bra! Se bra!! (Dårleg latter her…..hahahahaaaaa….)

Regulering av temperaturen. Det blir som solkrem! Meire hahahaha……hahha….. Det slår jo i hel viktigheita med å smøre seg godt på heile kroppen. Det er berre å smøre seg i striper! Det er berre om å finne ut om det er på plassen til dei kvite eller dei svarte stripene ein skal smøre seg. Kneet eller leggen, liksom. Her treng eg nokon som kan stille opp som prøvekaninar! (Eller prøvesebraer, for å vere meir korrekt.)

Nei, ha ein fortsatt fin kveld! Sei no ifrå om du vil vere prøvesebra…..:=)
Hasta mañana!

IWALY!!




Det eksploderer på nettet i desse dagane når det kjem til Stetind og nasjonalfjell. Han der "turmannen" som vil ha Snøhetta til å vere det, skal motgang finne.
Sjølv har eg køyrt mange gonger over Dovre, og Snøhetta har eg sett like mange gonger. Det fins ikkje ein einaste ting som er spesielt med det fjellet. Ikkje anna enn at det har ei viss historie bak seg. Det har jaggu meg Stetind også.

Det fins ikkje noko spektakulært med Snøhetta. Når ein køyrer forbi, ser ein ikkje noko anna enn det ein ser elles i landet. Formmessig er Snøhetta lik "alle" andre fjell. STETIND derimot…..WOW!!! Det er spektakulært, det!! Og for eit flott fjell! 
Han der såkalla "turmannen" påstår at fjellet ikkje er familievenleg. Hahahahahaha….. Då ler eg godt. Veit du kvifor?? Jo, for der drit han seg sjølv rett på leggen! 
Min son var ved Svartvannet som femåring. Han gjekk på eigne bein (viss han ikkje var berre fire). Vi har hatt heile småskolen der oppe tidlegare, og vi overnatta under Stetind i lavvoar. 
Det er kjempefin natur i heile området og ei fantastisk utsikt når du kjem litt opp. Fantastisk utsikt over fjell, fjordar, havet i vest…….you name it. 
Viss alle bileta som blir publisert på Stetind-sida no blir vist til alle rundt om i landet, trur eg alle vil få seg ei oppleving berre ved å sjå dei fantastisk bileta. 
Biletet eg har rett over her, tok eg i helga som gjekk. Det er berre eit fillebilete i forhold til mange av dei andre bileta som ligg på sida som er oppretta. Enkelte er så utroleg flotte at ein nesten får frysningar. 

Stetind er like kjent blant klatrarar ute i verda som Mount Everest. Det er det høgaste fjellet vi har med foten rett i havet. Det er "Gudenes ambolt". Det er kjente sagn som følger med fjellet. Eg kan sikkert nemne fleire hundre gode poeng med fjellet.
Eit av dei som verkeleg burde bety noko, er at utanlandsturistane kjenner til fjellet. Dei syns det er mykje meir spanande med Stetind enn Snøhetta. Det har i alle fall dei vi har møtt på sagt. 
Så i forhold til Noreg og turisme, er Stetind ein betre turistmagnet enn Snøhetta. He det snakk om store tal som stoppar opp for å få tatt bilete av dette flotte fjellet. 
Folk parkerer under fjellet for å få oppleve det. Det er sjeldan du finn parkeringa tom i sommarhalvåret. 

Det er ikkje utan grunn at 71 grader nord valgte å legge delar av programmet til Stetind. (OG) Neste mandag får vi sjå Dag-Otto Lauritzen og Kristian Ødegård realisere ein av sine draumar, nettopp Stetind. Kvifor er det slik at fleir og fleir får opp augene for dette fjellet?
Det er jaggu meg på tide. 

Heile landet hadde sjansen til å stemme den gongen det var ei avstemming i forhold til dette temaet. Det blir for teit å seie at nordlendingane mobiliserte seg. Vel, det gjorde jo søringane også, det, utan at det strakk til. 
Slik er det alltid. Er det snakk om Nord-Noreg, så nei………… Akkurat som OL. Tromsø kunne ikkje få OL. Like etter er det greit ar Oslo skal få det. Dobbeltmoral deluxe. 
At IOC står for det dei gjer og alt det negative som har fulgt med heile OL i det siste, er vel ikkje nok til å trekke søknaden. Det er jo snakk om OSLO!!! 
Det er på tide at også søringar kan unne nordlendingane noko. (For all del…..Misforstå meg rett. Det er mange "ålreite" søringer som talar vår sak, Så takk til dei. MEN det er alt for mange som gjer det motsatte. Det er dei eg vil til livs.) 

Det fins mange fine fjell i dette lange landet vårt. Det er sikkert fleire som kunne ønske at "deira" fjell var aktuell. Vågakallen i Lofoten, sånn berre for å ta eit døme. Flotte fjell fins det mange av. 
Likevel, Stetind fekk tittelen, det er komen med i lærebøker som nasjonalfjell, Børge Brende anerkjente det som nasjonalfjell, Arne Ness sjølv var einig(!), det er reklamert mykje for det……….. 
Vi vil berre bli latterleggjort utad om vi no skulle dukke opp med eit anna nasjonalfjell enn det vi allereie har. Tyskerane (spesielt dei) vil le av oss, i lag med mange andre nasjonalitetar som årleg besøker oss og Stetind av di dei "elskar" det. 

Eg har sett Snøhetta "live" ørtiførti gonger og det har gjeve meg null og niks. Eg har aldri tenkt "wow" kor flott". Tru meg…….DET gjer du om du ser Stetind "live" ein soldag uavhengig av om du ser det frå botnen eller toppen. Er du så lur at du følger turstien opp, er du solgt!! 
Unnskyld at eg seier det, men eg har problem med å ta "turmannen" seriøst. Og så håper eg at eg ikkje fornærmer han med å berre kalle han "turmannen". Det er no eit begrep eg har laga på han ut frå kor teit eg syns det heile blir. Så det så……..

Ha ei god natt og sov godt. Det kjem eg til å gjere. Kven gjer ikkje det etter å ha sett så mange supre bilete av NASJONALFJELLET VÅRT!! (Det har gått såmange år no, så la det vere som det er! Bitre andreplasseringsmenn fins det nok av i denne verda om dei ikkje skal finnes blant fjellelskarar også. Hallo…….Grow up!!!)
Smask!!

IWALY!

tirsdag 25. februar 2014

I koma i Thailand i sju måneder - UD vil ikke dekke hjemtransport. Ei klassisk sak som provoserer mange, medan andre har full forståing for det heile. Ei sak der det moralske står i sentrum. Kva har vi ansvar for sjølv og kva kan vi forvente av den norske stat. Det som er sikkert, er at det fins mange betrevitarar rundtomkring. (Kanskje ikkje noko nytt, det??)

Det er ein nordmann som har råka ut for ei ulykke i Thailand. Han har no vore i koma i sju månadar og sjukehuset ønsker at den norske stat skal ta ansvaret for mannen. Det er ikkje gratis å ligge på sjukehus, og sjukehuset er ikkje interessert i at mannen skal bli liggande der lenger.
Poenget er at det er ingen som tar dette ansvaret.
Så kan ein spørre seg…..Har denne mannen rett på hjelp frå Noreg?

Kva er det vi alle saman er "forplikta" til å ha når vi skal ut og reise? Jo, ha ei reiseforsikring. Akkurat på dette området er det mange som "sviktar". Forplikta og sviktar er kanskje to ord som ikkje er heilt korrekte, men om eg set det litt på spissen, er det vel slik det er. I alle fall bør ein stå registrert i den norske folketrygden.
Når vi då får ei slik sak, der ein mann flyttar til Thailand for å bu der, ikkje vel å stå i folketrygden, ikkje har noko form for forsikring…….. Kva er rett og gale då?

Det er skremmande mange nordmenn som er ganske så likegyldige når det kjem til reiseforsikring. Viss du råker ut for noko, er det ei billig forsikring. Viss ingen hadde hatt reiseforsikring, ville det blitt enormt dyrt for den norske stat å få alle som trenger det heim.
Det er klart det er trist at denne mannen ikkje får hjelp, men viss han får hjelp, betyr det at alle kan gje blaffen i å ha ei slik forsikring (dersom det å halde seg i live, eller frykta for å bli sjuk utanlands er det som ligg til grunn for forsikringa). Er det frykta for tap av av mobilen eller liknande, ja……..

No kan det heile virke litt kynisk frå mi side, men det er i såfall ikkje meininga. Eg syns det heile er tragisk og på ein eller annan måte burde "vi" kanskje få han heim. Det er berre det at ein eller annan stad å det gå ei grense. Vi har sjølv eindel ansvar i livet vårt. Blant anna gjorde mannen eit dårleg valg då han entra motorsykkelen utan hjelm.
Når han vel å ikkje vere forsikra, ikkje stå i den norkse folketrygda, har han forsåvidt tatt eit valg på eigenhand. Og ja, mange tenker ikkje nøye nok gjennoom ting og mange tar dårlege/uheldige valg. Likevel, dette er noko vi alle må tenke gjennom, og vi veit faktisk om det. Vi veit at vi må vere forsikra.

Mannen har ingen nære slektningar her i Noreg og han valgte å flytte til Thailand. Utan å ta sine forholdsreglar har han satt seg i ei slik stilling at han faktisk ikkje har krav på noko hjelp……..
Kynisk? Ja……, men……..

Sånn litt på sida, såg eg at fleire har samanlikna det heile med dei to i Kongo og at Noreg har pøsa på med pengar i den saka. Joda, eg ser poenget……., men dei to har heile tida stått i folketrygda, den gjenlevande kan enno kome heim i live (noko mannen i Thailand ikkje kan - det er ein respirator som held han igong). Saka i Kongo har heilt klart preg av korrupsjon, lite er prova når det gjeld skuld. Eg vil påstå at dette er to saker som ikkje er samaliknbare. (Vel vitande om at mange vil vere ueinige med meg der.)

Så det medmenneskelge ved meg meiner at vi bør hjelpe, men viss eg set tilsides alt som har med medmenneskelegheit å gjere og kun ser kynisk på rettigheiter og val mannen sjølv har gjort, stiller saka seg annleis. Trist, men realiteten…..

Opplagsras for avisene. Jaujau….Er det så rart då? I helga las eg papirutgåva til VG og det første som slo meg medan eg las i ho, var at dette er ikkje kva eg kallar vis, men rett og slett eit sladreblad. Det var så "Se og hør"-prega at det var skummelt.
No var det VG eg lasi, men dette er nok istor grad treffande for bra mange aviser. Aftenposten klarer enno å produsere stoff på ein slik måte at ein kan seie at det er ei seriøs avis…….Resten slit i stor grad.
Berre la meg få poengtere at eg snakkar om dei største avisene. Det fins sikkert mange lokalaviser som er bra, men eg har nok ikkje lest alle av dei, på langt nær.

Det er kanskje frekt å seie det, men eg gjer det likevel. Det kan virke som om at dagens unge ikkje evnar å lage avis. Dei veit ikkje kva dei skal "sjå" etter (les skrive om). Det blir for teit når majoriteten av ei avis ein dag kan omhandle temaet sex, samliv, mote og kjendisstoff. Enkelte tema er rett og slett utdebbatert. "Slik blir du ein betre elskar"…… Eg kjøp då vitterleg ikkje ei avis for å finne ut av nett det. Det er vel ingen andre enn ein eventuell partnar som kan fortelle kva ein gjer feil eller ikkje. Fasitsvar fins ikkje blant utanforståande.
"Difor går det galt i ekteskapet"……. Der skal dei jaggu meg ta æra for at dei veit svaret på det også. Eit ekteskap fungerer på same måte for alle, kan det virke som. Gjer slik og slik og du får det perfekte liv.
"Terningkast 5"….. Oi, så gøy! Det er skikkeleg kult å lese kva terningkast Jan Thomas har gjeve Mia Gundersen, Jennifer Aniston eller Sandra Bullock.
For ikkje å snakke om at det ikkje er noko seksuelt bak det å amme!! Fantastisk! Avisa blir jo komplett når ein legg alle desse temaene ilag.
Ser du poenget? E snakkar AVIS. Ei avis som i utgongspunktet skal spreie nyheiter i inn-og utland. Gjerne då av eit anna kaliber enn kva stjernene har funne på i dag. Saker som kanskje gjer litt meining.
At kjendisane fyller kinna, leppene og deler av panna med botox, ja det får andre ta seg av. Det blir for useriøst av hovudstadsavisene å bruke tid på det.
Som sagt……Eg trur det er dagens unge journalistar som har vore med på å legge bana i den retninga. Kanskje tar eg feil, men det er no uansett det eg trur.
Så då kan ein stille spørsmålet….. Er det rart at opplagstala rasar?
Viss eg kan lese mykje av det same i Se og hør som i VG (eller andre aviser), ja då held det vel at eg kjøper ei av dei. Eg gidd ikkje betale dobbelt opp for same "kunnskapen".
(No skal det seiast at Se og hør ikkje gjer seg rik på denne knetta. Eg kjøper bladet om eg skal ut og fly, eller for å få programoversikta til jul og påske.)

Nei, få eit betre begrep på kva nyheiter og aviser har til felles, så kanskje…………
Berre for å gni det litt meir inn…….. Du kan jo lese nettutgåver også. For å få tilgong til dei "beste" sakene, må du abonnere på VG+ (for å ta eit døme. Når "Dette savner vi i sexlivet" er ei av sakene dei lokkar med for å få folk til å abonnere på VG+, tja………Treng eg å seie meir??? Avis?!

Det er tysdag og jomfrua har vore for mykje i ro dei siste dagane at det gjer seg utslag i at ho blir litt kverulant. Sånn kan det gå…….
Uansett, ha ein fortsatt fin tysdag. Denne knetta skal no halde seg i ro litt til før ho kan finne på nye sprell.
God ettermiddag/kveld!

Hasta luego!

IWALY!!

søndag 23. februar 2014

Det har vore ei roleg hyttehelg der radioen har fått gå seg rimeleg "varm". Det vil seie i mykje større grad enn vanleg. Det er vel neppe vanskeleg å skjønne at det er snakk om at OL har ein del av skulda der.
Det har vore interessant å vurdere kommentatorane opp mot einannan, enkelte hakket betre enn andre. Det er stor forskjell på å vere "heilt vanleg" (nesten til grensa av upåvirka) og det å vere nesten overivrig. Sjølv syns eg dei som var ivrig var hakket betre å høyre på. Det skapte liksom litt meir glede. Det var lett å flire til dei når dei blei litt for ivrige og sa eindel "teite" ting.
Så med radioen på var det ikkje heilt feil med det ustabile vèret (sjølv om det var enkelte kroppsdelar som ikkje var så happy for det).
Alt i alt ei fin helg, men eg skal ikkje skryte på meg for mykje utetid.

Her om kvelden såg vi sånn aller hurtigst på "American Idol", eit program vi aldri ser på elles, men akkurat denne kvelden blei det no berre slik.
Fleire gonger når dei har sendt den norske versjonen, har eg tenkt "hjelpes meg, kva i alle dagar gjer dei på audition" og har sjølvsagt samtidig forstått at det har med gleda av å eksponere seg sjølv å gjere. Andre gonger er det mest eit resultat av eit eller anna veddemål.
Så kan ein spørre seg kva som gjer at det blir slik. Eg tenker at svaret er enkelt. Det er enkelt etter å ha sett den amerikanske versjonen.
Her heime i Noreg har TV2 minst like stort fokus på dei elendige som dei som faktisk kan synge. Rølp og anna tull blir i stor grad promotert av tv-selskapet, og folk flest veit at om dei finn på noko sprell så er sjansen stor for at dei kjem med. Slik er det ikkje i den amerikanske versjonen. Dei vel å ha fokuset på songarar som har noko ekstra å kome med.
Dei har sjølvsagt nokre få innslag av dn galne sorten, men hovudvekta av sendinga er forbeholdt dei som er flink, eller dei som nesten er flinke nok.

Denne kvelden då vi sat og såg på programmet, viste dei 90 % med dyktige songarar og dei resterande 10 % veit eg ikkje heilt kva eg skal seie om. DET var verkeleg ei oppleving (om den er negativ eller positiv skal vere usagt, men noko var det).
Ein "mann" som kom inn sa følgjande: Jeg har noe verden må høre. Wow……Det vitnar om eit sjølvbilete som talar stort. Så då tenkte eg at no kjem det noko bra.
Han starta og eg tenkte at han var god på gitaren sin, så det lova bra. Heilt til han byrja å synge!
Kva er det dei brukar å seie…? Holy crap (eller noko i den dur)? Det var totalt meiningslaust med den stemmen til det fine gitarspelet og setningen "Jeg har noe verden må høre" blei berre så latterleg.
Berre så det er sagt, så er det ikkje meininga å vere ekkel mot nokon, men har ein først valgt å vere med i eit offentleg program, har ein også valgt at det er greit at ein får meininger om seg.
Dommaren var ganske knusande i dommen sin. Han snakka om både den subjektive og den objektive delen av dømminga. Den objektive vinkelen fastlo ganske tydeleg at synginga rett og slett ikkje var god nok.
Greit nok det. Det veit ein jo på førehand at dommen kan bli. Likevel, når dommen kjem så ufatteleg "plums" på deltakaren……. Han forstod ingenting. Han braut heilt ihop og kunne ikkje skjønne kvifor han ikkje skulle vidare til Hollywood.
Då han kom ut av lokalet, sa han Jeg kommer hvert år til det slår til. Stemmen min runget!!!
Og jomfru Knutsen blei berre sittande heilt paff og heller ikkje skjønne bæret. Berre at bæret ho ikkje skjønna var korleis han kunne tru at han kom til å gå vidare.
I tillegg til denne deltakaren, var det ein til som var ganske overmodig. Han sa etterpå Jeg var litt for nervøs. Akkurat der og då måtte eg berre flire. Om han hadde hatt full kontroll på nervane sine, ville det ikkje vore noko å hente.
Heldigvis blei det med desse to hankjønna. Resten var kjempegode songarar som ga dommarane litt av ei utfordring med tanke på at dei har x antal bilettar å gje ut.

Kva tid skal vi bry oss, og kva tid er det greit å blande seg inn? Og kva er forskjellen på desse to spørsmåla? Kva betyr å bry oss? Bryr ein seg om ein blandar seg inn og har meininger om ting og tang og syns det er greit at folk får høyre alt ein veit om andre? Har vi då brydd oss og er det greit? Kva tid trør vi over den grensa for kva som høyrer privatlivet til og ikkje?

Alle desse spørsmåla er vanskelege, men gudane skal vite at dei er gjeldande i særs stor grad både titt og ofte. Det er slik ein ser kven ein kan stole på, eller ikkje. Det er då ein ser kven ein kan titulere som ven, eller ikkje. Eg trur det kan bli ganske mange "eller ikkje".
Kva glede har vi eigentleg av å strø salt i andre sine sår? Svaret burde vore enkelt, men er nok ikkje det. Svaret burde vore inga glede, men likevel viser fleire at det faktisk gjer glede om ein spreier antakingar ein sit på ut til andre. Dei skjønnar ikkje kva det er dei faktisk gjer.

Då eg var russ, kjente eg ei som fann seg ny "partnar" 6-7 helger på rad. Eg tenkte mitt kvar gong ho sa  ho angra seg, men dømte ho aldri og sa heller aldri noko om det til andre. Kvifor eg holdt kjeft? Svaret er veldig enkelt. Eg har ikkje noko med kva andre vel å gjere med livet sitt.
Sjølv smakte eg ikkje alkohol i løpet av heile russetida, noko eg er glad for i dag. Likevel, det gjorde ikkje meg til noko betre menneske av den grunn.
Det er mange "høge hestar" rundt omkring, Så alt for mange. Då er det eit ordtak som passar bra…… Den kan kaste den første steinen den som er skuldfri. Den som aldri har gjort noko gale i livet sitt….. Det er mange som allereie har kasta den første steinen….og den andre og den tredje…….utan å vere totalt skuldfri. Kva seier det om dei?
Det er lett å anta, men det er også lett å anta noko som er heilt feil. Slikt blir det rykter av og rykter er farleg. Dei kan skade mykje og etterpå kan det vere særs vanskeleg å "rydde opp". Då er det ikkje kult å vere ein av dei som har spreidd rykter og delvis har skuld.
Det er lett å vere etterpåklok, men då kan det ofte vere for seint.

For all del…..No må ikkje nokon analysere det eg skriv og grubbelure seg frykteleg halvt i hel for kva det er EG har rota meg inn i. Eg lev mitt liv stille og roleg utan dei store sprella, så denne jomfrua har ikkje hamna ut for noko som helst.
Eg har berre høyrt rykter………Rykter om andre og lurar på kva glede andre har av å spreie desse ryktene. Rykter som krenker privatlivets fred for enkelte og som alle burde halde seg for gode til å snakke laust om med andre. Ting som ikkje angår dei, som samtidig er med på å skade fleire enn ein kanskje tenker over i "iverens snakkesalige" stund.

Når ting er vanskeleg, er det ikkje greitt å forholde seg til at alle andre trur dei veit. Ein har gjerne nok med seg sjølv og burde få lov til å forbeholde seg retten til å ikkje trenge å tenke på kva andre seier.
Eg veit kva mitt svar blir om nokon spør om eg har høyrt……….. Eg kjem til å svare at det har vi ingenting med og at det bør vi halde oss for gode til å slarve om.

Å slarve er å blande seg. Å forvente å få vite er å blande seg.  Å bry seg er å vere der og vise omtanke og la den som slit skjønne at du forstår og er der om det trengs. Er der utan fordømming. Utan krav om svar. Ein lar vere å kaste den første steinen av di ein veit at ein sjølv ikkje er feilfri. Ingen er det!

Eg prøver så godt eg kan å ikkje kaste den første steinen. Det er ikkje alltid lett, men eg prøver i alle fall å vere litt bevisst på det.
Har eg høyrt eit rykte eg syns er "verdt" å nemne, seier eg at et er eit rykte og at eg ikkje kan gå god for det.

Det er så lett å dømme……..

Uansett…….Ha ein fortsatt fin kveld. Det er enno litt att av den. Sov godt til natta og drøym søtt!

Hasta mañana!

IWALY!!!

fredag 21. februar 2014

Dyr er skapt ulike, men på mange områder har dei fleire ting til felles. Det vere seg antall føter, auge, munn (gap), at dei har tenner og så vidare i det uendelege. Joda.......Vi har dei dyra som skil seg ut på mange områder også. Kenguruen til dømes. Det er vel inga tvil om at den ikkje er heilt som "ale andre".
Jaja......attende til poenget. No kan du lure på kva poenget mitt er! :)

Elefanten! Kva skil elefanten frå dei andre dyra som no er sånn høveleg likt skapt med tanke på kva dei er utrusta med? Då tenker eg ikkje på storleik og slikt.
Viss eg no seier at du skal bruke fem minuttar på å tenke deg om for å finne ut kva som er så spesielt med elefanten kontra ein tiger, eller ein sjiraff for den del, trur eg du kjem attende utan å ha blitt så mykje kolkare. Ergo lar eg vere å be deg om det. Berre les vidare.

Som eg skreiv har dyra mykje felles, men elefanten har ein ulikskap i forhold til dei andre, og denne "feilen" omhandlar føtene.
Dei fleste dyr har fire føter, og det har jo sjølvsagt elefanten også (med mindre det har skjedd ei revolusjonering det siste døgeret). Likevel.....der er eit lite MEN, eller kanskje det burde stå "stort" MEN.
Elefanten er det einaste dyret som har knær på bakføtene sine! HAha-.......... Kven er det som tenker på det, liksom. Det er ikkje akkurat noko ein berre kjem på av seg sjølv.
Det stemmer faktisk!
Det er berre å ta ei katte. eller ein hund som eksempel. Bakføtene der har ikkje noko knær. Dei har kun hofteleddet og så går det rett ned. Elefanten har altså knær der!!
Giraffen "manglar" knær bak, sebraen likeså........ Eg kan ramse opp heile lista, men gidd ikkje.

Så no har du forhåpentlegvis lært noko nytt i dag også. Elefanten har knær på bakføtene, det har ingen andre dyr!
Ha ei fantastisk fin helg!! :)

Hasta luego!

IWALY!!

onsdag 19. februar 2014

Gutt tjuvlånte bil igjen! Jaujau……..Det er visst ikkje greitt å vere 10 år.
Sist gong blei det sagt at det var første gong han køyrde bil. Då kom han seg 1 mil før det gjek galt. Denne gongen kom han seg 3-4 mil. Ein distanse som er ganske lang til aldri å ha køyrt bil før.
Eg skal ikkje påstå at det ikkje stemmer, men eg syns no verkeleg det høyres rart ut, og akkurat det må eg no berre få lov til. Det er sikkert fleire enn eg som tenker tanken.

No spørs det……. Det er snakk om to vidt forskjellige bilar. Dersom dei begge er automatgir, så kanskje…..men er det vanleg gir-bil, så spør eg meg sjølv om det er paktisk mogleg for ein tiåring å få til å køyre med tanke på giring, kløtsj osv osv…..

Derfor bør du smile oftere. Det er vel ikkje akkurat noko røyndom at å smile har mange positive effektar. Ikkje berre gjer det deg meir attraktiv, men det hjelper deg til å sjå yngre ut. Kven er det ikkje som vil nett det?
Vil du ha ein mann på kroken, kan det vere ein føremon for deg om du smiler. Det vil garantert appelere meir positivt på han enn om du har surtrut….. Då er vel sjansen heller større for at han ignorerer deg. (Eg trur ikkje menn syns det er så superkult med sure kvinnfolk.)

Smil reduserer stress og er bra for hjartet. Berre dei to årsakene åleine er verdt sjansen. Ta sjansen og gje verda eit lite smil, så vil du kjapt sjå effekten av det.
Kva er vel betre enn å forlenge livet sitt på bakgrunn av noko så enkelt som eit smil? Det blir jo berre teit å la vere (om ein set det litt på spissen.)

Standard smil, eller ekte smil…..That´s the question. Smilet må på ein måte gå inn i deg for at det ska fungere som medisin. Du må på ein måte kjenne på gleden det gjer deg av å gje andre eit smil.
Det løyser opp mange positive hormonar. I tillegg blir dei du omgås i betre humør istadenfor at dei skal irritere seg over at du er sur så alt for ofte. Det skaper berre dårleg miljø, og det er ingen tent med.
I tillegg er det kostbart for samfunnet dersom ein brukar arbeidsdagen sin på å vere sur.
Ein som er så mykje sur, skapar drleg miljø, og dårleg miljø skaper såvisst ikkje noko effektivisering. Det sørger berre for at fok gruar seg for å gå på arbeid. Gruar seg for å møte på den som går rundt og forpurrar dagen deira ved å ikkje evne å kunne gje eit smil (som er ekte).
Eg meiner verkeleg at det er noko å tenke over. Alle burde tenke over om dei smiler nok.
Gjer du i det heile tatt eit forsøk på å gjere det?
Eg smiler kvar dag, eg! Også til framande……….. Eg hugser då eg var ti år gamal og kom gåande ned ein bakke. Då kom det eit kvinnfolk imot meg, og av rein høflegheit sa eg "hei" då eg passerte ho.
Ho stoppa opp og snudde seg etter meg og sa "Kjenner eg deg?". Eg svarte sjølvsagt nei til det og då fulgte ho opp med følgjande strofe som eg aldri kjem til å gløyme. "Kvifor i all verda sa du hei til meg viss du ikkje kjenner meg." 
Den dag i dag tenker eg "sure drittkjerring". Kva er vitsen med å seie det til eit born? Sjølv som tiåring skjønte eg at dette var ei kvinne som ikkje skjønna mykje.
Hadde det vore midt på Karl-Johan……..men ikkje i ei bygd der folk stort sett kjenner kvarandre og det er langt mellom dei menneska du faktisk treff på.
Så det var takka for at eg ga ho eit smil og eit lite "hei". I dag veit eg at fleire liv har blitt berga av eit slikt smil og ein slik liten kommentar. Berre det at ein har "sett" eit anna menneske kan utgjere forskjellen for den som blir sett.
Kvinna har brent seg fast på hjernen min og er som eit skrekkeksempel for meg på korleis EG ikkje vil bli.
Eg var blid som unge og eg er blid som vaksen. Det er eg glad for.

Smil smittar! Så mi oppfordring er kjem gjennom ei utfordring. Smil til dei du har rundt deg og legg merke til effekten det garantert vil gje.
Har du slitt med å vere sur lenge, kan det hende at det vil ta litt tid før effekten gjer utslag, men det er verdt det. Viss folk er vant til at du konstant er sur, tar det litt tid før dei faktisk oppdagar at smilet er ekte. Så byrj i dag…..smil og gjer verda til ein betre stad å vere!

Ha ein super kveld!
Hasta mañana!

IWALY!!!

tirsdag 18. februar 2014

Dei hundre viktigaste nordmenna! Jaja, så spørs det no nett om denne knetta er einig i alternativa eller ikkje. Joda, enkelte av dei er nok viktige, historisk sett, men enkelte er eg ikkje heilt sikker på at fortener ein plass på nett denne lista. Det attstår å sjå kven folk vel å stemme på. Sjølv kjem eg ikkje til å avgje ei einaste stemme, for eg ser ikkje heilt vitsen med denne avstemminga. Hadde det vore 100 "gode" alternativ, så kanskje, men no kan gud og kvar mann stemme kva som helst og det er slettes ikkje sikkert at alle er like seriøse når dei stemmer. Det blir litt ekstremt å sette Henrik Ibsen opp mot Elise Ottesen-Jensen eller i motsatt veg mot Kirsten Flagstad.
Hadde det vore ei form for kategorisering, ja då hadde det kanskje gjeve ei form for meining, men desse tre alternativa er langt frå samanliknbare.

Juryen har nominert Henrik Ibsen som nummer ein. Henrik Ibsen er heilt klart viktig og bør stå på topp 100. Akkurat det er eg slett ikkje ueinig i. Likevel, det er langt i mellom det å ville ha han på lista og det å plassere han øverst. Hovudårsaka er det moderne dramaet, medan Ottesen-Jensen kjempa for å avkriminalisere abort og for at det skulle bli lovleg å informere om seksualitet i skulen.
Når ein då tenker på det samfunnet som var før i tida opp mot kvinnesynet, er det hakket viktigare.
Med viktigare, meiner eg ikkje at ho burde stå øverst. Eg berre plukka ut eitt døme av mange.
Kirsten Flagstad er kjent som sopran. Med andre ord ho syng.

På mange måtar er alle på lista perosnar som har vore forbilete for andre på kvar sine måtar. Så kan ein spørre seg……..Kva kriterier ligg til grunn for å kome på ei "topp 100-liste"? Når første kvinnelege statsminister, ei kvinneleg løpelegende, ein forfattar, ein songar, ein seksualopplysar, ein statsvitar, ein skodespelar og ei matmor hamnar på same lista, blir det vanskeleg å stemme. Kva er viktigast?
Dei kunne heller h alaga denne lista vilkårleg og latt vere å ha noko avstemming.

Reisene du kan skryte av, og så viser dei eit bilete av ein hai med open kjeft!! Hallo…..Eg har då vitterleg ikkje tenkt å svømme med superfarlege haiar berre for å ha noko å skryte av. Då tar eg heller ein svipptur over til han Clonney og avlegger han eit besøk. DÅ hadde eg hatt noko å skryte av. Dessutan er han jo singel, så………

15 romantiske hoteller for en SKIKKELIG voksentur. Korleis definerer vi ein vaksentur? (Eg tør vel spørre om det?) Ein treng vel ikkje dra lenger enn til Grand i Narvik for å kalle det vaksentur og om det hotellet er så ufatteleg romantisk kan jo diskuterast.
Mørk og mystisk romantikk…….. Kven i alle dagar vil ha mystisk romantikk? "Ha bind for augene, så veit du ikkje kven som dukkar opp?"
Par-spa…….Hahahahaha…….. Eg skulle vel aldri ha tid til å gå på noko spa i ein slik samanheng. Nei, åleinetur og spa……ja, men om ein ikkje er åleine, så held det med nokre jordbær for min del.

Det er visst nokre bileter av store rom med gode stoler og liknande. Kva i alle dager skal ein med stoler om det er vaksentur? Er det meininga at vi skal sitte i kvar vår stol og spørre "Ka syns du om den nye presten vår?" eller "Ka du trur vi får slags vær i mårra?" Viss ikkje det fungerer som forspill, så veit ikkje eg! Hahaha…….

Buddha, Barcelona, Roma, Lyon, Venezia, Madrid……..Det er då farsken at ein må så langt unna for å få ei vaksenhelg. Då går jo mykje av tida bort i venting/reising. Bortkasta tid! (Seier eg som meir enn gjerne kan tenke meg å dra ti alle desse stadene, men berr ehugs at det har eg aldri sagt!)

Dessutan fins det ein stad i verda der det er påbudt å vere naken. Eg trur eg skal la vere å opne sida og sjå kor det er. Kan vere litt farleg med tanke på at det då lett kan bestillast billettar. Ikkje verdt å utsette seg sjølv for det! :=)))))

Ha ein fantastisk slutt på kvelden. Eg er på tur i seng og håpar på ei litt betre natt enn den som nett var. (Ein liten kar med øyreverk.) Sov godt når du legg deg!

Hasta luego!

IWALY!!!


mandag 17. februar 2014

Ti ting ingen menn bør ha i garderoben. Her snakkes det kleskriser på høgt plan!! I´m just saying it…. Ørsmå badetruser (!), t-skjorte med djup utringning og ikkje minst "bling"-øyredobber. Tre av ti, men kanskje dei tre verste

Badetruser…… Kven likar å sjå menn i urpittesmå badebukser, sånn eigentleg? Trur menn verkeleg at det er sexy? I´m just asking…. Eg veit mykje, men eg har aldri vore inni ein mannehjerne før, så spørsmålet er reelt.
Berre så det er sagt, så har jo alle rett til å ha sin eigen stil. Det er nok ingenting å seie på det. Likevel, enkelte ting er ikkje til unngå debatt rundt. Dukkar du opp foran augene mine med ei slik "bukse", får du ikkje akkurat imponerande blikk attende. I promise!

Bling-øyredobbar!!! (For dei som lurar på kva det er….) OG hallo?? Det er då vel ingen menn som har dette i "klesskapet" sitt? DET er i såfall creepy!! (Unnskyld viss eg treff deg på tåa om du er så uheldig å vere blant dei menna som faktisk har slike fancye dobbar.)
Kvifor denne eigentleg er representert på lista, er for meg ganske uforståeleg. Slik er det berre.

T-skjorte med djup utringning treng vel strengt tatt ikkje kommenterast?! Eller…..? I alle fall kan ikkje menn med hår på brystet bruke slike skjorter. Akkurat det er udiskuterbart! 
Sjølv om dei er verst på "hår-menn", er det ikkje særleg hot på glattbrysta menn heller. Det er heller litt meir sånn der kleint. (I alle fall om du spør meg.) Så noko sjekketriks er det neppe. 

Eller så er jo tre av ti litt lite, så her må ein finne litt fleire ting å putte ved. Superspisse sko tronar jo då høgt på lista. Superspisse sko var verkeleg populært ei stund. Eg hugsar godt at enkelte menn gjekk og trava rundt i dei der spisse cowboyskorne sine…….Ikkje særleg fine, men dog populære. 
I dag ser vi sjeldan menn i slike, og det er nok det beste. 

Sko med borrelås!! Say no more!! I 2014 går ikkje menn med det?! Borrelås er for born, ikkje menn. (Eg er stygt redd for at det kan vere eindel vaksne og "mandige" menn der ute med borrelås.) 
Nei, borrelås seier liksom litt sånn der "Hei, du! Æ e nu ennu litt avhengig av ho mamma!! Ho har ikkje tid tell å knyte skoan mine, så æ kjøre heller det lette alternativet. Ho mamma må jo få kvile litt også"!

Dressvest! Hahahaha……..Det er no ikkje så altfor lenge sidan det var in å ha ein vest? Det hugser eg godt. (Eg veit at eg har ein kollega med "mann og vest", men eg trur ho har gøymt vesten hans langt bak i skapet!)
Dressvest var no vel eigentleg litt populært blant kvinnfolka også, om eg ikkje hugser så alt for feil. Det kan jo vere at nett dei små grå som har ansvaret for dressvestar har tatt ferie, men eg trur ikkje det. 
Dressvest er ikkje det verste ein mann kan ha, men det ins definitivt betre alternativ. (Stakkars, det kan sjå ut som det er mange menn som må ut og fornye garderoben sin totalt.) 

Plagg med sjekkereplikk er berre kleint. Ei t-skjorte til dømes……"I´m not a gynecologist, but I´ll take a look". 
Dei fins, dei menna, som faktisk trur at kvinnfolk faller for ei slik skjorte, men sanninga er at det er berre menn som syns den er kul. Hadde ein viss kar her i huset kommen med ei slik skjorte, trur eg han hadde vore snar med å få den av. Eg trur neppe eg hadde trengt å sagt noko som helst. Augene ville talt for seg. 

Boot cut-jeans. Snekkarbukse for dei som ikkje er så internasjonal at dei skjønnar språket her. Menn i snekkarbukse…… Eg klarar eingong ikkje å kommentere det. Eg får slik ei sperre av å lese ordet…..
"boot cut". 
Eg trur eg skal foreslå for menna på arbeid i morgon at dei må dukke opp med ei slik bukse ein dag. Då får eg eit reelt bilete oppi hovudet mitt. Eit biletet som kanskje (og berre kanskje) er hakket betre enn det eg ser for meg no….. Nei, vent…..Eg veit ikkje om eg vil utsetje meg sjølv for det. Eg deler trass alt kontor med ein mann som garantert ikkje kjem til å sjå så ufatteleg kul ut i ei slik bukse. (Med mindre det er snakk om karneval…)

Det var åtte av ti. Då manglar det berre to. Lang skinnfrakk og sporty fleirbruksbukser. Tja, eg syns vel eigentleg at dei to siste alternativa ikkje er så ille. 
Joda, ille, men langt frå uspiseleg. Lang frakk er jo stilig, emen i skinn blir det nok ikkje heilt på rett stasjon. (Kven veit? Det kan jo faktisk hende at den mannen som passar ein slik frakk faktisk fins.)
Då er eg meir usikker på kva eg syns om fleirbruksbukser. Eg får ingen umiddelbar reaksjon som seier nei eller ja, men i og med at eg er inne i ein god steam her, så burde eg gå for at menn ikkje skal ha ei slik bukse………MEN eg ser ikkje eingong for meg korleis ei slik bukse ser ut. 
Jaja, noko må menna få ha i fred Vi blandar oss jo inn i alt, så ein stad må det vel gå ei grense, sjølv om vi ikkje ønsker å sjå den. 

No er det kveld for meg, så ha ein fortsatt fin kveld og god natt! :=)
Sov godt!

Hasta luego!

IWALY!!!


søndag 16. februar 2014

Så er helga over for denne gong. Vi er allereie komen så langt at vi er på tur inn i uke 9 i det nye året. Med andre ord går tida jaggu meg fort.
Det er OL, og i den norske leiren er det smøreteamet som får det største peset. Sjølv engasjerer eg meg ikkje noko særleg, men eg legg sjølvsagt merke til at det er mange ekspertar i dette landet. Til og med dei som knapt har hatt ski på føtene har ekstremt god peiling. Eg har ikkje talet på kor mange statusoppdateringar som dei siste dagane har omhandla at det er teit å skulde på smøringaav skia. Det er løparane det er noko galt med. Jaja……..Det kan jo hende det, men det er kanskje urpittelitt rart at det skjer med så mange på ein og same gong. Likevel…Kva veit vel eg?

Det eg veit, er at dei gongene det faktisk har vore løparane som har hatt skulda tidlegare, ja då har løparane faktisk sagt ting som "at i dag var jeg ikke god nok". Dei har sjeldan klaga på skia.
Så kan ein spørre seg om kvifor Northug sa at han hadde greie ski idag………… Skia hans blei ikkje slipa av det norske smøreteamet. Så alle dei som fekk skia slipa av troppen klaga, medan den einaste som ikkje hadde same førebuingar av sine ski som dei andre, gjekk bra.

Eg sa at eg ikkje har engasjert meg så mykje i det heile, og det stemmer. Det betyr ikkje at eg ikkje gjer meg nokre tankar om det. Det er imidlertid ikkje gjer, er å gå ut på nettet og tru at eg har så mykje peiling at eg kan be skigåarane slutte med å klage og heller innsjå at dei må skjerpe seg.
Så veit eg også at skia har mykje å seie for korleis det går. Det veit alle som har prøvd seg litt på ski.
Det er forskjell på kor mykje du kan slappe av innimellom om du har god glid eller mykje.
Vi såg sjølv at ein nordmann måtte stake i nedoverbakke. Då krever det veldig mykje meir av han for å vinne enn ein som har god glid. Punktum finale.

Menn og forhud. Dersom du ikkje er klar over det, eller om du faktisk lurar på det, så er det ei årsak til at gutar blir født med forhud. Guds skaparverk er nok ikkje tilfeldig, så det er nok ein grunn til at du ikkje skal kødde med det du har fått.

I dag er det slik at menn i hopetal, rundt om i verda, kvittar seg med denne huda som ligg folda rundt glansen på "hovudet" til guten/mannen. Huden som skal beskytte både mannen og kvinna. Ikkje minst kvinna………..(Det trur eg ikkje det er så mange som tenker over.) For kva har vel forhud med kvinnfolk å gjere? Svaret er enkelt. Eg kjem attende til det straks.

Forhuden har faktisk mange funksjonar. Det som er sjølvsagt, er at den beskytter penishovudet. Inga overrasking altså.
Fjernar du forhuden, fjerner du også følsomheita. Akkurat det er vel ikkje å trakte etter?
No er ikkje eg mann og difor ikkje uttale meg korleis menn har det under samleie, men mistar ein følsomheita, tja……….det seier no i alle fall litt.
Glansen er eit indre orga og indre organ "messer" ein ikkje med! Så å fjerne noko som skal dekke over det er vel det same som å gamble liitt. (Sjølv om det faktisk går bra med dei fleste.)
Stimulasjonen som framkalles under samleie uteblir utan fohud, og menn generelt ønsker å få orgasme. Ergo er det nett her kvinnfolket kjem inn i biletet. For det nett ho som må ta støyten for det heile.
Mannen må støte mykje hardare for å kjenne noko stimulans, noko som fører til smerte for kvinnene og dei blir i større grad fratatt sjansen til å få orgasme, dei også.

Hadde det vore meininga at menn ikkje skulle ha hatt forhud, hadde ei bore fødd utan. Dessutan har dei fleste andre pattedyra også forhud. (Som om menn er pattedyr. Thihihihihi……….)

Ha ein fortsatt fin kveld. Det er ikkje så mykje att av den, men so what? Det er vel berre å finne senga. Det blir nok ikkje så vanskeleg å finne den.
Sov godt!!

Hasta luego!

IWALY!!!

lørdag 15. februar 2014

Det var hardt å stå opp i dag! Slett ikkje noko digg, men det gjekk sjølvsagt bra. Eit par minuttar i lyset, så var ein på stasjon. (I alle fall nesten……)
Minstemann var på diskotek i går kveld og rimeleg seint i seng, noko som alltid straffar seg om ein skal tidleg opp og spele fotball heile dagen.
Han var sjuk då han stod opp, men eg trudde sjølvsagt at det kom av at han ikkje var kvil. Sjølv var han klar på at på tur skulle han. Stakkars han….Eg skulle ønske eg hadde hatt vit til å nekte han å dra. Han var faktisk sjuk……….

Kor kult er det eigentleg å vere "likbleik" i andletet og ikkje evne noko anna enn å ligge i ro på ei madrass heile dagen? (I ein hall med fleire hundre menneske rundt seg…)For så å karre seg på beina og bite tenna saman av di lysta til å spele er så innmari stor……… Ikkje ein matbit eller drikke i løpet av heile dagen, men fire kampar blei likevel spelt. Då kan ein trygt seie at på ein skala frå 1-10 på kor viktig det er å få spelt fotball, så hamnar han på 10. 
"Mamma, æ  sku nok ha vorr heime i dag", kom det så ydmykt frå han i bilen på tur heim. Då var han nok rimeleg sliten av å kaste opp heile dagen utan å ha noko å få opp. 

Eg har inntrykk av at det er mange som er plaga for tida, så eg håpar verkeleg ikkje det er meint at eg også skal bli smitta…….. Han sa det så fint då han la seg……. "Mamma, du treng ikkje å hold rundt mæ viss det e sånn at du kan bli smitta av det, for æ vil ikkje at du også skal bli sjuk." Åååh, det var ikkje vanskeleg å svare han på det! "Eg er nok først og fremst mamma, skjønne deg! Og mødre bryr seg ikkje om at dei kan bli sjuk, berre dei kan gjere noko for å "hjelpe" ungane sine." 

Hahahaha…….Minner frå farne tider!


Eg brukar jo å surfe litt på nettsidene til avisene rundt om i landet. Mest for å halde seg oppdatert, sjølvsagt. 
I og med at eg er "vestlending", er eg jo interessert i å følgje med på kva som skjer på heimplassen min. Plassen eg vaks opp på, Husnes. I dag sjekka eg ut forholda nett der, og kva anna enn dette biletet var det siste innslaget som var lagt inn på nett den nettsida?! 
Det er faktisk ein kompis av meg som har tatt biletet, og det gjorde han allereie i februar 1994. 20 år sidan!!! Hjelpes………. Eg kvaltes nesten då eg såg biletet. (Av latter sjølvsagt.)

Det verste er at bilete som dette blir lagt ut under overskrifta "Minner frå farne tider" og gjett kven som føler seg GAMMAL når ho får ei slik overskrift over seg?! Farne tider, liksom…..
Eg er då for farsken megaung enno!!! Akkurat det er udiskuterbart. Farne tider…….Blæh!!!!
Fotografen veit garantert at eg tenker akkurat slik, og akkurat no sit han sikkert der nede (trygt og godt 150 mil unna) og godtar seg med tanken "YES!! 1-0 til meg". (Han..) 
Han sit sikkert og ventar på at eg skal sende ei melding til han på telefonen og kommentere det, men eg skal såvisst ikkje gje han den gleden. (Eg håper eg klarar å la vere, for ellers blir det 2-0 til han.)
Det er heller ikkje så lenge sidan han la ut eit songbilete av meg som også var frå "farne tider". 
Så jomfrua held på med å bygge om ein megahemn. Ver du sikker! Hehehe……..

Eg seier berre takk og lov for at verda går framover. Å sjå på det biletet ga meg ein støkk som sa "Jeeeezes……såg eg sånn ut?". 
Sjå no berre på dei kvite tennissokkane…….Hallo? Jaujau……..

Nei, no startar ein EddieMurphy-film på tv´n, så denne UNGE knetta skal legge føtene opp i sofaen, legge seg godt til rette og få ei hyggeleg stund på denne laurdagskvelden. 
Så ha ein fortsatt fin kveld, den er trass alt ganske ung enno (den som eg!). Sov godt når den tid kjem!

Hasta mañana!

IWALY!! 


fredag 14. februar 2014



Kjøkkenet mitt idag. :=)

Det er vel ikkje vanskeleg å skjønne kva som tar stor plass på nettsidene til avisene denne fredagen. Det veit ein utan å opne nettsidene. Det er sikkert 78 % med kjærleik og atter kjærleik. Let´s give it a try. 

"Godt vi har hverandre", Fire date-antrekk til valentinsdagen", "13 gode råd for et bedre kjærlighetsliv" (hahaha……..13!!!), "Han får meg til å føle meg vakker og verdifull", "Rørt til tårer", "Se Craigs utrolige frieri", "Kjæresten din vil elske deg for dette", "Utrolig frieri på T-banen", "20 romantiske gavetips til valentinsdagen", "Kjærlighetsgaver til spillere"………..osv osv osv i det uendelege. (Kanskje eg må revurdere det med 78 %? Det er meir sånn der 79 %!
Og dette er berre øvredelen av EI nettside. Då har eg ikkje eingong vore innom andre aviser og sjekka. 

Kva betyr eigentleg dette? Jo……Det betyr at i dag blir det ikkje noko særleg mykje avislesing på denne knetta. Det fins då vitterleg grenser for kor romantisk ein er….. Greit med litt romantikk, men å vie heile livet, denne dagen, til det…….Tja, det er nok ikkje førsteprioritet her.
(Vel, det kan hende det er ein liten kar som kjem til å protestere nett der, for han skal på valentinsdiskotek og då er det dusjing, hårvoks og finklede som gjeld. For ikkje å snakke om rolegdansen som arrangeres utpå kvelden!!)

Hjelpes…….. Berre i løpet av dei få sekunda eg ikkje var inne på nettsida ti VG, har det ploppa opp ein drøss med andre artiklar……"Folk kjøper buketter til 2000 kr", "138 par sa ja samtidig" (Hallo??? Er det kult? Kven vil vel dele ein sånn happening med mange andre? Jaja….), "Romantisk bamsemumskake"(!! Og så bamsemums!!) og så viser dei sjølvsagt eit "naken overkroppsbilete" av hockeygutta som er i OL (sånn berre for å få dei single til å ha noko å sjå på.) 
Det er mange fleire sakerom temaet, men ……….

Blir det feil å seie at det er vår i februar?? Finn ein feil, liksom…….. Det er visst ikkje noko å seie på det om enkelte plutseleg skulle finne på og føle seg litt sånn der våryr. (Dessutan er jo det urpittelitt sunt også!)
Eg sit her i vindaugssofaen og gløttar litt mot Nestinden. Joda, eit par snøflak ser eg nok, men det er jaggu meg lite. Nordland, februar, høyden………snømangel……. That´s our life this year. 
Synd for dei som er glad i å stå på ski og bra for dei som hatar snøen. 

Sjølv syns eg det er trasig med så lite snø. Det er noko som ikkje stemmer. Ikkje det at eg ikkje er vant med lite snø, for eg er jo trass alt vakse opp på Vestlandet, men assosiasjonane til desse to vidt forskjellige landssdelane nord og sør er jo alt anna enn like. Eg bur jo i vinterland. (Trudde eg i alle fall ein eller annan gong.) 
Eg har ein gut her som skal gå minst 200 km på ski denne sesongen. Er det rart han er rimeleg utolmodig og masar og lurar på kor det blir av snøen? 

Vår i februar…….Det føles slik. I dag er det bra mange plussgrader og lite som vitnat på at det er snø i sikte. Jaja….Berre det ikkje går ut over sommaren. (At "varmen" blir brukt opp før vi treng han mest….) 
Vår, vår, vår…… 

Kvifor blir vi eigentleg våryr? Det er jo ikkje berre vi menneske som blir det. Dyra også! Sjå berre dette biletet……Her er det snakk om å vere våryr. 
Foto: Colourbox

Å vere våryr er relatert til det å få betre humør, meir energi og auka sexlyst. Alt saman kan klassfiserast som biologi. Med andre ord hormonar!! Enkelt og greitt hormonar!
Lyset som kjem med våren set følelsane (hormonane) i sving. Serotoninivået i kroppen blir stimulert, og då blir det lykke på jord. Hahaha……
Serotonin (håper eg skriv det riktig!) er det som regulerer blant anna kroppstemperaturen, humøret, svevnen, seksualiteten og apetitten. Så ei god blanding av alt dette må jo berre bli digg.
(Får vi for lite av stoffet, blir vi deprimerte……..)

Sollyset aukar testosteronnivået. (Det blir vel som ei ny forelskelse?! Stakkars menn…..må dei gjennom det kvart år? Hahahaa……. Bli våryr og ikkje få slippe til, er neppe særleg kult. )
Sanninga er at kvinner blir kåte om våren, så om kjerringa di seier noko anna, ja då lyg ho!! (For all del…. Ikkje avslør at eg har påstått det, for då risikerer eg å få mange kvinnfolk på nakken, og akkurat det er jo ikkje å trakte etter. Crazy women!!)

Nei, det er ikkje greit når ein blir årstidsforvirra. Ikkje heilt lett å skjønne om ein skal vere yr eller ikkje. Thihihi………MEN det er i alle fall lett å forstå at det er fredags kveld og no skulle eg skrive at då kan eg legge meg i kveld og vite at det er leeeenge til eg treng å stå opp att………Så feil kan eg ta. 
Det er ikkje kult å bli itt for ivrig, for så plutseleg kome på at ein har vore nett det. 
Ikkje snakk om at det blir noko langsoving på meg. Seinast sju må eg opp att. Eg skal jo på turnering i måro. Jaja, det blir no skøy. :=)
Kvelden skal uansett nytast. Litt baking og god mat…..Ikkje lov til å klage då. 
Så då attstår det berre å seie "ha ein fin fredags kveld". 

Hasta mañana! 

IWALY!!









torsdag 13. februar 2014

No trur eg rett og slett VG prøver å overgå seg sjølv! Ei av dei øverste sakene i dag er "Slik smaker årets matnyheter" og trur du ikkje det er den nye "Grandisen" og "brunost på tube" som er hovudfokuset?! Det har dei jo køyrt ei stor sak på for fleire uker sidan. (Det veit eg av di eg kommenterte det den gongen også - at eg ikkje likar tanken på at brunosten skal på tube. Prim…..liksom.) Jaja……. No når det er OL, er det vel ikkje så mykje anna som skjer i denne verda, for alle ser vel på skjermen døgeret rundt. Alle unntatt meg.

Noen bruker grøn te, andre prøver hemoroidekrem. Og der seier jomfrua ÆSJ! Det er snak om under augene og der har vel ikkje ein slik krem rett til å kreve sin plass?! Eller……?
Hovene auge og mørke ringer, liksom…….Joda, det gjer nok at du ser både eldre og trøyttare ut. Likevel…….
Ei eg kjenner, brukte å legge ei spiseskjei i kjøleskapet som ho pjåta under augene når det var behøveleg. Om det fungerte eller ikkje, veit eg ei, men det høyrtes mykje meir digg ut enn ein hemoroidekrem. Definitivt.
Då skal eg heller gå rundt med trøytte auge……..

Ei av årsakene til at mange ser hovne eller mørke ut under augene, er at dei får for mykje salt i seg når dei et på kvelden. Så ergo betyr det at ein bør ungå det.
Og ja, eg veit at hovedtyngda av årsakene ligg i det at ein legg seg for seint…….men det kan jo vere greit å ha noko anna å skulde på, så slepp ein å ha så dårleg samvit for at ein sit så lenge oppe på kveldane.
(Eg gløymte visst å nemne sukker. Det er vel inga tvil om at det er mange som goflar i seg litt av kvart innan kategorien snacks og anna godterier.)

Den der rumpesalva skal liksom få huden til å trekke seg saman. (Er det eit mål i seg sjølv og få samantrekt hud under augene? Blir ikkje det skrukkete?)

Ellers kan ein bruke dei følgande alternativa: hestekastanje-ekstrakt, ascophyyum og aspargopsis, hyaluronsyre, corallina officinalis, fraxinus, palmitoyl tetyrapeptide-7, dipeptid og lupinproteiner. 
Herregud og jessu fader!! Eg har dotte ut for lenge sidan. Kan dei ikkje norsk, dei som kjem med desse råda? Kva i alle dagar er corallina officinalis? Er det slik at ein berre går på eit apotek og ber om dette, eller selges det på coop´en, liksom?
Egsysn eg ser "trynet" på dei som jobbar der om eg spør etter akkurat det. For ikkje å snakke om fraxinus…….. (Eg trur nesten eg må teste det ut!)

Rumpekrem blir det i alle fall ikkje snakk om å ha under mine auge. Bom basta! OG er det no tilfeldigvis nokon av kjenningane mine som gjer seg nytte av dette rådet om å bruke denne kremen, ja då vil eg vitterleg ikkje vite om det.

Nei, hjernen heng ikkje heilt med i kveld, så det er på tide å la den få kvile. Dagen starta med ein brann som ikkje var brann og blei avslutta med musisering. Så først "ein god latter" og så hobby……. Skal ikkje klage der!
I morgon er det valentinesdag, fredag, helg osv……… Før den tid….sov godt!

Hasta luego!

IWALY!!





onsdag 12. februar 2014

Dagens komiske!! Hahahhaa….. ….Eller det er jo eigentleg ikkje komisk, men trasig. Det er dumt, farleg og ein heil haug med andre adjektiv som passar inn. Likevel…..om ein klarar å sjå forbi alt det der. Forbi det moralske osv osv………så er det faktisk litt komisk.
Eg snakkar om tiåringen som stakk av med bilen til foreldra. Ei sak sikkert dei fleste har fått med seg.

Det er sikkert ikkje greit å vere forelder til ein som står opp nattestid og gjer ulike ting. Hadde det vore meg, hadde eg engsta meg ihel. (Noko sikkert dei også gjer.)
Når ein går til dei skritta at ein låser av store delar av huset, slik at ein berre kan røre seg mellom soveromma og toalettet, er det nok bra ille. Så ergo er dette ei sak ein eigentleg ikkje bør "spøke" med. Likevel, det er komen eindel utsagn i denne samanhengen, og dei er berre så "herleg" at det ikkje går an å la vere å kommentere det. Slik er det berre.

Å vakne om morgonen og faktisk tru at borna dine er kidnappa…….. Kva er vel verre enn det? Neppe så mykje……
Når du då får beskjed om at borna dine er funnen like heil som før, er det ikkje så nøye kva dei har gjort…..for dei er trass alt i live. Det er det som gjeld og det er den tanken ein gjerne får når ein har vore så redd som blant anna dette foreldreparet må ha vore. Tanken på at borna er kidnappa………
Å tru at gutungen har tatt lillesøstra med seg på ein køyretur er nok det siste ein trur. Kanskje ikkje så rart?

Det som er så "herleg" komisk med denne saka, er at sjølv då han blei stoppa, var han kok roleg. Å tru at du kan klare å overbevise ein vaksen mann om at du er vaksen (i ein alder av 10 år) og finne på å seie at du er dverg…….?! Hahahaha……. Han er nok smart, ja definitivt, men likevel ikkje smart nok til å skjønne at ei slik setning som det vil rett og slett bli avslørt.
Han prøvde aldri å skjule handlinga. Han stod ved bilen og vinka og ba om hjelp til å få bilen som han hadde køyrt av veien med opp att. For så å skyulde på at han var på tur til besteforeldra og at førarkortet låg att heime. Hahahahaha……..snartenkt gut, med andre ord.

Å kome på at det fins noko som heiter dverg…………og samtidig spele "skodespelet" sitt så bra at han blei sint då han ikkje fekk den hjelpa han ønskte…….say no more. It made my day!

Joda, ein må jo seie det same som politiet……"galskap og farleg", men akkurat no - sånn litt på sida- også litt komisk!

Skal mannfolk ta oppvasken eller skifte dekk?  Hahahaha………Skifte dekk!! I alle fall om ein skal legge dei ulike undersøkingane som er på markedet til grunn. Då er svaret definitivt skifte dekk.

No er det ikkje så lenge sidan dette var ei stor sak i ei av hovudstadsavisene. No er den attende, berre at det er andre som står bak same "saka". (Temaet.) Det er eigentleg berre ei forkledning av eit anna tema. Temaet som har versert i størst grad av dei alle dei siste månadane, nemleg sex. Så kamuflasjen dei prøver på er nok ikkje særleg god. (Det er sikkert fleire enn denne jomfrua som har gjennomskoda dei!)

Kvinner tenner på maskulinitet. Tja, det kan nok sikkert stemme det……..Eg skal i alle fall ikkje protestere på det.
Uansett…….tidlegare har det vore forska på at ein får meir sex ved å skille menn og kvinner litt ifrå kvarandre når det gjeld kva syslar dei skal ha. No er det ei undersøking som seier noko anna. Den er overraskande på mange områder, og den seier at ein får betre sex om ein er meir likestilt. Altså………bør mannen både ta oppvasken og skifte dekk, og det same må jo då gjelde kvinna.
Hahahahahaha……… Då flirer eg!! Eg brukte å hjelpe mor mi med det då eg var tenåring, men det er nok slettes ingen som kjem til å sjå at eg skiftat dekk, nei. Då får dei i såfall oppleve noko som er særs unikt i dette livet, for det er så enkelt og greitt at det kjem ikkje til å skje! (Med mindre det er duka for konkurranse med stoooooor premie. Då slår jo konkurranseinstinktet inn….og det kan eg rett og slett ikkje hjelpe for. Det er ikkje eg som har sørga for dei her genene som ikkje er så glad i å tape…..)

Så kjem det beste! Vi nordmenn skil oss ut. Hahahah…….Som om eg ikkje har skjønna det for lenge sidan. Vi er og blir nokre rare dyr. Vi er ikkje som resten av verda. Slik er det berre, og vi lever godt med det.
Vi har visst eit meir liberalt og tolerant syn på seksualitet. Enkelte vil faktisk påstå at kvinners ønske om  å bli tilfredsstilt går hand i hand med ektefellen si vilje til å gjere husarbeid.
Korleis det igjen kan forklare kvifor menn som vasker oftare blir skilt, veit eg ikkje. Eller………tjoda, det seier seg vel sjølv?! Viss det ikkje er ei klar fordeling mellom kjønna når det gjeld husarbeid, vil det nok føre til eindel kranglar……….Så viss menn hadde holdt seg til desse dekka og kvinna til oppvasken, så hadde det kanskje vore håp?!
Seinast i dag var det ei som sa at ho saknar at ein mann er mann! Mandig!!!

Nei, det er vel på tide å finne seg sjølv. Etter på ha øva ein god del i dag, kjenner eg at det skal bli godt å få legge seg og sove. Så ha ei god natt!

Hasta mañana!

IWALY!!

tirsdag 11. februar 2014

Overrasket forloveden med veske til 30 000. Jaja, hadde eg plutseleg fått ei veske til 30 000 i gåve, så trur eg faktisk at eg hadde blitt litt sur.
No har vi jo alle ulik smak her i livet, og dyre og ekslusive vesker er ikkje akkurat det eg ivrar mest etter. Dessutan…….Tenk på alt musikkutstyret eg kunne kjøpt for same summen?! Det ville garantert gjeve mykje større lykke i livet enn eit "plagg" som berre brukes for å sjå kul ut.
Å kjøpe ei veske til 30 000 er nesten det same som å "kjøpe seg kjærleik".
For dei som ikkje skjønner kva eg meiner med det uttrykket, meiner eg at det går an å la seg villeie og forelske seg i all merksemda ein får. Bli blenda av den lykken pengar kan gje……
Skulle eg plutseleg få ei veske til 30 000, blir eg sikkert så sur for unyttig bruk av pengar at kjevla vil bli brukt.

Det er J-A Riise som har gjeve denne gåva……..utan at eg skal kommentere "his lovelife", for det trur eg dei fleste har meining om ifrå før av.

Hhahahahaa……Enkelte har dårlege dagar innimellom. Det er ikkje lett å vere på topp til eikvar tid. Høyr (les) berre denne: Slutt å dele bilder av gummi-babyer, folkens. Tolv ukers gamle fostre ser ut som romvesener laget av en blanding av gele og cottage cheese, og de er ikke særlig søte.
Hhehehe……Kva seier ein til det, liksom?

Det er ei som sjølv har tatt abort som har kommet med denne kommentaren. Berre det at ho sørga for å gjere det medan det enno kunne forsvarast med at det ikkje såg ut som noko baby. Det såg heller meir ut som om nokon hadde sløydd ein fisk. Hahaha…… For ei samanlikning.
Jaja, vi har jo alle ein eller annan gong vore ein kladeis! (Klump….)

Sånn eigentleg handlar heile innlegget hennar om reservasjonsretten. At ein som lege ikkje burde få reservere seg. Kor setningen on "bornets" utsjånad passar inn, veit eg ikkje. Setningen var berre så "sær".
Eigentleg er eg litt einig med ho…….Ein treng jo ikkje absolutt legge ut ultralydbileter av born, men likevel kan ein skjønne at mange syns det er stas av di dei gler seg sånn til å bli foreldre. Det er jo ikkje til å stikke under ein stol at vi blir meir og meir offentlege etterkvart som tida går.
Sjølv har eg kjempefine ultralydbliete av min eigen gut, kjempetydelege og eg kan sjp at han ser "på meg". Likevel kunne det ikkje falle meg inn å legge dei ut på nett, men det er strengt tatt opp til kvar enkelt om kva ein syns om slikt.
Er det no slik at det ser ut som ei blanding av gele og cottage cheese, ja då trur eg dei fleste avstår frå å vise bileta, så det er vel aller helst skivebom. Romvesener, derimot……..Hahaha……Ikkje så dumt forslag.

Malin (18) lå og sov. Plutselig stod Jehovas vitner i soverommet. Toppen på det å vere frekk? At Jehovas vitner til tider kan vere ganske "innpåslitne", er vel noko dei fleste veit.
Det er ikkje akkurat informasjon av nyare dato som seier at dei gjer sitt ytterste for å oppnå den kontakten dei ønsker. Smile stort når dei ser eit menneske dei ønsker å stoppe……….Du skjønner ikkje at du er lurt før det er for seint. Spesielt når smilet er så stort og fint at du er sikker på at det er nokon du kjenner, men berre ikkje klarar å plassere. (Sjølvopplevd!!)
Ellers så er jo historier om det at dei plasserer foten sin i dørkarmen om du prøver å lukke dei ute, noko "alle" kjenner til.
Likevel………..Malin må jo ha opplevd toppen av kransekaka, eller noko i den dur. Dessutan er det berre latterleg å gå rundt og spreie "eit ord" og samtidig gjere det på ein måte som gjer deg skuldig i noko ulovleg. For det er nett det. Det er forbode å ta seg inn i andre sitt hus utan samtykke av dei som bur der. (Viss no ikkje eg er fødd på ein heilt anna planet og ikkje evnar å tenke logisk her…..)
Vanleg høflegheit er å ringe på og vente på at ein bebuar skal kome ut i døra. Det er ikkje alle forunt å berre gå rett inn til andre. Det er ein tillit som må skapast mellom relasjonane først.

Nei, god natt! Denne knetta har i alle fall låst ytterdøra, så skulle det dukke opp nokre vitner i løpet av natta, vil dei måtte fryse i nokre timar før dei får svar hos meg.
Ha ein fortsatt fin kvel og sov godt til natta!

Hasta luego! @@@@

IWALY!!

mandag 10. februar 2014

Denne arbeidsdagen har vore "gøy"! Eg skal ikkje avsløre innhaldet i den, for det kjem seinare, men eg kan trygt seie at den har vore litt utanom det uvanlege. Uvanleg på ein positiv måte, og det trur eg både små og store er einige i. (Dei "små" det gjeld…..)
Det er herleg når ein dag startar slik!

Vi kan alle bli drapsmenn. Skarsgård har uttalt seg om dette og eg tenker at det har han vel heilt rett i.
Eg har ikkje tenkt å sette meg inn i saka han er omtalt i, men eg tenker som så at overskrifta "funker" Vi kan alle bli drapsmenn…………

Eg trur ikkje at det fins noko menneske som er fødd utan evne til å drepe. Det er vel heller meir slik at vi lærer oss ulike regler og normer for korleis vi skal leve i det samfunnet vi har og så skjer det ting som kan vere med på å velte heile den grunnmuren av moral i har bygd rundt oss.
Som oftast dreier det seg om hemn. Hemn………Eit ord som dekker ganske mykje. Hemn er ikkje til å spøke med. I alle fall ikkje om det triggar til drap. Då er sikkert ugjerninga som er begått i forkant rimeleg fæl.

Om vi mistar nokon som står oss svært nær, er det ein ganske stor prosentvis sjanse for at verda fell i grus. Kjem det heile av at det har vore utført ei ugjerning, er det ikkje sikkert at "fornuften" klarar å styre oss lenger og då kan mykje skje. Sinne………..
Blir vi pressa hardt nok, ja då er leidninga til den sunne moralen lett å kutte over. Plutseleg har ein blitt drapsmann/kvinne utan at ein klarte å sjå opp underveis og tenkte tanken "er det verdt det?".

Kor mange fedre er det ikkje som har sagt at dersom nokon krummer eit hår på bornet deira, ja då skal dei slå gjerningsmannen i hel?
Fonuften rømmer hinsides alt anna. For det er det som skjer! Det fins ikkje noko fornuftig bak det å hemne seg på ein slik måte. Hemne ved bruk av vald. Kor blir det då av rettferda? Rettferda for det bornet det gjeld……
Om ein far skulle finne på å banke livskiten ut av ein gjerningsmann, risikerer han å hamne i fengsel. Då er det ikkje berre gjerningsmannen som blir straffa. I verste fall går han fri………
Korleis kan ein klare å vere tilstades og hjelpe bornet sitt dersom ein sit bak lås og slå i ein murbygning ein eller annan stad? Korleis skal ein klare å få bornet til å føle seg trygg?
Hmne er ikkje alltid svaret. Uansett kor grusom årsaka bak er……. …..Hemn er stort sett aldri bra, men likevel kan ein forstå den (somme gonger). Ein kan forstå at enkelte tørner "gal" for ei stakket lita stund. Forstå det, men ikkje støtte det……..

Ikke glem kamera når du reiser hit! (Etterfulgt av eit flott bilete..) Kva by det er snakk om, veit eg faktisk ikkje. Ikkje har eg tenkt å finne det ut heller. Eg hengte meg berre opp i overskrifta.
Hallo???? Kven er det som er blitt menneskets beste ven? Kva er det ein ikkje reiser på ferie utan?
Svaret er ganske enkelt………mobiltelefonen!
Då kan eg jo følgje opp med eit spørsmål som seier "Kven er det, i dag, som har ein mobiltelefon som ein ikkje kan ta bilete med?". Når ein veit at blant nordmenn, så har sikkert 99,5% av den vaksne folkemassen mobiltelefon (i alle fall av dei som er rik nok til å reise). Dei færraste gløymer den heime…… Den er alt for god kompis til det…..Ergo gløymer ein aldri "kameraet" heime når ein reiser.

Fem ting vi lærte om kvinnen denne uken. Visste du at penisen din kan holdes som gissel?
Wow…… Dette trur eg at eg må lese meir om… Det står jo "lærte om kvinnen"……….. Kvinner har ikkje penis! I alle fall ikkje som eg veit om. (Viss ikkje alle andre har noko heilt anna enn eg sjølv.)

Det er greit nok at det ikkje er lett å forstå seg på kvinner, men……….. av og til kan du faktisk lære noko av dei. Kor fornuftig det er, eller ikkje, skal vere usagt.
Det er no ikkje alltid så lett å forstå menn heller…….

Uansett……Kva har vi lært om kvinner denne uka? (No er "vi" ganske relativt.) Jo, blant anna at kvinner ikkje drøymer om det same som menn. Då snakkar vi litt "på kanten". Det er vel ikkje ein så sjokkarta beskjed at det gjer noko når eg seier at menn drøymer om sex. Ulike partnarar - fiktive…….. Er det mangelen på hypppigheit som har skulda, eller er det berre slik det er å vere mann? (Eg berre spør…..)
No trudde du vel at vi kvinner er nokre dydsmønster som drøymer om små lam på beitet, fisketurar og blomar!??! Hahahahaha…….. Neida, vi drøymer nok mykje det same som menn…..berre det at vi faktisk drøymer om bekjente. Vi treng ikkje å lage oss fiktive personar for å få det til. Thihihi……
Når det kjem til mareritt, er nok menna hakket betre enn oss til å finne tema. Naturkatastrofer som tsunamiar og orkanar. Joda…..Vi kvinner drøymer konfliktane vi har med ektemannen. Skikkeleg spanande! (Som om tsunamiar er det……..)

Kvinner bruker meir sminke enn du trur! Ei kvinne bruker større del av livet sitt med sminke enn utan sminke. (Sånn alle saman bortsett frå meg!! Hahaha….) Mange maktar eingong ikkje å opneytterdøra, om det ringer på, dersom dei ikkje har sminke på seg. Creepy……..(men sikkert heilt normalt. Det er sikkert berre denne jomfrua som ikkje er på normalen.)

Hmmmm…. Det stod noko om FEM ting vi lærte om kvinna…… Eg har dotte ut for lenge sidan. Eg er i alle fall ikkje komen til fem, men det er no ikkje så nøye. Tre og fem er to av det same i kveld!
Om eg lærte så mykje av informasjone kan jo diskuterast.

Nei, ikkje skjønner eg at denne klokka ikkje kan spele litt meir på lag. Ho er allereie halv tolv og då er det vel like før støvet blir dryssa over augene mine. Jon Blund har mange han skal besøke i kveld, så då må ein berre ta til takke med litt støv. Tjohooo…..
Uansett, ha ein fortsatt fin kveld og god natt!!

Hasta luego!

IWALY!!

søndag 9. februar 2014

Ei triveleg helg er over. Ei helg med mykje musisering, og det var ikkje fritt for at ein følte seg litt "sliten" då vi slutta av i to-tida i dag. Då var det godt å kome heim og legge seg nokre minuttar på sofaen.
Det er no eingong slik at sjølv om det er morsdag, så er det enkelte ting som ikkje gjer seg sjølv. For å ta eit eksempel, så er sying av gardinar ein slik ting. Ergo har eg gjort nett det i dag. Vil ein ha nye gardiner, må ein berre hive seg rundt og sørge for at det blir gjort.
Eg rakk heldigvis akkurat å bli ferdig før masinnåla knakk. Då ville den rett og slett ikkje meir, og med ei jomfru som eigentleg var passe lei av heile syinga, var "timinga" heilt perfekt………..Enkelt og greitt av di eg ikkje gadd å skifte nål. (Det skjer vel kanskje i løpet av det neste halvåret, med tanke på kor ofte det er at eg gidd å sy. Hahaha……)

Eg kjem ikkje heilt på settinga, men idag var det ein "fugl" som kviskra meg i øyret at i England er det fleire som et morkaka!
Heldigvis var det ikkje rett før middagen i dag, for då trureg at eg hadde latt vere å spise.
Noko så ekkel tanke som det å spise morkake, skal ein leite lenge etter. Fysj og fy!
Eg er sjølvsagt klar over at morkaka liknar ein stor rundbiff (som vi brukar å skjære opp i mange biffar). Eg har då vitterleg sett mi eiga "kake"………For av ein eller annan grunn var det ein som trudde at eg hadde interesse av å sjå den, så då blei den foreviga på heile 20 bilete (sånn bortimot i alle fall).
For å seie det enkelt……. Fpr å sleppe å miste lysta på biff for resten av mi tid……hamna bileta glatt i vedomnen. Jaggu skal eg seie at dei brann godt!

Eg tenkte (berre nokre få sekund før eg fann meg sjølv att) at eg skulle google det heile for å finne ut kva som eigentleg har stått på nett om dette i dag. Så fann eg ut at det blir for ekkelt og fornuften sa la vere! Og fornuften køddar ein ikkje med!

Hvis man vil leve fredelig, bør man uttale seg om sex og ikke sport. Fabian Sang har den siste uka vore ute i hardt vèr. Bakgrunnen er ikkje noko verre enn at han har uttalt seg om noko innanfor pmrådet sport. Sport……….er visst helligare enn mykje anna her i verda.
Så kan ein spørre seg…..Kva er det med sport som gjer at folk nesten blir gal? (For gudane skal vite at enkelte blir det.) Kva er det med sport som gjer den så inn i hampen attraktiv å sjå på?

Fabian Stang ville berre kome osloenserane i forkjøpet og advare mot at alle skal sette seg ned og bruke arbeidstida si på OL. Ganske forståeleg om ein tenker seg litt om.
Dersom alle skulle satt seg ned og sjå på tv heile dagen, er det ikkje tvil om at det vil koste dyrt for Oslo som arbeidsgjevar.
Så var det dette me at OL er livsnødvendig for enkelte. Ergo er det mange som har heva stemmen til harnisk og ønsker han dit pepparen gror. (Kor no enn det er…….)

OL er OL……… Eg trur at dersom ein er litt oppegåande, så blir ikkje dette noko stort problem.
Problemet ligg i om du sit deg ned i fleire timar i strekk for å sjå OL når det er haugevis med arbeid som ligg der og ventar på deg.
Litt smidigheit, så kan ein sørge for å legge pausane sine til tidspunkt som er "viktige". (Dei som har sjansen til det.) Ein kan ha radioen på medan ein arbeider………osv…… Det fins nok ei lang rekke moglegheiter om ein berre tenker etter.

Fotball, handball og vintersport i form av OL/VM……….Enkelte tar heilt av. Den neste døgeret er øydelagt om det ikkje går den vegen ein ønsker. Leppene er nesten nede på knerne (surleppa - vel å merke), augene går nesten i fistel og er riktig så fargerike når det raude nesten tenner på resten av kroppen, alle andre er idiotar og for all del……Er det nokon som er så toskåt at dei fleipar med det…….Tja, "om blikk kunne drepe".
Enkelte går i borndomen att og blir rett og slett uleveleg med på slike dagar.
Dette siste er vel kanskej mest spesielt for fotball. Skientusiasmen er nok størst medan rennet pågår. Det er ikkje såååååå mange år sidan eg høyrte at kommentatoren som kommenterte Marit Bjørgen sitt gulløp på radioen, nesten fekk ein svær orgasme av at ho gjorde det så spanande på slutten. Ja, nei, ja, nei…… om einannan i delvis pustebesvær og sjølvsagt med eit avsluttande brøl som ikkje likna grisen på nokon som helst område.
Slik er det nok i enkelte stover også rundt om i dette lange landet vårt. (Noko anna vil vere rart.)
Så lenge det ikkje smadres tv-skjermar, så går det nok stort sett greit. Det ville i så fall bli ei dyr sending for dei som har så lite sjølvkontroll at dei lar slikt hende. (Joda, det skjer….)

Som eg skreiv aller først, har det vore ei musierande helg. Musiserande til trass for skidamene, brettmannen og dagnes menn…… Menna i korpset overlevde det (sjølvsagt av di dei kunne sjekke resultat og liknande underveis, i og med at vi har noko som kalles Internett). Kvinnene var litt rastlause, dei også, men hakket mindre enn menna.
Uansett…….Desse menna er nok leveleg med i desse OL-tider. Ellers hadde dei ikkje møtt opp på øving. EG kjenner likevel andre som har eit heilt anna kaliber og DET er ikkje bra.
Så spørs det……..Kva er mest verdt? Å leike seg med ass-ar, ess-ar, fiss-ar ………….. eller sjå Northug kives med Cologna og Hellner……..(når ein sjølvsagt ikkje er klar over resultatet)…….
Eg vil påstå "fiss-ane & co", men det er vel aller helst tvilsamt at den vanlege mann i gata syns den prioriteringa er så rett.

Hmmmm……Kva var det eigentleg eg starta med? Var det ikkje noko om fred på jord og sex? (Kanskje ikkje heilt slik, men nesten…..)
I alle fall var det at sex var meir fredeleg enn sport. Jada, Fabian Stang, det har du heilt rett i. (I alle fall i stor grad…….unntak finnes alltid.)
Så er det no eingong slik at sex er eit tema mange faktisk kranglar om, året rundt, medan OL-sporten berre varar i to uker. Så spørs det……..(igjen!) kva du foretrekker……. Heile året eller dei stakkars to ukene……..

No er det straks kveld for jomfru Knutsen. Rettare vil det vel vere å seie natt, men jaja…..du skjønner.
Ei ny uke står klar og ventar og eg trur det kan bli ei spanande ei.
Så sov godt til natta og tell geitebukkar om nødvendig! Eg trur ikkje det gjer det lettare å sove, men kan vere eit irriterande moment, så verdt å prøve. Kan jo hende eg tar feil!
God natt!

Hasta luego!

IWALY!!!

torsdag 6. februar 2014

Fyret.nu har måtte stenge nettsida si. Ikkje eit sekund for tidleg, spør du meg. For ei så useriøs side som det skal ein leite lenge etter.
Kor mange er det ikkje som har gått i fella og delt innhald frå nett den nettstaden? Innhald som får folk til nesten å gå i fistel. Tema som provoserer i stor grad.
For å ta eit døme, kan ein vise til saka om at ein skule ikkje skulle ha det norske flagget med i 17.mai-toget. Ei sak dei fleste burde ha skjønna ikkje var tilfelle, men likevel ikkje gjorde det. Eg har ikkje talet på kor mange iltre og negative kommentarar som verserte på nettet i den saka. Slike saker fins det uttallige av. Og folk bit på…………. Noko som eigentleg forundrar meg litt. Forundrar meg av di det no byrjer å bli ganske kjent at dette er ei side som ikkje heilt stemmer overeins med røyndomen.
No har dei, i følge seg sjølv. etter press frå eksterne krefter, stengt nettstaden.

Det som er litt teit (syns eg), er at fleire skriv kommentarar om dette og går heller til angrip på at alle det venstrevridde osv osv…. Det er jo ikkje det som er kluet. I eit demokrati må ein få lov til å ytre sine meininger, men akkurat denne nettstaden fungerer ikkje heilt slik
Det er forskjell på å seie si meining om noko og det å faktisk berre dikte opp noko for å skape provokasjon.
Viss ein ikkje klarar å sjå akkurat det skillet………
Ein kan vere så radikal ein berre vil, men ein må i alle høve halde seg til røyndomen.

De er ikke folk i mine øyne. Sterke ord frå ein horekunde! Ottar Stangeland gjer seg sjølv til offer for nettdebatt ved å offentleg kome med utsagn som han veit vil provosere mange.
Sjølv gjer han det for å gje dei som kjøper sex eit anna andlet enn det som til no er blitt vist gjennom media.

Heile 13%(!) av det norske folk (menn)  oppgjer at dei kjøper sex. DET er eit høgt tal! I alle fall oppi mitt hovud som litt lettare desperat prøver å anslå kor mange menn det vil bety. Eg kjenner eg blir sveitt berre ved tanken.
Når Stangeland no står fram på denne måten gløymer han ein liten (stor!!!!) vesentleg ting……..Han er tobornspappa! Tobornspappa, ja!! Ein pappa som faktisk ikkje berre kan tenke på seg sjølv.
Ved å vise andletet sitt i denne saka i full openheit for alle, kan i stor grad vere med på å "skade" borna på mange måter. Spesielt tenker eg på at det er mange av dei som les om han som kjenner han og borna hans.

Å harve over ei som "alle" andre har harva over, berre for å få tømt seg, er då vitterleg ikkje noko å vere stolt over. Noko han forsåvidt ikkje er. Ifølge han sjølv blir det, for ein slump pengar, litt "dunk-dunk", elendig sex og tømming. Då sjølvsagt med eit menneske han ikkje kjenner til frå før og heller ikkje kjem til å treffe fleire gonger.
Han seier at det kanskje er snakk om 200 gonger til no. Og ein ting er sikkert…..Eg hadde ikkje syntes det hadde vore kult om eg hadde lest på nettet at ein av mine har kjøpt sex over 200 gonger.
Eg hadde blitt flau og ville kanskje ungått å vise meg ute.

Uansett, det er jo på ein måte litt tøft at han står fram. Det betyr jo at han har ryggrad. Det er berre det at  det kan gå ut over andre.
Det verste med denne saka er ikkje at han har kjøpt sex. Det er det at han seier at "De er ikke folk i mine øyne". Det er på ein måte greit å handsame dei på den måten dei gjer av den enkle grunn at dei ikkje er "folk".
At dei fleste av kvinnene ikkje har lyst å gjere det dei gjer, at dei er menneske som slit psykisk av di dei må ty til slike handlingar…….tja, det betyr ingenting.
"Det er ikke mitt ansvar å sørge for at mennesker jeg ikke kjenner har det bra." 
Jaja, det er godt at ikkje alle tenker slik.

Personleg syns eg det er "teit"at han står fram på denne måten. Eg meiner at han burde halde seg for god til det og eg gjer meg mine tankar rundt det heile. Slike haldningar som kjem fram syns eg er forkastelege. Likevel må eg rette litt kritikk til dei som er inne og kommenterer og skriv si meining om det heile. Det er eingong slik at enkelte har litt problemar med å legge band på seg sjølv og då kan det lett kome eindel ytringar som ikkje er bra.
Eit døme på det er: "Æ forstår koffor han må kjøpe." Ein kommentar som går direkte på utsjånaden hans, og det er mobbing. Mobbing som faktisk er definert som ulovleg i paragrafen som omhandlar ytringsfridomen.
Det fins mange slike kommetarar,noko som berre blir teit. EIn kan heller få fram kva ein meiner ved å seie kva ein meiner om haldningane hans og temaet. Korleis han ser ut er likegyldig for alle.
I tillegg er det mange som tenker på borna hans…….. Korleis kan dei påstå at dei tenker på borna når dei skriv slike kommentarar?
Ikkje veit eg kor gamle borna hans er, men er dei gamle nok til å lese, kan det jo hende at dei faktisk får med seg kva folk kommenterer om saka.
Det kan forsåvidt klassifiserast som dobbeltmoral?!

Nei, jomfrua er litt trøytt og sliten og skal legge seg om litt. Kvelden starta med ein joggetur og då syns eg det fekk halde for i dag, så då har resten av kvelden vore lagt til sofaen og rein avslapping.
I morgon er det helg att, så tida går rimeleg fort.
Ha ein fortsatt fin kveld og sov godt til natta!
Hasta mañana!

IWALY!!

onsdag 5. februar 2014

Studie: Menn glemmer mest. Hahahah….. Skjønte eg det ikkje? Det er nemleg slik at menn gløymer soleklart meir enn kvinner. (Med tanke på alle dei gongene eg skriv til alt anna enn føremon for menna, skulle ein nesten tru at eg har manne-fobi……Thihihihihi……….Det har eg nok ikkje. Langt ifrå!!)
Om ein er ung eller gamal, har det ikkje så veldig mykje å seie. Det er ikkje alderen som avgjer. (No meiner eg sjølvsagt at vi utelet dei over 70 år….. Då speler nok alderen ei stor rolle.)

Ein stor studie viser heilt klart at menn gløymer meir enn oss kvinnfolk. Kvifor? Tja, det er det ingen som kan svare oss på. I alle fall ikkje menna!
Det kan jo hende at det er av di dei vil spare hjernen litt. Sånn for å hindre at hjernen blir brukt for mykje…… For det er jo litt synd om hjernefunksjonen plutseleg skulle stoppe opp og rett og slett ikkje virke meir.

Så spørs det kva det er dei gløymer…….Datoar og navn er jo to sikre alternativ til svar. Kor mange kjerringer er det ikkje som har vore lynings eller lei seg av di mannen har gløymt av at det er bryllaupsdag, geburtsdag osv………
Det verste er vel om dei seier feil namn når dei er midt under ei akt som kalles hyrdestund.
Ellers så er det vel ganske kjent at menn som gløymer dagen til kjerringa eit år, neppe gjer det året etter. Eg treng vel ikkje kommentere kvifor?! Det er vel ingen som tviler på den årsaka…….
I tillegg er det ikkje til å stikke under ein stol at enkelte menn er ganske einspora og då gløymer dei lett alt som ikkje er av særleg interesse. (Kjerringa sin dag bør vere av interesse!!)

Kynisk spill med bruk av barn. På ny er det å frata foreldre ansvaret for eigne born. Det er jo akkurat slik det er blitt i samfunnet i dag. Skulda legges alltid på andre enn dei foresatte, også denne gongen.
Norske talenter…………..Det er TV2 som blir "slakta", dei foresatte "går fri".

Det er laga eit konsept som slett ikkje er nytt for det norske folk med tanke på at det har gått nokre sesongar. "Alle" veit kva det dreiar seg om og "alle" veit at faren for å bli x-a ut er tilstades. Likevel får kanalen kritikk når born blir x-a ut.
Det er jo det som er poenget. Er du ikkje god nok, blir du x-a. Og ja, det er hjarterått enkelte gonger, men spelereglane ligg der og deltakarane er klar over kva reglar som gjeld.
Ikkje berre deltakarane, men også dei foresatte til dei minste.

Kva er det eigentleg som driv dei som melder seg på? Ønsket om å bli stjerne? Det fins mange av dei som ønsker seg nett det og enkelte ser på dette programmet som deira sjanse til å nå opp.
Vel, der bør dei foresatte vere litt vakne. Dei veit at det skal konkurrerast med mange dyktige menneske og difor bør ein samstundes vere klar over at sjansen for å ryke ut er særs stor.
Difor må også dei foresatte tenke seg nøye om før dei melder på borna sine.
Viss ikkje, blir det slik at ingen kan lage noko som helst program………… Det må jo tas hensyn til alt.

Realityprogram der du skal vise deg fram, er noko vi har hatt her til lands i mange år. Dette er noko som berre aukar og aukar i popularitet. Eg trur nok også at dette er med på å skape mange "popstar-wannabe"-ar rundt om i landet. Altfor mange kjenner ikkje si eiga begrensing og trur faktisk at dei kan bli stjerner.
Joda…… Det er viktig å ha draumar, men dei vaksne må i alle fall ha beina planta på jorda.
Ein kan ikkje la borna sine tru at dei er blant dei beste i landet når dei syng heilt greit. Og det er jo nett det dette programmet går ut på. Å finne de/den beste i landet……..
Ergo må dei foresatte(!) ta stilling til om dei trur at deira born vil takle den påkjenninga det er å vere med i eit  slikt program. At dei minste ikkje skjønner det sjølv, er heilt forståeleg, men vi vaksne skjønner meir.

Det kan kanskje virke litt kynisk å skrive dette, men det er no eingong slik at det er dei foresatte som tar avgjerdsla om at dei minste får lov til å delta. Ein 10-åring kan ikkje berre melde seg på sånn utan vidare utan foreldra sitt samtykke. I det augeblikket foreldra seier ja og melder bornet på, har dei samtidig samtykka til at bornet kan utsetjast for dei "tinga" som dei faktisk blir utsatt for gjennom eit slikt program.
Likevel er det TV-kanalen som får kulene mot seg………. Joda, ein kan sikkert diskutere i det uendelege om moralen kanalen har som vel å legge opp til slikt, men til sjuande og sist peiker det meste attende på foreldra.

Eg er ganske sikker på at desse meiningane som eg har i denne saka vil bli slakta av fleire. Eg veit det er fleire som er einige med at det er kynisk bruk av born frå TV2 si side. Javel, så ære være dei for at dei har den meininga. Det er det ytringsfridomen handlar om. Eg syns likevel berre at det blir heilt feil å legge all skulda på ein kanal som ønsker å skape god uderhaldning (noko eg antar mange syns dette programmet er, med tanke på seertal osv…).
Vel, foreldra har valgt å melde dei på, valgt at dei skal stå foran heile Noreg å synge, valgt at dei skal kunne x-ast ut eller ikkje, …………lista kan bli lang.

Joda, eg syns det var teit av TV2 å vise det lange innslaget med den 11 år gamle jenta som stod bak scena og gret. Ho kunne ha blitt spart for det. Dei kunne vist at ho gjekk av scena og så kunne dei ha stoppa filminga av ho der.
Det er fleire områder TV-kanalen kan skjerpe seg på…….heilt klart, men rett for all del like stor kritikk til dei foresatte. For det er ofte dei vaksne som har ambisjonar på bornas vegne. Synd, men sant.
Etter heile åtte sesongar med programmet, burde ei fleste kjenne til konseptet og dei fleste har sett korleis TV-kanalen jobbar i forhold til nett dette.

For all del…….Eg tar i utgongspunktet ikkje TV-2 i forsvar og seier at eg syns at reglane er greie. Eg vil berre få fram poenget med at hovudansvaret ligg på dei foresatte.
Hadde eg fått bestemt, vill eg nok ha satt ei nedre aldersgrense på rundt 15-16 år. I den alderen har ein fått eit meir realistisk syn på kva ein er god til og ikkje sjølv. (Dog ikkje alle….)
Så sjølve konseptet er nødvendigvis ikkje supert. Det er ikkje det eg har sagt. Eg har berre sagt at ansvaret ligg på forledra og hovudtyngda av kritikken må rettast mot dei.

Ha ein fortsatt fin kveld!
Hasta luego!

IWALY!!